1 তীমথিয় 6:17 - Garo New Testament

¹⁷ জেরাং ইয়া হা·গিলসাকো মা·ন্নে চা·আ বিসংনা ইন্দাকে গি·য়েৎবো জেদাক্কে বিসং গাং·বিংগিজা আরো গামরাংনি সাক্কাও ফাংচাকগিজা ইসলনি সাক্কাও ফাংচাকা। বিয়ান গিম্মিকখো জাকস্রামে আনচিংনা হ·ন্না।

1 তীমথিয় 6:17 Iomraidhean Croise

মথিনি চকগিবা নাম্মা খাৎথা 12:32

মান্দিনি দেফান্থিখো চাংফেংএ আগানগিবাখো ক্ষেমা দাকনুয়া, ইন্দিবা গিসিক রংথালগিবাখো চাংফেংএ আগানগিবাখো ক্ষেমা দাকজানুয়া-ইয়া চাসংও হং·জা, আম্বুন চাসংওবা হং·জা।

মথিনি চকগিবা নাম্মা খাৎথা 19:23

উনো যীশু আন·থাংনি জা·রিকগিবারাংনা আগানজক, “আংআ না·সংনা বিবিন আগানিংআ, মা·ন্নে চা·গিবা মান্দিনা সালগিনি সংনকো নাপ্পা নেং·আনি হং·নুয়া।

মথিনি চকগিবা নাম্মা খাৎথা 25:16

হাজাল বংআখো মান·গিবা উয়া থাংখাচা বাদিংএ আরোবা হাজাল বংআ থাংখাখো মান·দাপজক।

মথিনি চকগিবা নাম্মা খাৎথা 27:57

হান·থামানি জা·মানো অরিমাথিয়া সংনি যোষেফ মিংগিবা মা·ন্নে চা·গিবা সাকসা মান্দি উয়োনা রি·বাজক। বিয়া যীশুনি জা·রিকগিবামিং।

মথিনি চকগিবা নাম্মা খাৎথা 6:32

ইয়া গিম্মিকখোন না·সংনা নাংআ ইন্নে না·সংনি সালগিনি ফাগিবা হা·আইয়া।

মার্ক 10:24

জা·রিকগিবারাং যীশুনি খাৎথানা আইয়াও ইনমানজক। যীশু ফি·ল্লে আগানজক, ‘‘দেদ্রাং, গামরাংও জেরাং ফাংচাকা ইসলনি সংনক্কো নাপনা বিসংনা বাসিক নেং·গ্রিকা।

লূকনি চকগিবা নাম্মা খাৎথা 19:2

উনো সক্কেয় মিংগিবা সাকসা মান্দি দংআমিং। বিয়া খাজিনা গিলগিবারাংনি দাল·বাৎগিবা আরো মা·ন্নে চা·বাৎগিবা হং·আমিং।

লূকনি চকগিবা নাম্মা খাৎথা 3:11

যোহন বিসংনা আগানচাকজক, “সানিবা চলা ফাৎগ্মি দংওদে বিয়া চলাগ্রি দংগিবানা চলা ফাৎসা হন·খানা। চা·আ দংগিবাবা উয়ানদাক্কেন দাকখানা।”

ওয়াত্তেতারাংনা 14:17

ইন্দিবা বিয়া ফাংনান আন·থাংনি গিম্মিন সাক্ষি হন·জক। বিয়া সিলগাওনি মিকখা ওয়াএতে আরো নাংআ গিত্তা মিবিথিরাংখো হ·ন্নে বিনি খা·সাচাক্কাখো না·সংনা ফিন্নিকজক। বিয়া চা·আনিরাংখো বাং·এ হ·ন্নে না·সংনি গিসিকখো হান·সেংএতজক।”

ওয়াত্তেতারাংনা 14:27

আন্তিয়খিয়াওনা সক্কে মন্ডলীনি গিম্মিকখো বিসং হা·দামসাও থম·দাকেতজক আরো ইসল বিসং গিত্তা জেখো দাকজক উয়া গিম্মিকখোন আগানজক। ইসল বাদিকে দাক্কে গিপ্পিন জাতরাংনা চলখো দাক্কে হ·ন্নামিং জেদাক্কে বিসং খ্রীষ্টখো বিবিরা·না মা·ন্না উখোবা আগানজক।

ওয়াত্তেতারাংনা 17:25

বিয়া মামুংনান দিলজা, উনি গিম্মিন মান্দিনি জাকনিখো চি·ন্নে হ·ন্নাখোবা বিনি রা·চাকনা নাংজা, মুয়ানা বিয়ান মান্দি গিম্মিকনা জাংগিখো, বালজাংগিখো আরো মা·মান্থিখো হ·ন্না।

রোমানরাংনা 11:20

দে নাম্মান। ইন্দিবা উরাংনি বিবিরা·জানি গিম্মিন উরাংখো দে·ন্নে গাল্লামিং আরো নাং·নি বিবিরা·আনি গিম্মিন না·আ উয়ো দংআ। ইনি হা·সেল দা·আ গাং·বিংআবো বাত্তেসা অলাখিয়ে খেনবো,

ইফিষীয়রাংনা 5:5

না·সং হা·আইয়ান, থি·ল্লেকগিবারাং, মারাং নাংগিবারাং আরো মাদ্দুগিবারাং, আগানস্খাওদে জেরাংখো মিত্তে বিমাং অলাখিগিবা ইন্নে আগান্না মা·ন্না খ্রীষ্টনি আরো ইসলনি সংনকো বিসংনি মামুং মান·রিকানি বিল দংজা।

কলসীয়রাংনা 3:16

খ্রীষ্টনি খাৎথাখো না·সংনি খা·থংও চু·গিম্মিক দাক্কে দংনা হন·বো। ইসলনি হন·গিবা হা·আইয়াচা সাকসা দা·আও সাকসানা স্খিবো আরো নাম্মাখো আগানবো আরো খা·থংও মিৎথেলে ইসলনা মিংএ গীতরাংনি গীতখো আরো গিসিকনি আরো মিৎথেলানি গীতখো রিং·বো।

1 থিষলনীকী 1:9

মুয়ানা বাদিকে দাক্কে না·সং চিংখো রা·চাকামিং মান্দিরাং চিংনা উখো আগানিংজক। বিসং আরোবা আগানজক, না·সং বাদিকে দাক্কে মিত্তেরাংওনি ফিল·বাএ থাংগিবা আরো বিবিগিবা ইসলচা রি·বাজক জেদাক্কে বিনা দাকচাকে হ·ন্না মা·ন্না,

1 তীমথিয় 1:3

ম্যাসিডোনিয়াচা রি·য়াংমিত্তিংও আংআ নাং·না জেখো আগানামিং দা·আওবা উখোন আগানিংজক- না·আ ইফিষ সংজিলমাওন দংবো, জেদাক্কে মিত্তাম মান্দিরাংখো গি·য়েৎনা মা·ন্না জেদাক্কে বিসং আরবা ব্রাংগিবা স্খিয়াখো স্খিয়েতজা।

1 তীমথিয় 4:10

ইনি গিম্মিনান আনচিং জাংগিগাল্লে গাম্মিংআ আরো হা·সিকবিএ কাম দাক্কিংআ, মুয়ানা থাংগিবা ইসলনি সাক্কাও আনচিং খা·দংআ। বিয়ান গিম্মিক মান্দিরাংনি জক্কেৎগিবা হং·আ, মংসংদে বিসংনি জেরাং বিখো বিবিরা·আ।

1 তীমথিয় 5:21

ইসল আরো খ্রীষ্ট যীশু আরো বাচ্ছিয়ে রা·গিবা সা·গ্রেরাংনি মিকখাংও আংআ নাং·না ইখো গি·য়েতিংআ- দারাংনা চাকগিজা ইরাংখো দাকবো আরো সাকসাখোসান নিএ মামুং কামখো দা·আ দাক্কাবো।

1 তীমথিয় 6:13

ইসল জেআন গিম্মিকনা জাংগিখো হ·ন্না আরো খ্রীষ্ট যীশু, জেআন পন্তীয় পিলাতনি মিকখাংও বিবিনি গিম্মিনো সাক্ষি হ·ন্নামিং, উয়া ইসল আরো খ্রীষ্ট যীশুনি মিকখাংও আংআ নাং·না ইখো গি·য়েতিংজক-

1 তীমথিয় 6:9

ইন্দিবা জেরাং মা·ন্নে চা·গিবা হং·না হা·ম্মা বিসং বাং·আ রুরাও আরো জা·গাও গা·আকা, আরো ইন্দাকা নামগিজাস্রাং হা·সিকা বিসংনি হং·আ জেরাং মান্দিখো ব·ন্নেতাও আরো হং·সিয়াও গাল্লেতা।

2 তীমথিয় 4:10

মুয়ানা দীমা দা·আওনি হা·গিলসাকখো নামনিকে আংখো ওয়াত্তে থিষলনীকীচা রি·য়াংজক। ইনাআগ্রেবা ক্রীষ্কেন্ত গালাতিয়াচা আরো তীত দালমাতিয়াচা রি·য়াংজক;

তীতনা 2:12

ইয়া খা·সাচাক্কান আনচিংখো স্খিয়েতিংজক জেদাক্কে আনচিং ইসলনা বামগিজাখো আরো হা·গিলসাকনি হা·সিকারাংখো জিগালে ইয়া হা·গিলসাকোন আন·থাংথাংখো বাম্মে দন্নে ইসলনা বাম্মামুং খাকখেৎ জাংগিখো মিৎথাংএতা।

তীতনা 3:6

আনচিংখো জক্কেৎগিবা যীশু খ্রীষ্টচা বিয়া জাকস্রামে গিসিক রংথালগিবাখো আনচিংনা রন·জক,

২ পিতর 1:11

ইনি গিম্মিন আনচিংনি গিত্তেল আরো জক্কেৎগিবা যীশু খ্রীষ্টনি সংনকও না·সংখো হা·সিকমানচাএ রা·চাকনুয়া।