2য় করিন্থীয়রাংনা 10:3 - Garo New Testament

³ চিংআ বে·এন-হান·চিনি মান্দি হং·ওবা চিংআ জে দাকগ্রিকিংজক উয়া বে·এন-হান·চিনি দাকগ্রিকা হং·জা।

2য় করিন্থীয়রাংনা 10:3 Iomraidhean Croise

রোমানরাংনা 7:5

জেনসালো আনচিং পাপ-বেওয়ালনি নিং·আও দংআমিং উনসালো নিয়াম আনচিংনি গিসেপো পাপ দাকনা হা·সিকেতনুয়ামিং আরো উয়া হা·সিকারাং আনচিংনি বে·এনো কাম দাকনুয়ামিং; উনি গিম্মিন আনচিংনি জাংগি সিনা বিথি নাংনুয়ামিং।

রোমানরাংনা 8:13

না·সং পাপ-বেওয়ালনি নিং·আও রি·ওদে না·সং ফাংনাজলনা সিনুয়া। ইন্দিবা গিসিক রংথালগিবাচা বে·এননি গিম্মিক খ্রাগিজা কামখো ব·ন্নেতোদে ফাংনাজলনা থাংএ দংনুয়া,

রোমানরাংনা 8:4

বিয়া ইনি গিম্মিনান ইন্দাকে দাকজক জেদাক্কে পাপ-বেওয়ালনি নিং·আও রি·গিজা গিসিক রংথালগিবানি নিং·আও রি·য়ানি গিম্মিন আনচিংও নিয়াম চু·সকনা মা·ন্না।

2য় করিন্থীয়রাংনা 1:17

আংআ ইখো হাংজাং থিক দাক্কামিং ইন্নে না·সং চানচিয়ামা? জেদাক্কে রামরাম মান্দি আপসান সময়ও “হো·এ” ইন্নে আগানা দা·আবা “হং·জা” ইন্নে আগানা, উয়ানদাক্কে আংআ মামুংখো থিক দাক্কামা?

2য় করিন্থীয়রাংনা 10:4

রামরাম মান্দি জে জাকরিমরারাংখো রা·এ দাকগ্রিকা চিংআ উখো রা·এ দাকগ্রিকজা, ইন্দিবা ইসলনি বিলচা চিংনি জাকরিমরারাং কিল্লারাংখোবা ফি·এ গালনা মা·ন্না।

গালাতীয়রাংনা 2:20

আংখো খ্রীষ্টমুং চিসলো দাৎখাপজক। উনি গিম্মিন দা·আওদে আংআ থাংএ দংজা, খ্রীষ্টআন আংও থাংএ দংআ। দা·আও ইয়া বে·এনো আংআ জে জাংগিখো মিৎথাংএতিংআ উখো ইসলনি দেফান্থিখো বিবিরা·আচান মিৎথাংএতিংজক। বিয়া আংনা খা·সাএ আংনি গিম্মিন আন·থাংখো হন·চাকামিং।

1 তীমথিয় 1:18

খা·সারা বি·সা তীমথিয়, নাং·নি গিম্মিনো গিপ্পিনরাং আগানসোগিবা দাক্কে জে খাৎথাখো আগানামিং উয়া খাৎথা গিত্তা আংআ নাং·না ইখো গি·য়েতিংজক। উয়া খাৎথাখো গিসিকো দন্নে না·আ খ্রীষ্টনা চাক্কে জাংগিগাল্লে দাকগ্রিকে রি·য়াংবো,

2 তীমথিয় 4:7

খ্রীষ্টনা চাক্কে আংআ সিমাংথাংমাং দাকগ্রিকজক, আংনা থিক দাকগিবা রামানি বন·চতাওনা দিপ্পাৎ খাতজক আরো খ্রীষ্টনি থরমনি বিবিরা·আখো রি·ম্মে রা·রিকজক।

ইব্রীয়রাংনা 12:1

ইন্দাকোদে নিকনা মা·ন্না, ইসলনা বিবিরা·না খ্রাগিবানি সাক্ষি গিত্তা বাং·আ মান্দিরাং আনচিংখো উইলউইলে দংআ। ইনি গিম্মিন হাই, আনচিং গিম্মিক চাংফেংআখো আরো জে পাপ আনচিংখো রিম·চিখাপা উখো চে·ল্লাচা জিত্তেতি মিকখাংনি খাতসুসাও চাকচিকে খাতনা।