2য় করিন্থীয়রাংনা 7:1 - Garo New Testament

¹ খা·সাগিবা রিপ্পেংরাং, আনচিংনা ইয়া খু·রাচাক্কারাং দংআ ইন্নে হাই, আনচিং বে·এন আরো খা·থংনি গিম্মিক মারাং নাংআওনি আন·থাংথাংখো রংথালেতনা আরো ইসলখো খেনচাকে অলাখিয়ে চু·গিম্মিক রংথালানি রামাও রি·না।

2য় করিন্থীয়রাংনা 7:1 Iomraidhean Croise

মথিনি চকগিবা নাম্মা খাৎথা 12:33

‘‘ইয়া খাৎথাখো মানিয়ে রা·বো, বিফাং নাম্মোদে উনি বিথিবা নামনুয়া, দা·আবা বিফাং নামজাওদে উনি বিথিবা নামজানুয়া; মুয়ানা বিথিচান ফাংখো হা·আইনা মা·ন্না।

মথিনি চকগিবা নাম্মা খাৎথা 5:48

উনা গান্দা আগানিংআ, না·সংনি সালগিও দংগিবা ফাগিবা জেদাক্কে চু·সকগিবা হং·আ না·সংবা উয়ানদাক্কেন চু·সকগিবা হং·বো।

মথিনি চকগিবা নাম্মা খাৎথা 5:8

খা·থং রংথালগিবারাং ফাত্তিয়াখো মান·গিবা হং·আ, মুয়ানা বিসং ইসলখো নিকনা মা·ন্নুয়া।

ওয়াত্তেতারাংনা 9:31

উয়া সময়ও যিহূদিয়া, গালীল আরো শমরিয়া হা·দকনি মন্ডলীরাংও থম·থমা দংআমিং, আরো উয়া মন্ডলীরাং হং·বাংআমিং। উনি গিম্মিন গিত্তেলনা খা·ফাকাও আরো গিসিক রংথালগিবানি খা·দংএতাও বিসংবা জালরোরোজক।

রোমানরাংনা 5:20

খ্র্রাগিজা কাম বাং·খানা ইন্নে নিয়ামখো হন·জক, ইন্দিবা খ্রাগিজা কাম জেও বাং·জক উয়ো ইসলনি খা·সাচাক্কা বাং·জক।

1ম করিন্থীয়রাংনা 6:20

বাং·আ দামচা না·সংখো ব্রিজক। উনি গিম্মিন ইসলনি রাসংনা না·সংনি বে·এনখো জাকখালবো।

2য় করিন্থীয়রাংনা 1:20

বিয়া ফাংনান “হো·এ” হং·আ। ইসলনি গিম্মিক খু·রাচাক্কা খ্রীষ্টও “হো·এ” ইন্নে আগানা। উনি গিম্মিন ইসলনি রাসংনা খ্রীষ্টও আনচিং “আমেন” ইন্নে আগানা।

ইফিষীয়রাংনা 2:3

আনচিংবা দিমদাকান স্খাংদে আন·থাংথাংনি পাপ-বেওয়ালনি হা·সিকাখো চু·সকে উয়া মান্দিরাংমুং জাংগি মিৎথাংনুয়ামিং। পাপ-বেওয়ালওনি জে হা·সিকারাং আরো চানচিয়ারাং হং·খাতা উগিত্তা চিংআ কাম দাকনুয়ামিং। ইন্দাকা বেওয়ালনা চিংআবা গিপ্পিনরাং গিত্তা ইসলওনিখো শাস্তি মা·ন্না খ্রাগিবা হং·আমিং।

1 থিষলনীকী 3:13

ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

1 থিষলনীকী 4:7

মুয়ানা ইসল রংথালগিজা দাক্কে রি·না ইন্নে আনচিংখো রিক্কামজা, রংথালে রি·না ইন্নেন রিক্কামজক।

1 থিষলনীকী 5:23

থম·থমেৎগিবা ইসল আন·থাংআন না·সংখো চু·গিম্মিক দাক্কে রংথালেতখানা, আরো আনচিংনি গিত্তেল যীশু খ্রীষ্টনি রি·বাফিল্লানি সালো না·সংনি বে·এনখো-গিসিকখো দোসগ্রি দাক্কে দনবো।

ইব্রীয়রাংনা 12:23

দেজাক্রানি বিলখো মান·রিকগিবা মান্দি গিত্তা জেরাংনি বিমুং সালগিও চক্কা দংআ বিসংনি রিকগিবা মন্ডলীচা রি·বাজক; জেআন দিমদাক মান্দিরাংনি বিচাল দাকগিবা হং·আ উয়া ইসলচা রি·বাজক; জে মান্দিরাং চু·সকাখো মান·জক উয়া দোসগ্রি মান্দিরাংনি গিসিকচা রি·বাজক;

ইব্রীয়রাংনা 12:28

উনি গিম্মিন জে হা·খিংখো মজুমেতনা মান·জা আনচিং উয়া হা·খিংখো মা·ন্না রি·য়াংইংজক ইন্নে হাই, আনচিং ইসলচা মিৎথেলগিবা হং·না। ইন্দাকোদে ইসল জেগিত্তা খুসি হং·আ উগিত্তান আনচিং অলাখিয়ামুং আরো খেন্নামুং বিনা দাকচাকে হ·ন্না মা·ন্নুয়া।

ইব্রীয়রাংনা 4:1

ইসলনি হন·গিবা নেং·থাকানি হা·দামচা রি·য়াংনা জেখো খু·রাচাক্কামিং উয়া খু·রাচাক্কা আনচিংনাবা খ্রাআ। উনি গিম্মিন আনচিংনি সিমসাকনা নাংনুয়া, জেদাক্কে সাকসাখোবা উয়া খু·রাচাকগিবা ফাত্তিয়ানি খ্রাগিজাগিবা দাক্কে নিকনা মান·জা।

ইব্রীয়রাংনা 6:9

খা·সাগিবা রিপ্পেংরাং, চিংআ ইন্দাকা খু·সুকরাংখো আগানিংআ ইন্দাকোবা চিংআ বিবিরা·আ, না·সংনি অবস্থা উয়ানদাক্কে দাকজা; পাপওনি জক্কানি বিথিখো না·সংনি জাংগিও নিকনা মা·ন্নিংআ।

যাকোব 4:8

ইসলনি সেফাংওনা রি·য়াংবো, ইন্দাকোদে বিয়াবা না·সংনি সেফাংওনা রি·বানুয়া। পাপীরাং না·সংনি জাকথাংখো থাল্লেতবো। জাজাগিবা মান্দিরাং, না·সংনি খা·থংখো রংথালেতবো।

পিতর 1:15

উনা বাত্তে জেআন না·সংখো রিক্কামজক বিয়া জেগিত্তা রংথালা, না·সংবা না·সংনি গিম্মিক রিয়া·দোআও উগিত্তান রংথালবো।

পিতর 1:17

ফাগিবা ইসল গিম্মিক মান্দিনি কামনি খ্রি বিনি বিচালখো দাক্কা, দারাংনি মিকখাংখো নিএ উখো দাকজা। ইনি গিম্মিন বিখো না·সং ফাগিবা ইন্নে রিক্কামোদে ইয়া হা·গিলসাকো জেওনা দিপ্পাৎ হা·সং গিপ্পিননি মান্দি গিত্তা দংআ উয়োনা দিপ্পাৎ বিনা খা·ফাকে খেন্নাও না·সংনি জাংগিখো মিৎথাংবো।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

পিতর 2:11

খা·সাগিবা রিপ্পেংরাং, ইয়া হা·গিলসাকো না·সং হা·সং গিপ্পিননি মান্দি হং·আ আরো হা·সং গিপ্পিনো বাং·গিজা সালনা সংদংগিবা ইন্নে আংআ না·সংখো মংসংবাত্তে মল·মলিংআ, না·সং পাপ-বেওয়ালনি হা·সিকারাংওনি চে·ল্লে দংবো,

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

1 যোহন 1:7

ইন্দিবা ইসল জেদাক্কে সেং·আও দংআ আনচিংবা উয়ানদাক্কে সেং·আও রি·ওদে আনচিংনি গিসেপো নাংরিমা দংআ আরো বিনি দেফান্থি যীশুনি হান·চি গিম্মিক পাপওনি আনচিংখো রংথালেতা।

1 যোহন 1:9

আনচিং আনচিংনি পাপখো খু·রাচাক্কোদে বিয়া উনোন আনচিংনি পাপখো ক্ষেমা দাক্কা আরো গিম্মিক খ্রাগিজাওনিখো আনচিংখো রংথালেতা, মুয়ানা বিয়া ফাংচাকনা খ্রাগিবা আরো মামুং সালোবা খ্রাগিজাখো দাকজা।

1 যোহন 3:3

জেআন খ্রীষ্টনি সাক্কাও ইন্দাকে খা·দংআখো দন্না বিয়া আন·থাংখো খাকখেৎ দাক্কা জেদাক্কে খ্রীষ্ট খাকখেৎ হং·আ।