2য় করিন্থীয়রাংনা 4:2 - Garo New Testament

² মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

2য় করিন্থীয়রাংনা 4:2 Iomraidhean Croise

রোমানরাংনা 1:16

যীশু খ্রীষ্টনি গিম্মিন ইয়া নাম্মা খাৎথানা আংনি মামুং খ্রাচা·আনি দংজা, মুয়ানা ইয়া নাম্মা খাৎথান হং·জক ইসলনি বিল জেচা বিয়া গিম্মিক বিবিরা·গিবারাংখো পাপনিখো জক্কেতিংআ-স্খাং যিহূদীরাংখো, জা·মানো গিপ্পিন জাতরাংখো।

রোমানরাংনা 6:21

স্খাংনি জে কামরাংনি খাৎথাখো চানচিএ দা·আও না·সং খ্রাচা·আংআ উয়া কামরাংওনি না·সংনি মুয়া লাভ হং·নুয়ামিং? উনি বন·খামগিবা বিথি হং·জক সিয়া।

1ম করিন্থীয়রাংনা 4:5

উনি গিম্মিন গিত্তেলনি রি·বানা স্খাং, আগানস্খাওদে উয়া থিক দাকগিবা সময়না স্খাং না·সং দা·আ মামুংনি দোসখো রিম·না রি·য়াংআবো। আন্দালাও থুম্মুয়ে দনগিবাখো বিয়ান সেং·আওনা রা·বানুয়া আরো মান্দিনি খা·থংনি থুম্মুয়ে দনগিবা মিকসংআরাংখোবা ফারাকনুয়া। উনিসালো ইসলচাখোন জে জেনি মা·ন্নাগিবা মিৎথেলাখো মা·ন্নুয়া।

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 11:3

ইন্দিবা উয়া চিপ্পু বিনি নামগিজা বুদ্ধিচা জেদাক্কে হবাখো থগিয়েতামিং উয়ানদাক্কে খ্রীষ্টনি গিম্মিন স্রংআ আরো রংথালা অলাখিয়াওনিখো সাবা না·সংখোবা থগিয়েতনা দংআ ইন্নে আংআ খেনমানিংআ।

2য় করিন্থীয়রাংনা 11:6

আংআ নাম্মেদাক্কে খাৎথা আগান্না মান·জা ইন্দাকোবা আংনি হা·আইয়া দংআ আরো উখো গিম্মিক গিত্তান না·সংচা ফারাকজক।

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 5:11

গিত্তেলনা খেন্না ইন্নে চিংআ আন·থাংথাংনি গিম্মিন মান্দিনি গিসিকো বিবিরা·এতনা হা·ম্মা। চিংআ জেগিত্তা দাক্কা, উখো ইসল নাম্মে থাল্লেন হা·আইয়া আরো না·সংনি গিসিকোবা উয়া থাল্লা ইন্নে আংআ খা·দংআ।

2য় করিন্থীয়রাংনা 6:8

মান্দিরাং চিংখো মান্দিরা·খানা বা রা·জাখানা, চিংনি গিম্মিন নাম্মাখো আগানখানা বা নামগিজাখো আগানখানা, চিংআ ইসলনা দাকচাকে হন·গিবা হং·আ ইখো চিংআ ফিন্নিকিংআ। মান্দিরাং চিংখো থকাই চা·গিবা ইন্নে আগানা, ইন্দিবা চং·মতদে চিংআ বিবিনি রামাও রি·য়া।

2য় করিন্থীয়রাংনা 7:14

আংআ খুসি হং·জক, মুয়ানা না·সংখো রা·এ আংআ বিচা রাসং দাক্কামিং, আরো উনি হা·সেল আংনি খ্রাচা·আখো মা·ন্না নাংজাজক। উনা বাত্তে না·সংচা আগানা চিংনি গিম্মিক খাৎথা জেগিত্তা বিবি হং·আমিং, উগিত্তান তীতচা না·সংখো রা·এ চিংনি রাসং দাক্কাবা বিবিন হং·আ ইখো ফিন্নিকা হং·জক।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

ইফিষীয়রাংনা 5:12

মুয়ানা মান্দিরাংনি সিউল দাক্কে দাকগিবা ইয়া কামরাংনি খাৎথাখো আগানাবা খ্রাচা·আনি হা·সেল হং·আ।