2য় করিন্থীয়রাংনা 4:7 - Garo New Testament

⁷ ইন্দিবা ইয়া গামখো হা·আনি দনচাক্রাও দনজক, আরো চিংআন উয়া হা·আনি দনচাক্রা। হা·আনি দনচাক্রাও উখো দন্না জেদাক্কোদে মান্দিরাং হা·আইনা মা·ন্না, ইন্দাকগিবা রামরাম হং·গিজা বিল আনচিংনি আন·থাংওনি রি·বাজা বাত্তেসা ইসলওনিন রি·বাআ।

2য় করিন্থীয়রাংনা 4:7 Iomraidhean Croise

2য় করিন্থীয়রাংনা 5:1

চিংআ ইয়া খাৎথাখো হা·আইয়া, ইয়া হা·গিলসাকো চিংআ জে তাম্বুও দংআ, আগানস্খাওদে জে বিলগ্রি বে·এনো চিংআ দংআ উয়া নাসিয়োবা ইসলনি হন·গিবা গি·সা নক চিংনি দংআ। ইয়া নকখো মান্দিনি জাকচা থারিজা, সালগিও উয়া ফাংনাজলনান দংআ।

1ম করিন্থীয়রাংনা 1:28

হা·গিলসাক জেখো চন্নিকানি আরো মান্দিরা·গিজানি ইন্নে চানচিয়া, আরোবা হা·গিলসাকনি মিক্রোনও জেআন মামুংআন হং·জা উখোন ইসল বাচ্ছিয়ে রা·জক জেদাক্কে হা·গিলসাকনি মিক্রোনও গামচাৎগিবারাং গামচাতাগ্রি হং·আ।

কলসীয়রাংনা 2:3

খ্রীষ্টও গিম্মিক হা·আইয়া আরো বুদ্ধি থুম্মুয়ে দংআ।

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

2য় করিন্থীয়রাংনা 10:10

মিত্তাম মান্দিরাং আগানা, “বিনি চিঠিরাং গিসিকখো সা·দিকেতা আরো উয়া বিল্লাকবাতা, ইন্দিবা বিয়া সেফাংও দংজোকনো ইন্দাকে নিকনা মা·ন্না, বিয়া বিলগ্রিগিবা হং·আ আরো বিনি খাৎথা খিন্নানা গিত্তা ইন্দাকা মামুং হং·জা।”

মথিনি চকগিবা নাম্মা খাৎথা 13:44

‘‘সালগিনি সংনক হা·বাও ত্থুম্মুয়ে দনগিবা গাম গিত্তা হং·আ। জেখো মান্দি সাকসা নিক্কে দা·আবা থুুম্মুয়ে দনজক। জা·মানো বিয়া খুসি হং·এ রি·য়াংজক আরো আন·থাংনি দংগিবা গিম্মিকখো ফাল্লে উয়া হা·বাখো ব্রিজক।

2 তীমথিয় 2:20

দাল·গিবা নকও সোনা-রূপানি দনচাক্রারাং দংআ ইন্দাকেসান হং·জা, ইন্দিবা বলনি আরো হা·আনি দনচাক্রারাংবা দংআ। উরাংও মিত্তাম দনচাক্রারাং দাল·বিয়া কামনা আরো মিত্তাম দনচাক্রারাং চনবিয়া কামনা জাকখালা।

2য় করিন্থীয়রাংনা 4:1

ইয়া নিয়ামখো হা·আইএতানি কামখো খা·সাচাক্কে ইসল চিংনা হন·জক ইন্নে চিংআ খা·দংআগ্রি হং·জা।

কলসীয়রাংনা 2:12

রিপ্পলাচা খ্রীষ্টমুং না·সং গোপ্পাখো মান·জক; ইন্দাকেসান হং·জা, জেআন সিয়াওনি খ্রীষ্টখো থাংচাএতজক উয়া ইসলনি বিলখো বিবিরা·আচা না·সংখো খ্রীষ্টমুং থাংচাএতাবা হং·জক।

1 থিষলনীকী 1:5

মুয়ানা চিংনি আগানফ্রাকগিবা নাম্মা খাৎথা খু·সুকচাসান না·সংচা রি·বাজা, ইন্দিবা বিলচা, গিসিক রংথালগিবাচা উয়া রি·বামিং। না·সংমুং দংমিত্তিংও না·সংনি নাম্মানা চিংআ বাদিকে দাক্কে রি·য়া-দোআ না·সং উখো হা·আইয়া।

ইফিষীয়রাংনা 2:5

ইনি গিম্মিন বামগিজানা আনচিংনি সিয়ে দংমিত্তিংও খ্রীষ্টমুং আনচিংখো বিয়া থাংচাএতজক। ইসলনি খা·সাচাক্কাচা না·সং পাপওনি জক্কাখো মান·জক।

2য় করিন্থীয়রাংনা 13:4

বিখো বিলগ্রি অবস্থাও চিসলো দাৎখাপামিং, ইন্দিবা ইসলনি বিলও বিয়া থাংএ দংআ। চিংআ বিমুং নাংরিমে বিলগ্রি হং·জক, ইন্দিবা না·সংনি গিম্মিন ইসলনি বিলও বিমুং চিংআ থাংএ দংনুয়া।

2য় করিন্থীয়রাংনা 6:10

চিংআ দুক বাং·এ মা·ন্নিংজক, ইন্দাকোবা চিংনি খা·থং ফাংনান হান·সেংআও গাপ্পা। চিংআ আন·থাংদে দিল্লা, ইন্দাকোবা চিংআ বাং·আখোন নকমা চায়েতিংজক। চিংনি মামুংআন দংজা, ইন্দাকোবা চিংআ গিম্মিকখোন মান·রিকগিবা হং·আ। ইন্দাকেন চিংআ ফিন্নিকিংজক, চিংআ ইসলনা দাকচাকে হন·গিবা হং·আ।

মথিনি চকগিবা নাম্মা খাৎথা 13:52

উনোন যীশু বিসংনা আগানজক, ‘‘সালগিনি সংনকনি গিম্মিন স্খিয়া মান·গিবা শাস্ত্র স্খিগিবা গিম্মিকান আন·থাংনি জামওনিখো গিত্তাল আরো গিৎচাম জিনিসখো রং·খাতগিবা নকনি নকগিবা গিত্তা হং·আ।’’

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

1 থিষলনীকী 4:4

আরো জেরাং ইসলখো হা·আইজা উয়া গিপ্পিন জাতরাং গিত্তা বে·এননি নামগিজা হা·সিকাও রি·গিজা না·সং গিম্মিকান আন·থাংথাংনি বে·এনখো রংথালে মান্দিরা·আমুং চাকচিকে দন্না স্খিবো।