2য় করিন্থীয়রাংনা 3:1 - Garo New Testament

¹ চিংআ ইরাংখো আগানে দা·আবা আন·থাংথাংখো মিৎথেলনা হা·বাচেংজকমা? সানিবা সানিবা জেদাক্কে নাংআ, উয়ানদাক্কে চিংনিবা না·সংচা বা না·সংচানিখো মিৎথেলানি চিঠিখো নাংইংজকমা? মামুং দাক্কেবা হং·জা।

2য় করিন্থীয়রাংনা 3:1 Iomraidhean Croise

ওয়াত্তেতারাংনা 18:27

জা·মানো আপল্লো আখায়াওনা রি·য়াংনা হা·ম্মো ইফিষনি বিবিরা·গিবা জংআদারাং বিখো খা·দংএতজক। আখায়ানি জা·রিকগিবারাং আপল্লোখো রা·চাকখানা ইন্নে ইফিষনি জংআদারাং আখায়াওনা চিঠি চকজক। ইসলনি খা·সাচাক্কাও আখায়াও জেরাং বিবিরা·আমিং আপল্লো বিসংনা নাম্মেন দাকচাকজক।

রোমানরাংনা 16:1

দা·আও আংআ আনচিংনি নগিবা ফৈবীনি গিম্মিন না·সংচা মল·মলচাক্কিংজক। বিয়া কিংক্রিয়া সংজিলমানি মন্ডলীনি দাকচাকে হন·গিবা হং·আ।

1ম করিন্থীয়রাংনা 16:3

জেনসালো আংআ না·সংচা রি·বানুয়া উনসালো না·সংনি গিলগিবা উয়া হ·ন্নানিখো যিরূশালেমচা রা·আংনা না·সং জেরাংখো খ্রাগিবা চানচিনুয়া, আংআ চিঠি হ·ন্নে বিসংখো ওয়াত্তেতনুয়া।

1ম করিন্থীয়রাংনা 3:10

ইসলচাখো আংআ মংসংগিবা খা·সাচাক্কাখো মা·ন্নে উচান দাল·গিবা মিস্ত্রি গিত্তা আংআ ফাংচাকানিখো রিকজক, আরো সাকগিপ্পিনরাং উনি সাক্কাও দালান রিক্কিংজক। ইন্দিবা সা বাদিকে রিক্কা উনি গিম্মিন বিয়া সিমসাকখানা।

1ম করিন্থীয়রাংনা 4:15

খ্রীষ্টনি গিম্মিন স্খিয়েতনা গিত্তা মান্দি না·সংনি বাং·নাবা দংআ, ইন্দিবা ফাদে না·সংনি বাং·এ দংজা; আংআন নাম্মা খাৎথাচা খ্রীষ্টান থরমও না·সংনি ফা হং·জক।

2য় করিন্থীয়রাংনা 10:12

না·সংনি গিসেপো মিত্তামরাং আন·থাংথাংখো মিৎথেলা। চিংআ বিসংনি দলও আন·থাংথাংখো গালনা বা বিসংমুং আন·থাংথাংখো থসুসানা ফা·জা। বিসং বাসিক জাদা! মুয়ানা বিসং আন·থাংথাং জেখো নাম্মা ইন্নে চানচিয়া উমুং আন·থাংথাংখো থসুসাআ আরো উচান আন·থাংথাংখো বিচাল দাক্কা।

2য় করিন্থীয়রাংনা 10:18

মুয়ানা আন·থাংখো রাসং দাক্কানি গিম্মিন দারাংখোবা নাম্মা ইন্নে ফিন্নিকনা মান·জা, বাত্তেসা গিত্তেল জেখো রাসং দাক্কা বিখোন নাম্মা ইন্নে নিকনা মা·ন্না।

2য় করিন্থীয়রাংনা 10:8

না·সংখো থারিখানা মিকসংএ গিত্তেল চিংনা বিলখো হ·ন্না, না·সংনি নামগিজাখো দাকনাদে হং·জা। ইখো রা·এ আংআ রাসং দাক্কোবা উনি গিম্মিন আংআ খ্রাচা·জানুয়াা।

2য় করিন্থীয়রাংনা 12:11

আংআদে জাদান হং·জক, ইন্দিবা না·সংআন আংখো ইন্দাকে হং·এতা, মুয়ানা না·সংআন আংখো রাসং দাকনা নাংআমিং। আংআ মামুং হং·জাওবা না·সংনি উয়া “মংসংবাৎগিবা” ওয়াত্তেতারাংনা বাত্তে মামুং দাক্কেবা চনজা।

2য় করিন্থীয়রাংনা 12:19

ইয়া চিঠিরাংচা চিংআ না·সংচা আন·থাংনা চাক্কে খাৎথা আগানা ইন্নে না·সং চানচিয়ামা? খ্রীষ্টমুং নাংরিমে চিংআ ইসলনি মিকখাংও খাৎথা আগানিংআ। খা·সাগিবা রিপ্পেংরাং, না·সংখো থারিয়ে রা·না ইন্নেন চিংআ ইয়া খাৎথারাংখো আগানিংআ।

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 5:12

ইনি গিম্মিন চিংআ না·সংচা দা·আবা আন·থাংথাংখো মিৎথেলজা বাত্তেসা চিংখো রা·এ না·সংনি রাসং দাক্কানি হা·সেলখো ফিন্নিকিংআ, জেদাক্কে খা·থংখো নিগিজা জেরাং হা·ফালনি বিমাংখো নিএ রাসং দাক্কা বিসংনা না·সং আগানচাকনা মা·ন্না।