2য় করিন্থীয়রাংনা 4:4 - Garo New Testament

⁴ বিবিরা·গিজাগিবা মান্দিরাংনি গিসিকখো ইয়া চাসংনি মিত্তে মিকগ্রি দাক্কে দনজক জেদাক্কে বিসং নাম্মা খাৎথানি সেং·আখো নিকনা মান·জা। ইয়া নাম্মা খাৎথাও খ্রীষ্টনি রাসং ফারাকজক, আরো ইয়া খ্রীষ্টন ইসল চাচা দাক্কা।

2য় করিন্থীয়রাংনা 4:4 Iomraidhean Croise

মথিনি চকগিবা নাম্মা খাৎথা 13:22

বুসুগ্রিমো গা·আকগিবা বিৎচ্রিচা বিসংখোন আগানজক জেরাং উয়া খাৎথাখো খিন্না, ইন্দিবা নকদাংনা চানচিয়ারাং আরো গামজিননা খা·ফাকারাং উয়া খাৎথাখো দিকফ্রিপে দন্না। উনি গিম্মিন উনো মামুং বিথি নাংজা।

যোহননা 1:14

উয়া খাৎথান মান্দি ফি·ল্লে আৎচিজক আরো আনচিংনি গিসেপো দংফাজক। ফাগিবা ইসলনি সাকসা খাম·খাম দেফান্থি গিত্তা বিনি রাসংখো আনচিং নিকজক। বিয়া খা·সাচাক্কাও আরো বিবিও গাপগিবা হং·আ।

যোহননা 1:18

দারাংবা ইসলখো মামুং সালোবা নিকখুজা। বিমুং দংফাগিবা উয়া সাকসা খাম·খাম দেফান্থি, জে আন·থাংআন ইসল হং·আ, বিয়ান বিখো ফারাকজক।

যোহননা 12:31

ইয়া হা·গিলসাকনি মান্দিরাংখো বিচাল দাক্কানি সাল দা·আও সকবাজক, আরো হা·গিলসাকখো শাসন দাকগিবাখো দা·আও হা·রিকেতনুয়া।

যোহননা 12:35

যীশু বিসংনা আগানজক, “অকখিসা মাংমাংনা সেং·আ না·সংমুং দংআ। সেং·আ না·সংমুং দংমিত্তিংওন রি·সোবো জেদাক্কে আন্দালা না·সংমুং হামজা। আন্দালাও রি·গিবা বাওনা রি·য়াংআ উখো হা·আইজা।

যোহননা 12:40

“ইসল বিসংনি মিক্রোনরাংখো মিকগ্রি দাক্কেতজক আরো খা·থংরাংখো গক্কা দাক্কেতজক, জেদাক্কে বিসং মিক্রোনচা নিকজা আরো খা·থংচা হা·আইজা, আরো নামনা ইন্নে বিচানা রি·বাফিলজা।”

যোহননা 12:45

আংখো নিকগিবা, আংখো ওয়াত্তেতগিবাখোন নিক্কা।

যোহননা 14:30

আংআ না·সংমুং বাং·এ আগানগ্রিকজানাজক, মুয়ানা হা·গিলসাকনি নকগিবা রি·বাংজক। আংনি সাক্কাও বিনি বিল দংজা।

যোহননা 15:24

জে কামরাংখো দারাংবা দাকখুজা উয়া কামরাংখো বিসংনি গিসেপো আংআ দাকজাওদে বিসংনি দোস হং·জানুয়ামিং। ইন্দিবা দা·আও বিসং আংখো আরো আপফাখো নিকজক আরো মিৎচিবা মিৎচিজক।

যোহননা 16:11

বিচালনি গিম্মিন সিমসাকেতনুয়া, মুয়ানা হা·গিলসাকনি নকগিবানি বিচাল হং·জক।

যোহননা 8:12

জা·মানো যীশু দা·আবা মান্দিরাংনা আগানফিলজক, “আংআন হা·গিলসাকনি সেং·আ। আংনি রামাওনা রি·গিবাদে মামুং দাক্কেবা আন্দালাও রি·জানুয়া, ইন্দিবা জাংগিনি সেং·আখো মা·ন্নুয়া।”

ওয়াত্তেতারাংনা 26:23

ইয়ান উয়া খাৎথা হং·আ, খ্রীষ্টখো দুক চাকনা নাংনুয়া আরো বিখোন স্খাং সিয়াওনি থাংচাএ বিনি আন·থাংনি জাতনি মান্দিরাংচা আরো গিপ্পিন জাতরাংচা সেং·আনি সংনকনি গিম্মিন আগানফ্রাকনা নাংনুয়া।”

1ম করিন্থীয়রাংনা 10:20

ইন্দাকেদে হং·জা, বাত্তেসা আংআ আগানিংআ, গিপ্পিন জাতরাং জেখো বলি হ·ন্না উখো ইসলচা দাকজা, গিসিক নামগিজাগিবারাংচান দাক্কা। গিসিক নামগিজাগিবারাংমুং না·সংখো নাংরিমাখো আংআ হাম·জা।

2য় করিন্থীয়রাংনা 2:11

জেদাক্কে শয়তান আনচিংনি সাক্কাও মামুং দাকনা চলখো মান·জা। বিনি নামগিজা চানচিয়ানি খাৎথাখো আনচিং হা·আইজা ইন্দাকেদে হং·জা।

2য় করিন্থীয়রাংনা 2:12

আংআ ত্রোয়া সংজিলমাও খ্রীষ্টনি গিম্মিন নাম্মা খাৎথাখো আগানফ্রাকনা রি·য়াংএ নিকজক, উয়ো কাম দাকনা ইন্নে গিত্তেল আংনা গি·সা চল দাক্কে হন·জক।

2য় করিন্থীয়রাংনা 3:11

জেআন ব·ন্নাংইংজক উয়া ইন্দাকফিল্লে রাসং গাপগিবা হং·ওদে জেআন ফাংনাজলনি দংনুয়া উয়া আরোবা বাসিক বাং·এ রাসং গাপগিবা হং·আ!

2য় করিন্থীয়রাংনা 3:14

ইন্দিবা উয়া মান্দিরাংনি গিসিক রাকজকমিং। উনি গিম্মিন দা·আওবা উয়া গিৎচাম খু·রাচাক্কাখো পড়িজোকনো বিসংনি খা·থংনি সাক্কাও উয়ানদাকগিবা পর্দা দংআরিয়ান, মুয়ানা খ্রীষ্টমুং নাংরিমে দংওসান উয়া পর্দা জিত্তাংআ।

2য় করিন্থীয়রাংনা 3:18

ইনি গিম্মিন আনচিং জেরাং খ্রীষ্টমুং নাংরিমজক, আনচিং গিম্মিকান মিকখাং ফিনদাপগিজা জানিরাও বিমাংখো নিআ গিত্তা গিত্তেলনি রাসংখো নিক্কেন আন·থাংথাংবা রাসংও দাল·রোরোবাএ দিংথাং হং·ফিলে বিগিত্তান হং·ইংজক। গিত্তেলনি, আগানস্খাওদে গিসিক রংথালগিবানি বিলচান ইন্দাকে হং·আ।

2য় করিন্থীয়রাংনা 4:6

চিংআ ইয়া খাৎথাখো আগানফ্রাকিংজক, মুয়ানা জেআন আগানামিং, “আন্দালাওনি সেং·খানা,” উয়া ইসলান চিংনি খা·থংও চিং·আমিং, জেদাক্কে বিনি রাসংখো হা·আইয়ানি সেং·আ ফারাকা। ইয়া রাসংআন খীষ্টনি মিকখাংও দংআ।

গালাতীয়রাংনা 1:4

আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

ইফিষীয়রাংনা 2:2

হা·গিলসাকনি চানচিয়ারাং গিত্তা স্খাংদে না·সংবা উয়ানদাক্কে বামগিজা আরো পাপও রি·নুয়ামিং। জে গিসিক সিলগানি বিলগ্মাংরাংনি রাজা হং·আ উয়া গিসিক নামগিজাগিবা ইসলনা বামগিজাগিবা মান্দিরাংও কাম দাক্কা, আরো না·সং উয়া গিসিক জলজল রি·নুয়ামিং।

ইফিষীয়রাংনা 6:12

আনচিংনি ইয়া দাকগ্রিকা মান্দিনি সাক্কাওদে হং·জা, বাত্তেসা উয়া আন্দালানি সংনকখো শাসন দাকগিবা আরো বিলখো মান·রিকগিবারাংনি সাক্কাও, আন্দালা হা·গিলসাকনি বিল্লাকগিবা গিসিকরাংনি সাক্কাও, আরো সিলগানি গিম্মিক গিসিক নামগিজাগিবারাংনি সাক্কাও।

ফিলিপীয়রাংনা 2:6

আসলদে বিয়া ইসলান হং·এ দংজক, ইন্দিবা ইসলমুং আপসান হং·এ দংনা বিয়া চানচিজাজক।

কলসীয়রাংনা 1:15

ইয়া দেফান্থিন নিকগিজা ইসলনি জা গিত্তা হং·আ। গিম্মিকখো থারিয়ানি স্খাং বিয়ান দংআমিং আরো গিম্মিক থারিয়ানি সাক্কাও বিয়ান দাল·বাৎগিবা,

কলসীয়রাংনা 1:27

ইসল হাম·জক, গিপ্পিন জাতরাংওবা বিনি ইয়া নিং·থুয়া খাৎথানি রাসং বাদাকা উখো বিনি গিম্মিক মান্দিরাং হা·আইনা মান·খানা। উয়া বিবি ইয়ান- খ্রীষ্ট না·সংনি খা·থংও দংআ ইন্নে না·সং রাসং মা·ন্নানি খা·দংএতাখো মান·জক।

1 তীমথিয় 1:11

রাসংগ্মাং ইসলনি নাম্মা খাৎথা গিত্তা জে স্খিয়া, উয়া স্খিয়ান চং·মত স্খিয়া হং·আ। ইয়া নাম্মা খাৎথাখো আগানফ্রাকানি কামখো বিয়া আংনা হন·জক।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

ইব্রীয়রাংনা 1:3

ইসলনি গিম্মিক গুণ উয়া দেফান্থিওন দংআ; দেফান্থিন ইসলনি চু·গিম্মিক বিমাং হং·আ। দেফান্থি বিনি বিল্লাকগিবা খাৎথাচা গিম্মিকখো রি·ম্মে রা·রিকে চালাইয়া। মান্দিনি পাপখো হা·রিকানি জা·মানো দেফান্থি সালগিও চুবাৎগিবা ইসলনি জাক্রাচা আসংজক।

ইব্রীয়রাংনা 6:4

মুয়ানা জেরাং রাং·সা সেং·আখো নিকজক, সালগিনি হ·ন্নানি থোআখো আরো গিসিক রংথালগিবাখো মান·জক,

২ পিতর 1:19

শাস্ত্রও আগানসোগিবারাং জেখো আগানজক উখো চিংচা বিবি ইন্নে ফিন্নিকা হং·জক। আন্দালাও না·সংনি মিক্রোন জেদাক্কে চাক্কিচানা দংআ উয়ানদাক্কেন জেওনা দিপ্পাৎ ওয়ালসেং·জা আরো না·সংনি খা·থংও ফ্রিংনি আস্কি নাবাজা উয়োনা দিপ্পাৎ আগানসোগিবারাংনি খাৎথাও গিসিক র·ন্নোদে না·সংনা নাম্মা।

1 যোহন 2:11

ইন্দিবা জেআন বিনি জংআদানা মিৎচিয়া বিয়া আন্দালাও দংআ আরো আন্দালাওন রি·ইংজক। বিয়া হা·আইজা বিয়া বাচ্চা রি·য়াংইংআ, মুয়ানা আন্দালা বিনি মিক্রোনখো মিকগ্রি দাক্কেতজক।

1 যোহন 2:8

ইন্দিদে ইয়া জে গি·য়েতানি খাৎথাখো দা·আও আংআ না·সংচা চক্কিংআ উয়া গিৎচাম হং·ওবা গিত্তাল। ইয়া গি·য়েতানি বিবিখো যীশু খ্রীষ্টও আরো না·সংনি জাংগিও নিকনা মান·জক, মুয়ানা আন্দালা গিম্মাংজক আরো উয়া চং·মত সেং·আ দা·আও চিং·ইংআ।

1 যোহন 5:19

আনচিং হা·আইয়া আনচিং ইসলনি হং·আ, আরো হা·গিলসাক দিমদাক শয়তাননি বিলনি নিং·আও গা·আকে দংআ।