1 তীমথিয় 6:4 - Garo New Testament

⁴ বিয়া মামুংখোন হা·আইজা; নিরিয়া আরো জিগ্রিকা জেদাক্কে বিনি গি·সা সাআ গিত্তা হং·আ। ইরাংনি বিথি হং·জক- মিকনেংআ, নিরিয়া, জিআ, ফত্তা,

1 তীমথিয় 6:4 Iomraidhean Croise

ওয়াত্তেতারাংনা 15:2

উনি গিম্মিন পৌল আরো বার্ণবামুং ইয়া মান্দিরাং নাম্মেন ইনগ্রিকজক। জা·মানো ইন্দাকে থিক হং·জক, পৌল আরো বার্ণবা আন্তিয়খিয়ানি মিত্তাম বিবিরা·গিবারাংখো রা·এ যিরূশালেমচানা রি·য়াংনুয়া আরো ওয়াত্তেতারাংমুং আরো মন্ডলীনি দাল·গিবারাংমুং ইনি গিম্মিন খাৎথা আগান্নুয়া।

ওয়াত্তেতারাংনা 18:15

ইন্দিবা ইয়া মংসংগিবা খাৎথা হং·আনি গিম্মিন, সানিবা বিমুং আরো না·সংনি নিয়ামওনি হং·আ ইন্নে উনো না·সংআন ইখো দাকবো। আংআ উরাংখো বিচাল দাকজানুয়া।”

ওয়াত্তেতারাংনা 8:9

উয়া সংজিলমাও শিমোন মিংগিবা মান্দি সাকসা সাল বাং·আওনিন যাদু মন্ত্র দাক্কে ফিন্নিকিংআমিং। উনি গিম্মিন শমরিয়ানি মান্দি গিম্মিক আইয়াও ইনমানামিং।

রোমানরাংনা 12:16

সাকগিপ্পিননা আপসানখো চানচিগ্রিকবো। দাল·নিকে ফিন্নিকগিজা বাত্তেসা চনগিবারাংমুং নাংরিমে রি·বো। আন·থাংথাংখো দা·আ হা·আইগিবা দাকনিকাবো।

রোমানরাংনা 13:13

চ্রকে-মেসায়ে চু রিংএ আরো চু ফেক্কে হং·জা, থি·ল্লেকে আরো বিংবাং হা·সিকা গিত্তা হং·জা, নিরিয়া-গিসিয়া আরো মিকনেংআও হং·জা, ইন্দিবা জেরাং সেং·আও রি·য়া, হাই, আনচিং বিসং গিত্তা খ্রাএ রি·না।

রোমানরাংনা 14:1

বিবিরা·আও বিলগ্রিগিবাখো আন·থাংনি দাক্কে রা·বো; বিনি চানচিয়ারাংখো রা·এ দা·আ জিগ্রিকাবো।

রোমানরাংনা 2:8

ইন্দিবা জেরাং আন·থাংনি হা·সিকা গিত্তা রি·য়া আরো বিবিখো মানিগিজা খ্রাগিজাখো মানিয়া ইসল বিসংনা বিল্লংএন শাস্তি হ·ন্নুয়া।

1ম করিন্থীয়রাংনা 11:16

সাবা ইখো রা·এ জিগ্রিকনা হা·ম্মোদে আংআ ইন্দাকে আগান্নুয়া, দিংথাং নিয়াম চিংনিবা দংজা বা ইসলনি মন্ডলীরাংওবা দংজা।

1ম করিন্থীয়রাংনা 11:18

আংআ খিন্নাংআ, না·সং মন্ডলী গিত্তা আপসান হং·আনি সময়ও না·সংও মা·আৎগ্রিকা দংআ, আরো আংআ উখো অকখিসা বিবিবা রা·আ।

1ম করিন্থীয়রাংনা 3:18

না·সং দারাংবা আন·থাংখো দা·আ থকাইয়াবো। না·সংনি গিসেপো সাবা ইয়া চাসংনি চানচিয়া গিত্তা আন·থাংখো হা·আইগিবা চানচিওদে বিয়া গক্কা হং·খানা জেদাক্কে বিয়া চং·মত হা·আইগিবা হং·না মা·ন্না,

1ম করিন্থীয়রাংনা 3:3

মুয়ানা দা·আওবা না·সং পাপ-বেওয়ালনি নিং·আও দংআ। না·সংও মিকনেংআ আরো নিরিয়া-গিসিয়া হং·আরি দংওদে না·সং পাপ-বেওয়ালনি নিং·আও দংজামা? আরো না·সংনি রি·য়ারাংবা ইন্দাকারি মান্দিরাং গিত্তান দাকজামা?

2য় করিন্থীয়রাংনা 11:20

ইয়াসান হং·জা, সাবা না·সংখো নকখল দাক্কোদে, না·সংখো চু·গিম্মিক ব·ন্নেতোদে, না·সংখো জা·গাও গাল্লোদে, না·সংনি নকগিবা হং·ওদে বা না·সংনি নাথেংখো চরাইওদে, না·সং উরাংখোবা চাক্কা।

গালাতীয়রাংনা 5:15

ইন্দিবা না·সং সাকসা সাকগিপ্পিনমুং নিরিয়ো-গিসিয়োদে আরো মিকনেংগ্রিকওদে ইন্দাকোদে সিমসাকবো! ইন্দাকে দাক্কোদে না·সং সাকসা সাকগিপ্পিনখো ব·ন্নেতনুয়া।

গালাতীয়রাংনা 5:26

জেদাক্কে আনচিং বু·এ দাল·নিকজা আরো সাকসা সাকগিপ্পিনখো মাংমেংএতজা আরো মিকনেংজা।

গালাতীয়রাংনা 6:3

মামুং হং·গিজান সাবা আন·থাংখো মংসংগিবা ইন্নে চানচিওদে বিয়া আন·থাংখো থকাইয়া।

ফিলিপীয়রাংনা 1:15

বিসংনি গিসেপো সাবা সাবা মিকনেংআখো আরো মা·আৎগ্রিকানি গিসিকখো রা·এ খ্রীষ্টনি গিম্মিন আগানফ্রাকা, দা·আবা গিপ্পিনরাংদে নাম্মাখো মিকসংএন উখো দাক্কা।

ফিলিপীয়রাংনা 2:14

না·সং জিচাকগিজা আরো জিগ্রিকগিজা গিম্মিকখো দাকবো, জেদাক্কে না·সং দোসগ্রি আরো খাকখেৎ হং·না মা·ন্না আরো ইয়া চাসংনি গিসিকগ্রি আরো নামগিজা বেওয়ালনি মান্দিরাংনি জাংচিও ইসলনি খ্রাগিবা বি·সা হং·না মা·ন্না। উয়া মান্দিরাংনি মিকখাংও না·সংদে জাংগি হন·চাকগিবা খাৎথাখো ফারাকে ইয়া হা·গিলসাকো আস্কি গিত্তা থেং·সুএ দংআ। ইন্দাকোদে জেনসালো খ্রীষ্ট রি·বানুয়া উনিসালো আংআ ইখো রা·এ রাসং দাকনা মা·ন্নুয়া, আংনি খ্রেংআ আরো বিমচিপা নাসি-নাদা হং·জাজক।

ফিলিপীয়রাংনা 2:3

আন·থাংনাসান মান·দাপনা খা·দংএ বা গাং·বিংএ মামুংখো দা·আ দাক্কাবো, বাত্তেসা রিন্নকে গিপ্পিনখো আন·থাংনা বাত্তে দাল·নিকবো।

কলসীয়রাংনা 2:18

আন·থাংথাংনি বে·এনখো দুক হ·ন্না আরো সা·গ্রেরাংখো অলাখিনা নাংআ ইন্নে জেরাং চানচিয়া বিসং জেদাক্কে না·সংনি বকসিসখো মা·ন্নাও চাংফেংজা। ইন্দাকগিবা মান্দি জেখো নিকজক ইন্নে দাকমিকা উনি গিম্মিনো দা·ল্লা দা·ল্লা খাৎথাখো আগানা আরো ইন্দাকারিন গাং·বিংআ, মুয়ানা বিসংনি গিসিক পাপ-বেওয়ালনি নিং·আও হং·আ।

2 থিষলনীকীয়রাংনা 2:4

ইসল ইন্নে জেরাং দংআ উরাংনি সাক্কাও আরো অলাখিনা দংগিবা গিম্মিকনি সাক্কাও চাদেংএ বিয়া আন·থাংখো দা·ল্লে ফিন্নিকনুয়া; আরোবা, ইসলখো অলাখিগিবা নক্কো আসংএ বিয়া আন·থাংখো ইসল ইন্নে দাবি দাকনুয়া।

1 তীমথিয় 1:4

বিসংনা ইন্দাকেবা গি·য়েৎবো জেদাক্কে বিসং গল্প আগানারাংও আরো দাল·বিয়া মা·চংরাংও গিসিক হন·জা। ইরাং ইসলনি কামখো গাল্লে বাং·আ জিগ্রিকানিরাংখো থারিয়া ইন্দিবা ইসল বাদিকে দাক্কে বিনি কামখো চালাইয়া উখো বিবিরা·আচা হা·আইনা মা·ন্না।

1 তীমথিয় 1:7

বিসং আন·থাংথাংনি খু·সুকখো আন·থাংথাংআন হা·আইজা আরো জে বিদিংও আগানা উরাংখোবা হা·আইজা ইন্দাকোবা বিসং মোশিনি নিয়ামনি স্খিগিবা হং·না হা·ম্মা।

1 তীমথিয় 3:6

মন্ডলীখো নিরক্ষিগিবা জেদাক্কে গিত্তাল বিবিরা·গিবা হং·জা, মুয়ানা গিত্তাল বিবিরা·গিবা হং·ওদে বিয়া গাং·বিংনাবাগ্মাং আরো শয়তাননা হ·ন্না খ্রাগিবা শাস্তিখো মা·ন্না খ্রাগিবা হং·নাবাগ্মাং।

2 তীমথিয় 2:14

ইয়া খাৎথারাংখো মান্দিরাংনা গিসিক রা·এতবো। ইসলনি মিকখাংও বিসংখো সিমসাকেতবো জেদাক্কে বিসং হং·গিজা-নাংগিজা খু·সুকখো রা·এ জিগ্রিকজা। ইনি মামুং দামআন দংজা, বাত্তেসা জেরাং উখো খিন্নাআ বিসংখো উয়া ব·ন্নেতা।

2 তীমথিয় 2:23

হং·গিজা-নাংগিজা, গক্কা জিগ্রিকাও দা·আ দংফাবো, মুয়ানা না·আদে হা·আইয়া উরাং নিরিয়া-গিসিয়াখো থারিয়া।

2 তীমথিয় 3:4

বিসং বিবিগিজাগিবা, নাথিমাং আরো গাং·বিংগিবা হং·নুয়া। ইসলখো খা·সাগিজা বিসং হা·গিলসাকনি সুকখো নামনিকনুয়া।

তীতনা 3:9

জাদা গিত্তা জিগ্রিকা, মা·চং চান্না, নিরিয়া-গিসিয়া আরো নিয়ামরাংখো রা·এ জিগ্রিকাওনি না·আ চে·ল্লাচা দংবো, মুয়ানা ইরাংখো দাক্কে মামুং হং·জানুয়া; ইরাং গিম্মিকান বু·আরি-সু·আরি হং·আ।

যাকোব 1:19

আংনি খা·সাগিবা জংআদারাং, আংনি ইয়া খাৎথাখো গিসিক রা·বো-না·সং দিমদাকান খিন্নানা গং·রাকগিবা হং·বো, ইন্দিবা থেংরি থেংরি দাক্কে খাৎথা আগান্না বা খা·আওনাংনা দা·আ গং·রাকাবো;

২ পিতর 2:12

ইন্দিবা বুদ্ধিগ্রি জে জাংগিগ্মাংগিবারাং বিসংনি হা·সিকানি নিং·আও আরো রি·ম্মে স·ওতে গালনা ইন্নেন জেরাং আৎচিয়া, ইয়া বু·এ চা·গিবা স্খিগিবারাং বিসং গিত্তান হং·আ। বিসং জেখো হা·আইজা উনি বিদিংও নামগিজা খাৎথা আগানা। আন·থাংনি নামগিজাওন বিসং ব·ন্নাংনুয়া।

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

যিহূদা 1:10

ইন্দিবা ইয়া বু·এ চা·গিবা স্খিগিবারাং জেখো হা·আইজা উনি গিম্মিনো নামগিজা খাৎথাখো আগানা আরো বুদ্ধিগ্রি মাৎবুরুংরাং গিত্তা আন·থাংওনিন জেখো হা·আইয়া উচান ব·ন্নাংআ।

যিহূদা 1:16

ইন্দাকগিবা মান্দিরাং ফাংনান খুসি হং·গিজানি গিসিকখো ফিন্নিকা, আন·থাংথাংনি কপালনা দোস হ·ন্না আরো খা·থংনি নামগিজা হা·সিকারাং গিত্তা রি·য়া, বিসং আন·থাংথাংখো রা·এ রাসং দাক্কা আরো মা·ন্নাসান মান্দিরাংখো রাসং দাকমিকব্রুআ।

ফারাকগিবা খাৎথা 3:17

না·আ আগানিংআ, ‘আংআ নকমা; আংআ নকমা হং·জক, উনি গিম্মিন আংআ মামুংনান দিলজা।’ দে নাম্মান, ইন্দিবা না·আদে হা·আইজা, না·আ দুক মান·গিবা, খা·সাচাক্কানি মান্দি, দিল্লা, মিকগ্রি আরো খমলং হং·আ।