2য় করিন্থীয়রাংনা 10:1 - Garo New Testament

¹ খ্রীষ্টনি সনথল আরো খা·সাচাকগিবা খা·থংনি খাৎথাখো গিসিক রা·এ আংআ পৌল আন·থাংআন না·সংখো মল·মলিংজক। মান্দিরাং আগানা, আংআ না·সংমুং দংমিত্তিংও খেনসিক খেনসিক দাক্কে দংআ, ইন্দিবা দংজামিত্তিংওদে খেনমানগিজাগিবা হং·আ।

2য় করিন্থীয়রাংনা 10:1 Iomraidhean Croise

মথিনি চকগিবা নাম্মা খাৎথা 11:29

আংনি জোয়ালখো না·সংনি সাক্কাও গাত্তে রা·বো আরো আংচানিখো স্খিবো, মুয়ানা আংআ গিসিক নম·গিবা আরো রিন্নকগিবা হং·আ।

মথিনি চকগিবা নাম্মা খাৎথা 21:5

“না·সং সিয়োন দেমিচিকনা আগানবো, নাং·নি রাজা নাং·চা রি·বাংজক। বিয়া সনথল। বিয়া গাধানি সাক্কাও, গাধীনি বি·সানি সাক্কাও গাখাতে রি·বাংজক।”

ওয়াত্তেতারাংনা 8:32

উয়া কাম রিম·গিবা রংথালগিবা শাস্ত্রনি জেওনি পড়িংআমিং উয়া ইয়ান: রাসতনা জেদাক্কে মেষখো রা·আংআ, উয়ানদাক্কে বিখো রা·আংআ হং·জক। খিম্মিল রাতগিবানি মিকখাংও মেষ বি·সা জেগিত্তা স্রক দাক্কে দংআ, উয়ানদাক্কে বিয়া খু·সুক আগানজাজক।

রোমানরাংনা 10:20

উনি জা·মানো যিশাইয়চা ইসল আরোবা রাক্কে আগানজক, “আংআ বিসংচান দংআমিং, ইন্দিবা বিসং আংচা মামুং দাকচাকাখো মা·ন্না রি·বাজাজক। আংআ ইয়া মান্দিরাংখো আংচা মল·মলখানা চল হন·জক, ইন্দিবা বিসং আংচা মামুংখো মল·মলজাজক।”

রোমানরাংনা 12:1

ইন্দাকোদে জংআদারাং, ইসলনি ইন্দাকে খা·সারাংনান আংআ না·সংচা মংসংবাত্তে মল·মলিংআ, না·সং না·সংনি বে·এনখো থাংগিবা, রংথালগিবা আরো ইসলনি রা·চাকনা খ্রাগিবা বলি গিত্তা ইসলনি জাক্কো হন·বো। উয়ান না·সংনি খ্রাগিবা দাকচাকে হ·ন্না হং·নুয়া।

রোমানরাংনা 15:15

ইন্দাকোবা না·সংখো মিংসা মিংগ্মি বিদিংরাংনি গিম্মিন গিসিক রা·এতনা আংআ খা·সকে না·সংনা ইয়া খাৎথারাংখো চকজক, মুয়ানা ইসল আংখো গিপ্পিন জাতরাংচা খ্রীষ্ট যীশুনা দাকচাকে হ·ন্নানি ফাত্তিয়াখো হন·জক। গিসিক রংথালগিবাচা দিংথাং দাক্কে দনগিবা গিপ্পিন জাতরাং জেদাক্কে ইসলনা রা·চাকনা গিত্তা বলি হং·না মা·ন্না উনি হা·সেল বিনিন হন·গিবা নাম্মা খাৎথাখো আগানফ্রাকে আংআ খামালনি কামখো দাক্কিংজক।

1ম করিন্থীয়রাংনা 2:3

না·সংমুং দংমিত্তিংও আন·থাংখো আংআ বিলগ্রি চানচিনুয়ামিং আরো খেন্নে নাম্মেন থিল·থিলনুয়ামিং।

1ম করিন্থীয়রাংনা 4:10

চিংআ খ্রীষ্টনি গিম্মিন জাদা হং·জক, আরো না·সং খ্রীষ্টমুং দংএ বুদ্ধিগ্মাং হং·জক। চিংআ বিলগ্রি আরো না·সংদে বিলগ্মাং হং·আ। না·সং মান্দিরা·বিয়াখো মান·জক আরো চিংআ মান্দিরা·গিজাখো মান·জক।

1ম করিন্থীয়রাংনা 4:21

আংআ না·সংনা মুয়াখো রা·বানুয়া-গল·দিকখোমা খা·সাখো আরো সনথল গিসিকখো?

2য় করিন্থীয়রাংনা 10:10

মিত্তাম মান্দিরাং আগানা, “বিনি চিঠিরাং গিসিকখো সা·দিকেতা আরো উয়া বিল্লাকবাতা, ইন্দিবা বিয়া সেফাংও দংজোকনো ইন্দাকে নিকনা মা·ন্না, বিয়া বিলগ্রিগিবা হং·আ আরো বিনি খাৎথা খিন্নানা গিত্তা ইন্দাকা মামুং হং·জা।”

2য় করিন্থীয়রাংনা 10:2

চিংআ রামরাম মান্দিরাং গিত্তা জাংগিখো থাংএতিংজক ইন্নে জেরাং চানচিয়া বিসংনি সাক্কাও খেনমানগিজাখো জেচিক ফিন্নিকনা নাংনুয়া ইন্নে আংআ চানচিয়া, আংআ হা·ম্মা জেদাক্কে আংনি রি·বাজোকনো উচিকিন খেনমানগিজাখো আংনি ফিন্নিকনা নাংজা।

2য় করিন্থীয়রাংনা 10:7

না·সংদে হা·ফালনি মিকখাং-বিমাংখো নিক্কিংআ। সাবা আন·থাংখো খ্রীষ্টনি ইন্নে বিবিরা·আওদে ইখোবা বিনি চানচিনা নাংনুয়া, জেদাক্কে বিয়া খ্রীষ্টনি হং·আ উয়ানদাক্কে চিংআবা খ্রীষ্টনি হং·আ।

2য় করিন্থীয়রাংনা 11:21

ইরাংনি গিম্মিন চিংআ না·সংচা বিলগ্রিমিং ইখো আংআ খ্রাচা·এ খু·রাচাকিংজক। জেখো রা·এ রাসং দাকনা গিপ্পিনরাং ফা·আ আংআবা উখো রা·এ রাসং দাকনা ফা·আ; ইয়া খাৎথাখো আংআ জাদা গিত্তান আগানিংজক।

2য় করিন্থীয়রাংনা 11:30

আংনি রাসং দাকনান নাংওদে আংআ আংনি বিলগ্রিখো রা·এন রাসং দাকনুয়া।

2য় করিন্থীয়রাংনা 12:5

ইয়া মান্দিনি গিম্মিন আংআ রাসং দাকনুয়া, ইন্দিবা আংনি আন·থাংনি গিম্মিন রাসং দাকজানুয়া, আংনি বিলগ্রিনাসান দাকনুয়া।

2য় করিন্থীয়রাংনা 3:12

চিংনি ইন্দাকে খা·দংআ দংআ ইন্নেন চিংআ ফি·ফ্রাকে খাৎথা আগানা।

2য় করিন্থীয়রাংনা 5:20

উনি গিম্মিনান চিংআ খ্রীষ্টনি খবল হন·গিবা গিত্তা বিনি হং·এ খাৎথা আগানিংজক। আসলদে ইসল আন·থাংআন চিংনি গিসেপো মান্দিরাংচা মল·মলজক। উনি গিম্মিন খ্রীষ্টনি হং·এ চিংআ মল·মলিংজক, “না·সং ইসলমুং নাংরিমগ্রিকবো।”

2য় করিন্থীয়রাংনা 6:1

ইসলমুং কাম রিম·ফাগিবা হং·এ চিংআ না·সংখো ইন্দাকে মল·মলিংজক, ইসলনি খা·সাচাক্কাখো মান·জক ইন্নে না·সং উখো দা·আ নাসি-নাদা দাক্কেতাবো।

2য় করিন্থীয়রাংনা 7:4

না·সংখো আংআ বিবিরা·বিয়া আরো না·সংনি গিম্মিন আংআ রাসং দাকবিংজক। চিংনি গিম্মিক দুকরাংনি গিসেপো আংনি খুসি গাপসুয়াকিংজক আরো আংআ বাং·এ খা·নাম্মেতাখো মান·জক।

গালাতীয়রাংনা 4:13

না·সং ইখো হা·আইয়া, আংআ জম্মামিং ইন্নে আংআ স্খাং না·সংচা নাম্মা খাৎথাখো আগানফ্রাকনা মা·ন্নামিং।

গালাতীয়রাংনা 5:2

আংআ পৌল না·সংনা আগানিংজক, খিন্নাবো-না·সংখো বিগিল রাত্তান হং·ওদে না·সংচা খ্রীষ্টনি মামুং দাম দংজা।

ইফিষীয়রাংনা 3:1

ইনি গিম্মিন আংআ পৌল ইসলচা বি·ইংজক। না·সং জেরাং গিপ্পিন জাত হং·আ না·সংনান আংআ খ্রীষ্ট যীশুনি বন্দি হং·জক।

ইফিষীয়রাংনা 4:1

উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ফিলিপীয়রাংনা 4:5

না·সংনি গিসিক রিন্নকাখো জেদাক্কে গিম্মিকান নিকনা মা·ন্না। গিত্তেল থেংরিন রি·বাংজক।

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

2 থিষলনীকীয়রাংনা 3:17

ইয়া সালামনি খাৎথাখো আংআ পৌল আন·থাংনি জাক্কো চক্কিংজক। ইয়ান আংনি গিম্মিক চিঠিনি চিন হং·আ; আংআ ইন্দাকেন চক্কে দংআ।

ফিলীমনা 1:19

আংআ পৌল আন·থাংনি জাকচান চক্কিংজক, আংআ উয়া গ্রোখো চতনুয়া। ইয়া খাৎথাখো আংনি আগান্না নাংজা, খ্রীষ্টখো বিবিরা·আও না·আ আন·থাংআন আংচা গ্রোনাংগিবা হং·আ।

ফিলীমনা 1:9

ইন্দাকোবা উখো দাকগিজা খা·সানি গিম্মিন আংআ নাং·খো মল·মলিংআ। সাকসা বুদেফা হং·এ আরো দা·আওরোরো খ্রীষ্ট যীশুনা বন্দি হং·এ আংআ পৌল নাং·চা আংনি বি·সা ওনীষিমনা মল·মলিংআ। জেলো আংনি বন্দি হং·এ দংমিত্তিংও বিয়া বিবিরা·গিবা হং·এ আংনি বি·সা হং·জক।

পিতর 2:11

খা·সাগিবা রিপ্পেংরাং, ইয়া হা·গিলসাকো না·সং হা·সং গিপ্পিননি মান্দি হং·আ আরো হা·সং গিপ্পিনো বাং·গিজা সালনা সংদংগিবা ইন্নে আংআ না·সংখো মংসংবাত্তে মল·মলিংআ, না·সং পাপ-বেওয়ালনি হা·সিকারাংওনি চে·ল্লে দংবো,

ফারাকগিবা খাৎথা 1:9

আংআ না·সংনি জংআদা যোহন; যীশুমুং নাংরিমে আংআ না·সংমুং আপসান দুকখো, আপসান সংনকখো আরো আপসান চাকচিকানি বাকখো মান·ফাগিবা হং·জক। ইসলনি খাৎথা আরো যীশুনি সাক্ষিনি বিদিংও আগানফ্রাকামিং ইন্নে আংখো পাট্‌ম চিচাংচা রা·আংএ দন্নামিং।