২ পিতর 1:1 - Garo New Testament

¹ আংআ শিমোন-পিতর যীশু খ্রীষ্টনি সাকসা নকখল আরো ওয়াত্তেতা হং·আ। আনচিংনি ইসল আরো জক্কেতগিবা যীশু খ্রীষ্ট খাকখেৎগিবা হং·আ, আরো উনি গিম্মিন না·সংবা চিংনি গিত্তান আপসান বিবিরা·আখো মান·জক। ইনি গিম্মিন আংআ না·সংনা ইয়া চিঠিখো চক্কিংজক।

২ পিতর 1:1 Iomraidhean Croise

মথিনি চকগিবা নাম্মা খাৎথা 10:2

উয়া সাকচিগ্মি ওয়াত্তেতারাংনি বিমুংরাং ইয়ান: শিমোন জেখো পিতর মিংআ, উনি জা·মানো বিনি জংগিবা আন্দ্রিয়; সিবদিয়নি দে যাকোব আরো বিনি জংগিবা যোহন; ফিলিপ আরো বর্‌থলময়;

মথিনি চকগিবা নাম্মা খাৎথা 4:18

যীশু গালীল সাগালনি রিক্কাম গিত্তা রি·য়াংমিত্তিংও শিমোন, জেখো পিতর মিংআ আরো বিনি জংগিবা আন্দ্রিয়খো নিকনা মান·জক। বিসং সাগালো জাল গোংআমিং, মুয়ানা বিসং না·থক রিম·গিবা হং·আমিং।

লূকনি চকগিবা নাম্মা খাৎথা 1:47

আংখো জক্কেৎগিবা ইসলখো রা·এ আংনি খা·থং হান·সেংবিংজক,

লূকনি চকগিবা নাম্মা খাৎথা 11:49

ইনি গিম্মিন ইসল বিনি মিকসংআ গিত্তা ইয়া খাৎথাখো আগানজক, ‘আংআ বিসংচা আগানসোগিবারাংখো আরো ওয়াত্তেতগিবারাংখো ওয়াত্তেতনুয়া। বিসংনি গিসেপো মিত্তামরাংখো বিসং স·ওতে গালনুয়া আরো গিপ্পিনরাংখো হা·রিকনুয়া।’

যোহননা 1:42

আন্দ্রিয় শিমোনখো যীশুচা রিমবাজক। যীশু শিমোনচাখো নিএতি আগানজক, “না·আ যোহননি দেফান্থি শিমোন, ইন্দিবা নাং·খো কৈফা মিংনুয়া।” ইনি অর্থ পিতর, ফি·স্খাওদে রং·থি হং·আ।

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

যোহননা 20:21

জা·মানো যীশু দা·আবা বিসংনা আগানফিলজক, “না·সংও থম·থমখানা। ফাগিবা জেদাক্কে আংখো ওয়াত্তেতজক উয়ানদাক্কে আংআবা না·সংখো ওয়াত্তেতিংআ।”

ওয়াত্তেতারাংনা 15:14

ইসল বিনি আন·থাংনি মান্দি হং·খানা গিপ্পিন জাতরাংওনি মিত্তাম মান্দিখো বাচ্ছিয়ে রা·এ ফিন্নিকজক, গিপ্পিন জাতরাংনাবা বিনি চানচিয়ানি দংআ। ইয়া খাৎথাখোন শিমোন-পিতর আনচিংনা আগানজক।

রোমানরাংনা 1:1

আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

রোমানরাংনা 1:12

আগানস্খাওদে, জেদাক্কে আনচিং গিম্মিকান সাকসা সাকগিপ্পিননি বিবিরা·ওনিখো খা·দংআখো মা·ন্না।

রোমানরাংনা 1:17

বাদিকে দাক্কে ইসল মান্দিখো দোসগ্রি ইন্নে রা·চাকা উখো ইয়া নাম্মা খাৎথাও ফারাকজক। স্খাংওনি বন·খামওনা দিপ্পাৎ বিবিরা·আচাসান মান্দিখো দোসগ্রি ইন্নে রা·চাকা। রংথালগিবা শাস্ত্রও চক্কা দংআ, “জেখো দোসগ্রি ইন্নে রা·চাকা বিয়া বিবিরা·আচান জাংগিখো মা·ন্নুয়া।”

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

1ম করিন্থীয়রাংনা 15:9

আংআন ওয়াত্তেতারাংনি গিসেপো চনবাৎগিবা, আরোবা, ওয়াত্তেতা ইন্নে সানিবা রিক্কামাখো মা·ন্নাবা আংআ খ্রাজা, মুয়ানা ইসলনি মন্ডলীখো আংআ গিচ্চিয়েৎনুয়ামিং।

1ম করিন্থীয়রাংনা 9:1

আংআ জাকগিত্তেল হং·জামা? আংআ ওয়াত্তেতা হং·জামা? আনচিংনি গিত্তেল যীশুখো আংআ নিকখুজামা? গিত্তেলনা আংআ জে কামখো দাকজক না·সং উনিন বিথি হং·জামা?

2য় করিন্থীয়রাংনা 4:13

রংথালগিবা শাস্ত্রও চক্কা দংআ, “আংআ বিবিরা·জক ইন্নেন খু·সুক আগানজক।” ইন্দাকে আপসানখোন বিবিরা·আ ইন্নে চিংআবা খু·সুক আগানিংজক,

2য় করিন্থীয়রাংনা 5:21

যীশু খ্রীষ্টও মামুং পাপ দংজামিং; ইন্দিবা ইসল আনচিংনি পাপখো বিনি সাক্কাও হ·ন্নে বিখোন পাপনি হা·দামও চাদেংএতজক, জেদাক্কে খ্রীষ্টমুং নাংরিমে দংআনি হা·সেল ইসলনি রংথালা আনচিংনি রংথালা হং·আ।

গালাতীয়রাংনা 2:8

ইখো বিসং নিকনা মান·জক, মুয়ানা যিহূদীরাংচা পিতরনি ওয়াত্তেতানি কামনি খি·সাংও জেআন দংআমিং গিপ্পিন জাতরাংচা আংনি ওয়াত্তেতানি কামনি খি·সাংওবা উয়া ইসলান দংআমিং।

ইফিষীয়রাংনা 3:5

গিসিক রংথালগিবাচা উয়া নিং·থুয়া মিকসংআ দা·আও জেগিত্তা বিনি রংথালগিবা ওয়াত্তেতা আরো আগানসোগিবারাংচা ফারাকজক, চেংওনি মান্দিরাংচা উগিত্তা ফারাকজা।

ইফিষীয়রাংনা 4:11

বিয়ান মিত্তাম মান্দিখো ওয়াত্তেতা, মিত্তামখো আগানসোগিবা, মিত্তাম মান্দিখো নাম্মা খাৎথাখো আগানফ্রাকগিবা আরো মিত্তামখো ফামং আরো স্খিএতগিবা দাক্কে বাচ্ছিয়ে রা·জক।

ইফিষীয়রাংনা 4:5

সাকসাসান গিত্তেল দংআ, মিংসাসান বিবিরা·আ দংআ, মিংসাসান রিপ্পলা দংআ,

ফিলিপীয়রাংনা 1:1

তীমথিয় আরো আংআ পৌল- চিংআ খ্রীষ্ট যীশুনি নকখল হং·আ। খ্রীষ্ট যীশুমুং নাংরিমগিবা ইসলনি জে মান্দিরাং ফিলিপী সংজিলমাচা দংআ চিংআ বিসংচা আরো বিসংখো নিরক্ষিগিবারাংচা আরো বিসংনা দাকচাকে রন·গিবারাংচা চক্কিংজক।

ফিলিপীয়রাংনা 1:29

না·সংনা খা·সাচাকজক জেদাক্কে খ্রীষ্টখোসান না·সং বিবিরা·আ ইন্দাকে হং·জা, উনি গিম্মিন দুকখোবা চাকনা মা·ন্না।

2 তীমথিয় 1:5

নাং·নি খা·থংও জে বিবিরা·আ দংআ উখোবা আংনি গিসিকো দংআ। ইয়া বিবিরা·আ স্খাংও নাং·নি আম্বি লোয়ী আরো নাং·নি মা·আ উনীকীনি খা·থংও দংআমিং, আরো আংআ হা·আইয়া, ইয়া বিবিরা·আ নাং·নি খা·থংওবা দংআ।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

তীতনা 1:4

খ্রীষ্টখো বিবিরা·আও জেআন আংমুং আপসান হং·ফাজক, আংনি উয়া চং·মত বি·সা তীতনা আংআ ইয়া চিঠিখো চক্কিংআ। আপফা ইসল আরো আনচিংখো জক্কেৎগিবা খ্রীষ্ট যীশু নাং·না খা·সাচাকখানা আরো থম·থমাখো রন·খানা।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

যাকোব 1:1

আংআ ইসল আরো গিত্তেল যীশু খ্রীষ্টনি নকখল যাকোব, হা·গিলসাকনি দিমদাক হা·দকো বিলদিং বিলদাং দাক্কে দংগিবা যিহূদী জাতনি মা·চং চি·গ্মি মান্দিরাংনা সালাম র·ন্নিংআ।

পিতর 1:1

ইসলনি বাচ্ছিয়ে দনগিবা জে মান্দিরাং পন্ত, গালাতিয়া, কাপ্পাদকিয়া, এশিয়া আরো বিথুনিয়া হা·দকো গিপ্পাংএ হা·সং গিপ্পিননি মান্দি গিত্তা সংদংইংজক, বিসংচা আংআ যীশু খ্রীষ্টনি ওয়াত্তেতা পিতর ইয়া চিঠিখো চক্কিংজক।

পিতর 1:7

ইন্দাকা রুরাআ সকবা জেদাক্কে না·সংনি বিবিরা·আ খাকখেৎ ইখো নিকনা মা·ন্না, আরো উনি গিম্মিনো যীশু খ্রীষ্টনি ফারাকানি সালো না·সং মিৎথেলাখো, রাসংখো আরো মান্দিরা·আখো মা·ন্না। জে সোনা নাসিনুয়া উখোবা ওয়া·আলো সো·এ খাকখেৎ দাক্কে রা·আ; ইন্দিবা না·সংনি বিবিরা·আনি দামদে উয়া সোনানা বাত্তে আরোবা বাং·আ।

পিতর 2:7

ইনি গিম্মিন না·সং বিবিরা·জক ইন্নে না·সংচা উয়া রং·থি নাম্মেন গামচাৎগিবা হং·আ; ইন্দিবা জেরাং বিবিরা·জাজক বিসংনা শাস্ত্রনি ইয়া খাৎথা থিক হং·আ, নক রিকগিবারাং জে রং·থিখো দনগালজকমিং, উয়ান গিম্মিকনা বাত্তে নাংগিবা রং·থি হং·জক।

পিতর 5:1

আংআ খ্রীষ্টনি দুক চাক্কানি সাক্ষি আরো খ্রীষ্টনি জে রাসং ফারাকনুয়া উখো মান·ফাগিবা হং·আ। উনি গিম্মিন না·সংনি গিসেপো জেরাং মন্ডলীনি দা·ল্লা-রাক্কা হং·আ বিসংনা আংআ দা·আও সাকসা দাল·গিবা গিত্তা ইখো স্খিয়েতিংজক-

২ পিতর 1:4

বিয়া আন·থাংনি রাসংও আরো গুণচা আনচিংচা গামচাৎবিয়া আরো দাল·বাতাখো খু·রাচাকজক। ইনি মিকসংআ হং·জক, মান্দিনি নামগিজা হা·সিকানি হা·সেল হা·গিলসাকো জে নামজাস্রাং চিম্মংজক উয়োনি না·সং জক্কেতাখো মা·ন্নে জেদাক্কে ইসলনি গিসিক-বেওয়ালখো মান·ফাগিবা হং·আ।

যিহূদা 1:1

আংআ যীশু খ্রীষ্টনি নকখল আরো যাকোবনি জংআদা যিহূদা। আপফা ইসল জেরাংখো রিক্কামজক আরো খা·সাজক আরো যীশু খ্রীষ্ট জেরাংখো রাক্ষিজক বিসংচা আংআ ইয়া চিঠিখো চক্কিংজক।