2য় করিন্থীয়রাংনা 10:4 - Garo New Testament

⁴ রামরাম মান্দি জে জাকরিমরারাংখো রা·এ দাকগ্রিকা চিংআ উখো রা·এ দাকগ্রিকজা, ইন্দিবা ইসলনি বিলচা চিংনি জাকরিমরারাং কিল্লারাংখোবা ফি·এ গালনা মা·ন্না।

2য় করিন্থীয়রাংনা 10:4 Iomraidhean Croise

ওয়াত্তেতারাংনা 7:22

মোশি মিসরনি গিম্মিক স্খিয়ানিখো স্খিজক, আরো বিয়া খাৎথারাংও আরো কামরাংও বিল্লাকামিং।

রোমানরাংনা 13:12

ওয়াল ব·ন্না হা·ম্মিংজক, সেং·না হাম·বাংজক; ইনি গান্দা হাই, আনচিং আন্দালানি কামখো গাল্লে সেং·আনি জাকরিমরারাংখো রা·না।

রোমানরাংনা 6:13

বে·এননি মামুং বাকখোন নামগিজা কামখো দাক্কানি জাকরিমরা গিত্তা পাপনি জাক্কো দা·আ হ·ন্নাবো। ইন্দিবা সিয়াওনি থাংচাগিবা মান্দি গিত্তা না·সং ইসলনি জাক্কো আন·থাংথাংখো হন·খামবো আরো খাকখেৎ কামখো দাক্কানি জাকরিমরা গিত্তা না·সংনি বে·এন গিম্মিকখোন ইসলনা হন·খামবো।

1ম করিন্থীয়রাংনা 2:5

জেদাক্কে না·সংনি বিবিরা·আ মান্দিনি হা·আইয়াও ফাংচাকগিজা ইসলনি বিলও ফাংচাকা।

1ম করিন্থীয়রাংনা 9:7

আন·থাংনি থাংখাখো খরস দাক্কে সাবা সিপাইনি কামখো দাক্কা? আংগুর বাগানখো জেআন দাক্কা বিয়া উনি বিথিখো চা·জামা? জিল্লানিরাংখো জিলগিবা উনি সকখো রিংজামা?

2য় করিন্থীয়রাংনা 10:8

না·সংখো থারিখানা মিকসংএ গিত্তেল চিংনা বিলখো হ·ন্না, না·সংনি নামগিজাখো দাকনাদে হং·জা। ইখো রা·এ আংআ রাসং দাক্কোবা উনি গিম্মিন আংআ খ্রাচা·জানুয়াা।

2য় করিন্থীয়রাংনা 13:10

ইনি গিম্মিন আংনি দংগিজাওন আংআ না·সংনা ইরাংখো চক্কিংজক, সকবাজোকনো জেদাক্কে গিত্তেল আংনা জে বিলখো হন·জক উখো জাকখালনা নাংজা। না·সংখো রিক্কা উয়া বিলনি মিকসংআ হং·আ, না·সংনি নামগিজাখো দাকনাদে হং·জা।

2য় করিন্থীয়রাংনা 3:5

ইন্দিবা চিংনি আন·থাংথাংনি মামুং দাক্কানি বিল দংআ ইন্নে চিংআ দাবি দাকনা মা·ন্না ইন্দাকেদে হং·জা, বাত্তেসা চিংনি উয়া বিল ইসলওনিন রি·বাআ।

2য় করিন্থীয়রাংনা 4:7

ইন্দিবা ইয়া গামখো হা·আনি দনচাক্রাও দনজক, আরো চিংআন উয়া হা·আনি দনচাক্রা। হা·আনি দনচাক্রাও উখো দন্না জেদাক্কোদে মান্দিরাং হা·আইনা মা·ন্না, ইন্দাকগিবা রামরাম হং·গিজা বিল আনচিংনি আন·থাংওনি রি·বাজা বাত্তেসা ইসলওনিন রি·বাআ।

2য় করিন্থীয়রাংনা 6:7

বিবিখো আগানফ্রাকাচা আরো ইসলনি বিলচা চিংআ ইখো ফিন্নিকিংজক, চিংআ ইসলনা দাকচাকে হন·গিবা। দা·আবা জাক সামগ্মিও খাকখেৎনি জাকরিমরারাংখো রা·এ চিংআ ইখো ফিন্নিকিংজক, চিংআ ইসলনা দাকচাকে হন·গিবা।

1 থিষলনীকী 5:8

ইন্দিবা আনচিং সালনি মান্দি হং·আ; উনি গিম্মিন চেল·খো রাক্ষিনা ইন্নে বিবিরা·আ আরো খা·সাচা চেল·খো ফিনদাপে আরো স্খুখো রাক্ষিনা ইন্নে জক্কেতানি খা·দংআখো স্খুও স্থিকে হাই, আনচিং আন·থাংথাংখো বাম্মেতে দন্না।

1 তীমথিয় 1:18

খা·সারা বি·সা তীমথিয়, নাং·নি গিম্মিনো গিপ্পিনরাং আগানসোগিবা দাক্কে জে খাৎথাখো আগানামিং উয়া খাৎথা গিত্তা আংআ নাং·না ইখো গি·য়েতিংজক। উয়া খাৎথাখো গিসিকো দন্নে না·আ খ্রীষ্টনা চাক্কে জাংগিগাল্লে দাকগ্রিকে রি·য়াংবো,

2 তীমথিয় 2:3

খ্রীষ্ট যীশুনি সাকসা খ্রাগিবা সিপাই গিত্তা না·আ চিংমুং দুকখো চাকবো।

ইব্রীয়রাংনা 11:30

বিবিরা·এন ইস্রায়েলরাং সালস্নিনা দিপ্পাৎ যিরীহো সংজিলমানি দেয়ালখো উইলউইলে রি·য়ানি জা·মানো উয়া গা·আকজক।