2য় করিন্থীয়রাংনা 7:4 - Garo New Testament

⁴ না·সংখো আংআ বিবিরা·বিয়া আরো না·সংনি গিম্মিন আংআ রাসং দাকবিংজক। চিংনি গিম্মিক দুকরাংনি গিসেপো আংনি খুসি গাপসুয়াকিংজক আরো আংআ বাং·এ খা·নাম্মেতাখো মান·জক।

2য় করিন্থীয়রাংনা 7:4 Iomraidhean Croise

ওয়াত্তেতারাংনা 5:41

যীশুনি বিমুংনা ওয়াত্তেতারাং চন্নিকাখো মা·ন্না খ্রাগিবা হং·আনি গিম্মিন বিসং হান·সেংবিএ দাল·বাৎগিবা খ্রিমাওনি রি·য়াংজক।

রোমানরাংনা 5:3

ইয়াসান হং·জা, দুকরাংও দংএবা আনচিং খুসি হং·ইংআ, মুয়ানা চাকচিকা দুকনি বিথি হং·আ ইন্নে আনচিং হা·আইয়া,

1ম করিন্থীয়রাংনা 1:4

আংআ ফাংনান না·সংনি গিম্মিন আংনি ইসলখো মিৎথেলা, মুয়ানা খ্রীষ্ট যীশুমুং নাংরিমে না·সং ইসলনি খা·সাচাক্কাখো মান·জক।

2য় করিন্থীয়রাংনা 1:4

চিংনি দুক গিম্মিকও বিয়া খা·নাম্মেতাখো হ·ন্না, জেদাক্কে বিচানিখো মান·গিবা খা·নাম্মেতাখো চিংআ সাকগিপ্পিনরাংনি দুক মান·মিত্তিংও হ·ন্না মা·ন্না।

2য় করিন্থীয়রাংনা 10:8

না·সংখো থারিখানা মিকসংএ গিত্তেল চিংনা বিলখো হ·ন্না, না·সংনি নামগিজাখো দাকনাদে হং·জা। ইখো রা·এ আংআ রাসং দাক্কোবা উনি গিম্মিন আংআ খ্রাচা·জানুয়াা।

2য় করিন্থীয়রাংনা 11:21

ইরাংনি গিম্মিন চিংআ না·সংচা বিলগ্রিমিং ইখো আংআ খ্রাচা·এ খু·রাচাকিংজক। জেখো রা·এ রাসং দাকনা গিপ্পিনরাং ফা·আ আংআবা উখো রা·এ রাসং দাকনা ফা·আ; ইয়া খাৎথাখো আংআ জাদা গিত্তান আগানিংজক।

2য় করিন্থীয়রাংনা 2:14

ইসলখো মিৎথেলা, আনচিং খ্রীষ্টমুং নাংরিমজক ইন্নে ইসল বিনি হাম্মে-রি·য়াও ফাংনান আনচিংখো রি·দিলা। খ্রীষ্টখো হা·আইয়া সিম্মিলগিবা বিবা গিত্তা হং·আ। ইসল বিনি হাম্মে-রি·য়াও উয়া সিম্মিলগিবা বিবাখো চিং গিত্তা হা·দাম গিম্মিকো গিপ্পাংএতা।

2য় করিন্থীয়রাংনা 3:12

চিংনি ইন্দাকে খা·দংআ দংআ ইন্নেন চিংআ ফি·ফ্রাকে খাৎথা আগানা।

2য় করিন্থীয়রাংনা 7:14

আংআ খুসি হং·জক, মুয়ানা না·সংখো রা·এ আংআ বিচা রাসং দাক্কামিং, আরো উনি হা·সেল আংনি খ্রাচা·আখো মা·ন্না নাংজাজক। উনা বাত্তে না·সংচা আগানা চিংনি গিম্মিক খাৎথা জেগিত্তা বিবি হং·আমিং, উগিত্তান তীতচা না·সংখো রা·এ চিংনি রাসং দাক্কাবা বিবিন হং·আ ইখো ফিন্নিকা হং·জক।

2য় করিন্থীয়রাংনা 8:24

উনি গিম্মিন আগান্না, বিসংচা স্রংস্রাংএন না·সংনি খা·সাখো ফিন্নিকবো আরো মুয়ানা না·সংখো রা·এ চিংআ রাসং দাক্কা ইখো বিসংনা ফিন্নিকবো, জেদাক্কে মন্ডলীরাং উখো নিকনা মা·ন্না।

ফিলিপীয়রাংনা 1:14

ইনা আগ্রে আংনি ইন্দাকে বন্দি হং·এ দংআনি গিম্মিন বাং·আ জংআদারাং গিত্তেলনি সাক্কাও আরোসা বাং·এ ফাংচাকনা স্খিজক আরো উনি গিম্মিনান বিসং খেনচাকগিজা ইসলনি খাৎথাখো আগানফ্রাকনা আরোসা ফাস্রাংজক।

ফিলিপীয়রাংনা 1:20

আংনি বিবিরা·আ খেম·খেম দংআ, আংআ মামুংনান খ্রাচা·জানুয়া বাত্তেসা আংআ বাং·এ ফা·আনুয়া, স্খাংও আংনি গিসেপো খ্রীষ্টনি রাসং জেদাক্কে ফারাকামিং উয়ানদাক্কে দা·আওবা ফারাকনুয়া-আংআ থাংএবা দং বা সিয়েবা দং;

ফিলিপীয়রাংনা 1:26

উনি গিম্মিন না·সংওনা দা·আবা রি·বানি হা·সেল না·সং খ্রীষ্ট যীশুও আংখো রা·এ হান·সেংবিনুয়া।

ফিলিপীয়রাংনা 2:17

জে বিবিরা·আনি বলিচা না·সং ইসলখো অলাখিয়া উনি সাক্কাও আংনি হান·চিখো বলি গিত্তা রুদাপোবা খুসি হং·আ আরো না·সংমুং হান·সেংআ।

কলসীয়রাংনা 1:24

না·সংনা আংআ জে দুকখো চাক্কিংজক উয়ো আংআ হান·সেংআখোন মা·ন্নিংজক। খ্রীষ্টনি বে·এননা, আগানস্খাওদে মন্ডলীনা বিনি দা·আওবা জে দুক চাকনা দংখুংআ উখো আংআ আংনি বে·এনোন চু·সকেতিংজক।

1 থিষলনীকী 2:19

আনচিংনি গিত্তেল যীশু জেনসালো রি·বানুয়া উনো বিনি মিকখাংও না·সংআন চিংনি খা·দংআনি, হান·সেংআনি আরো রাসংনি মালা হং·জানুয়ামা?

1 থিষলনীকী 2:2

না·সং ইখোবা হা·আইয়া, ইনা স্খাং চিংআ ফিলিপী সংজিলমাচা গিচ্চিয়াখো মা·ন্নামিং আরো মান্দিরা·গিজাখোবা মা·ন্নামিং। ইন্দিবা ইন্দাকে চাংফেংআরাং দংওবা আনচিংনি ইসলচানি খেনমানগিজাখো মা·ন্নে বিনি নাম্মা খাৎথাখো চিংআ ফারাকেন না·সংনা আগানামিং।

2 থিষলনীকীয়রাংনা 1:4

আরো ইনি গিম্মিনান ইসলনি মন্ডলীরাংনি মিকখাংও না·সংখো রা·এ চিংআ রাসং দাক্কিংজক, মুয়ানা জে গিচ্চিয়ারাংখো আরো দুকরাংখো না·সং চাক্কিংজক উনি গিসেপোবা না·সংনি চাকচিকা আরো বিবিরা·আ দংখুংআ।

ফিলীমনা 1:7

জং, নাং·নি খা·সাখো নিক্কে আংআ খুসি হং·বিয়া আরো খা·দংআখো মান·জক, মুয়ানা না·আ ইসলনি মান্দিরাংনি খা·থংও গিত্তাল খা·দংআখো রা·বাআ।

যাকোব 1:2

আংনি জংআদারাং, না·সং জেনসালো গিপ্পিন গিপ্পিন রুরাও গা·আকা উনো উখো নাম্মেন খুসি হং·আনি হা·সেল ইন্নে চানচিয়া,