2য় করিন্থীয়রাংনা 11:3 - Garo New Testament

³ ইন্দিবা উয়া চিপ্পু বিনি নামগিজা বুদ্ধিচা জেদাক্কে হবাখো থগিয়েতামিং উয়ানদাক্কে খ্রীষ্টনি গিম্মিন স্রংআ আরো রংথালা অলাখিয়াওনিখো সাবা না·সংখোবা থগিয়েতনা দংআ ইন্নে আংআ খেনমানিংআ।

2য় করিন্থীয়রাংনা 11:3 Iomraidhean Croise

মথিনি চকগিবা নাম্মা খাৎথা 24:24

মুয়ানা উনসালো বাং·এন বু·এ চা·গিবা খ্রীষ্ট আরো বু·এ চা·গিবা আগানসোগিবা রি·বানুয়া আরো দা·ল্লা আইয়াও ইনমানগিবা চিননি কামরাংখো দাকনুয়া জেদাক্কে মা·ন্নোদে ইসলনি বাচ্ছিয়ে দনগিবা মান্দিরাংখোবা বিসং ব্রাংএতনা মা·ন্না।

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

রোমানরাংনা 12:8

খা·দংএতানি বিলখো জে মান·জক বিয়া খা·দংএতখানা; গিপ্পিননা হ·ন্নানি বিলখো জে মান·জক বিয়া সনথল গিসিকো হন·খানা; দাল·গিবা হং·আনি বিলখো জে মান·জক বিয়া খা·দংএ নিরিকখানা; গিপ্পিননা দাকচাকানি বিলখো জে মান·জক বিয়া গিসিকো খুসি হং·এ দাকখানা।

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 11:20

ইয়াসান হং·জা, সাবা না·সংখো নকখল দাক্কোদে, না·সংখো চু·গিম্মিক ব·ন্নেতোদে, না·সংখো জা·গাও গাল্লোদে, না·সংনি নকগিবা হং·ওদে বা না·সংনি নাথেংখো চরাইওদে, না·সং উরাংখোবা চাক্কা।

2য় করিন্থীয়রাংনা 11:29

সাবা বিলগ্রি হং·ওদে আংআ বিমুং বিলগ্রি হং·ফাজামা? সানিবা হা·সেলো সাবা পাপও গা·আকোদে উনা গান্দা আংআ খা·খিমচাজামা?

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

গালাতীয়রাংনা 1:6

খ্রীষ্টনি খা·সাচাক্কাও জেআন বিনি আন·থাংনি মান্দি হং·খানা না·সংখো রিক্কামামিং, না·সং ইন্দাকে থেংরিন বিখো ওয়াত্তে দিংথাং দাকগিবা নাম্মা খাৎথাচা না·সংনি গিসিক সকজক ইখো নিক্কে আংআ আইয়াও ইনমানিংজক।

গালাতীয়রাংনা 2:4

বু·এ চা·গিবা মিত্তাম জংআদারাং সিউল দাক্কে নাপ্পানি গিম্মিন ইয়া খু·সুক হং·খাতামিং। খ্রীষ্ট যীশুও বিবিরা·গিবা গিত্তা চিংনি জাকগিত্তেলনি দোসখো রিম·না ইন্নেন বিসং সিউল নাপ্পামিং জেদাক্কে চিংখো নকখল থারিনা মা·ন্না।

গালাতীয়রাংনা 3:1

ও হা·আইচাকগিজা গালাতীয়রাং! সা না·সংখো যাদু মনতল দাকজক? যীশু খ্রীষ্টখো চিসলো দাৎখাপামিং ইখো না·সংচা নাম্মেদাক্কেন আগানফ্রাকজক।

গালাতীয়রাংনা 4:11

না·সংনি গিম্মিন আংআ ইন্দাকে খেনমানিংজক, না·সংনি গিসেপো আংআ বু·আরিন গামজকখন।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

ইফিষীয়রাংনা 4:22

না·সং ইয়া স্খিয়াখো মা·ন্নামিং, না·সংনি গিৎচাম জাংগিনি গিৎচাম ‘আংআ’খো গিৎচাম বা·রা গিত্তান গালনা নাংনুয়া, মুয়ানা দাক্কামব্রুআ হা·সিকাচা উয়া গিৎচাম “আংআ” নাসিংজক।

ইফিষীয়রাংনা 6:24

আনচিংনি গিত্তেল যীশু খ্রীষ্টনা জেরাংনি খা·সাআ খেম·খেম দংআ বিসং গিম্মিকনি সাক্কাও ইসলনি খা·সাচাক্কা দংখানা।

কলসীয়রাংনা 2:18

আন·থাংথাংনি বে·এনখো দুক হ·ন্না আরো সা·গ্রেরাংখো অলাখিনা নাংআ ইন্নে জেরাং চানচিয়া বিসং জেদাক্কে না·সংনি বকসিসখো মা·ন্নাও চাংফেংজা। ইন্দাকগিবা মান্দি জেখো নিকজক ইন্নে দাকমিকা উনি গিম্মিনো দা·ল্লা দা·ল্লা খাৎথাখো আগানা আরো ইন্দাকারিন গাং·বিংআ, মুয়ানা বিসংনি গিসিক পাপ-বেওয়ালনি নিং·আও হং·আ।

কলসীয়রাংনা 2:4

আংআ না·সংনা ইয়া খাৎথাখো আগানিংজক জেদাক্কে দারাংবা গিসিক ব্রাংএতানি খু·ফারাংচা না·সংখো ব্রাংগিবা রামাচা রা·আংজাখানা।

কলসীয়রাংনা 2:8

না·সং সিমসাকবো, জেদাক্কে দারাংবা মান্দিনি বাংবাং দাক্কামব্রুআ চু·য়াকগিবা চানচিবাত্তানি স্খিয়াচা না·সংখো চিপচাংএ সাল্লে রা·আংনা মান·জা। খ্রীষ্টমুং উয়া স্খিয়া আপসান হং·ফাজা; মান্দিনি দাকবেওয়াল আরো হা·গিলসাকনি বাং·আ বেওয়ালরাংনি সাক্কাওন উয়া ফাংচাকা।

1 থিষলনীকী 3:5

উনি গিম্মিন জে সময়ও আংআ আরবা চাকনা মান·জাজক উনো বিবিরা·আও না·সং বাদাকা অবস্থাও দংআ উখো হা·আইনা ইন্নেন তীমথিয়খো ওয়াত্তেতামিং। শয়তান না·সংখো মাদ্দুয়েতজকখোন আরো চিংনি গাম্মা ইন্দাকারি হং·জকখোন ইন্নে আংআ খেন্নিংআমিং।

1 তীমথিয় 1:3

ম্যাসিডোনিয়াচা রি·য়াংমিত্তিংও আংআ নাং·না জেখো আগানামিং দা·আওবা উখোন আগানিংজক- না·আ ইফিষ সংজিলমাওন দংবো, জেদাক্কে মিত্তাম মান্দিরাংখো গি·য়েৎনা মা·ন্না জেদাক্কে বিসং আরবা ব্রাংগিবা স্খিয়াখো স্খিয়েতজা।

1 তীমথিয় 2:14

ইনাআগ্রেবা আদম দাক্কামব্রুআও ব্রাংজা, ইন্দিবা মিচিকদে ব্রাংআমিং আরো ইসলনি গি·য়েতাখো মানিজামিং।

2 তীমথিয় 3:13

ইন্দিবা নামগিজাগিবা মান্দিরাং আরো দাক্কামব্রুগিবারাং আরোসা নামজাস্রাংনুয়া। বিসং গিপ্পিনরাংখো ব্রাংআ রামাচানা রা·আংনুয়া আরো আন·থাংথাংবা ব্রাংআ রামাচা রি·নুয়া।

তীতনা 1:10

ইন্দাকগিবা বাং·আ মান্দি দংআ জেরাং বামগিজাগিবা হং·আ, জেরাং হং·গিজা-নাংগিজা খু·সুকখো আগানা আরো জেরাং দাক্কামব্রুএ রওমা। জেরাং বিগিল রাত্তাখো দা·লনিকা, মংসংদে আংআ বিসংনি খাৎথাখোন আগানিংআ।

ইব্রীয়রাংনা 13:9

বাং·আ গিত্তাল গিত্তাল স্খিয়া জেদাক্কে না·সংখো ব্রাংগিবা রামাচানা রা·আংজা। আনচিংনি গিসিক ফাকওয়াতগিবা চা·আনি সাক্কাও দংগিজা জেদাক্কে ইসলনি খা·সাচাক্কানি সাক্কাও খিম·খিম দংআ। জেরাং উয়া চা·আনি সাক্কাও ফাংচাকে রি·নুয়ামিং, উয়া চা·আওনি বিসংনি মামিং লাভ হং·জা।

২ পিতর 3:17

খা·সাগিবা জংআদারাং, না·সং ইয়া খাৎথাখো স্খাংআন হা·আইনা মান·জক ইন্নে সিমসাকবো, জেদাক্কে ইন্দাকা বিংবাং মান্দিরাংনি ব্রাংআচা না·সংখো ব্রাংএতজাখানা, আরো না·সংনি গিসিকনি খেম·খেমাওনি না·সং জিত্তাংজা।

২ পিতর 3:3

স্খাং ইয়া খাৎথাখো গিসিক রা·বো, নাম্মা বিদিংখো রা·এ জেরাং খা·দিংস্থেকনা নামনিকা বিসং বন·খামওনা রি·বাএ খা·দিংস্থেকনুয়ান। বিসং আন·থাংনি হা·সিকা গিত্তান রি·নুয়া,

1 যোহন 2:18

বি·সারাং, ইয়ান বন·চতা সময় হং·আ। না·সংদে খিন্নাজক, খ্রীষ্টনি বোবিল রি·বাংজক, ইন্দিবা বিনি আরোবা বাং·আ বোবিলরাং রি·বাএ গালজক। উনি গিম্মিন আনচিং হা·আইনা মা·ন্নিংআ, ইয়ান বন·চতা সময় হং·আ।

1 যোহন 4:1

খা·সাগিবা বি·সারাং, না·সং গিম্মিক গিসিকখো দা·আ বিবিরা·আ; বাত্তেসা বিসং ইসলওনি রি·বামা রি·বাজা উখো থিকখেলে নিবো, মুয়ানা হা·গিলসাকো বু·এ চা·গিবা আগানসোগিবারাং বাং·এ হং·খাতজক।

যিহূদা 1:4

ইয়াদে নাংআসা, মুয়ানা জে মান্দিরাংনি শাস্তিনি গিম্মিনো স্খাংআন শাস্ত্রও চক্কামিং বিসং না·সংনি গিসেপো স্রক স্রক দাক্কে নাপজক। ইসলনা ইয়া মান্দিরাংনি খা·ফাকা দংজা; আনচিংনি ইসলনি খা·সাচাক্কাখো বিসং নামজাস্রাংনি মিংসা ফা·সিকা ইন্নে চানচিয়া আরো জেআন আনচিংনি সাকসা খাম·খাম নকগিবা আরো গিত্তেল হং·আ উয়া যীশু খ্রীষ্টখো বিসং জিচাকা।

ফারাকগিবা খাৎথা 12:15

উনো উয়া দাল·বিয়া চিপ্পু স্খাল উয়া মিচিকনি জা·মানচা দংএ বিখো চিও সাল্লে রা·আংনা ইন্নে বিনি খু·সুকওনি চি রং·খাতে গি·সা চিবিমা থারিজক,

ফারাকগিবা খাৎথা 12:9

উনো উয়া দাল·বিয়া চিপ্পু স্খাল আরো বিমুং বিনি সা·গ্রেরাংখো হা·গিলসাকোনা গাল্লেতজক। ইয়া দাল·বিয়া চিপ্পু স্খাল হং·জক উয়া গিৎচাম চিপ্পু জেখো দিয়াবল বা শয়তান মিংআ। বিয়া হা·গিলসাকনি গিম্মিক মান্দিরাংখো ব্রাংগিবা রামাচা রা·আংআ।

ফারাকগিবা খাৎথা 20:2

বিয়া উয়া চিপ্পুখো, আগানস্খাওদে উয়া গিৎচাম চিপ্পু জেখো দিয়াবল বা শয়তান মিংআ বিখো রিম·মে বিলসি হাজালসানা খাজক আরো উয়া থিং·নাপগিবা হা·খলচা গাল্লেতজক। জা·মানো বিয়া উয়ো তালা হন·নে উনি সাক্কাও মোহর সু·জক, জেদাক্কে ইয়া বিলসি হাজালসা বন·জা দিপ্পাৎ ইয়া হা·গিলসাকনি জাতরাংখো আর ব্রাংআনি রামাচানা রা·আংনা মান·জা; উনি জা·মানো বিখো বাং·গিজা সালনা ওয়াত্তেতনুয়া।