1 তীমথিয় 6:13 - Garo New Testament

¹³ ইসল জেআন গিম্মিকনা জাংগিখো হ·ন্না আরো খ্রীষ্ট যীশু, জেআন পন্তীয় পিলাতনি মিকখাংও বিবিনি গিম্মিনো সাক্ষি হ·ন্নামিং, উয়া ইসল আরো খ্রীষ্ট যীশুনি মিকখাংও আংআ নাং·না ইখো গি·য়েতিংজক-

1 তীমথিয় 6:13 Iomraidhean Croise

মথিনি চকগিবা নাম্মা খাৎথা 27:11

যীশু শাসন দাকগিবা পীলাতনি মিকখাংও চাদেংএ দংআমিং। শাসন দাকগিবা বিখো সিং·জক, “না·আ যিহূদীরাংনি রাজামা?” যীশু আগানচাকজক, “না·আ খাকখেৎখোন আগানজক।”

মথিনি চকগিবা নাম্মা খাৎথা 27:2

বিসং যীশুখো খাএমুং রোমনি দাল·বাৎগিবা শাসন দাকগিবা পীলাতনি জাক্কো হন·জক।

যোহননা 14:6

যীশু থোমানা আগানজক, “আংআন রামা, বিবি আরো জাংগি। আংগিত্তা রি·য়াংজাওদে দারাংবা আপফাওনা রি·য়াংনা মান·জা।

যোহননা 19:11

যীশু আগানচাকজক, “সাক্কাওনি নাং·না বিল হন·জাওদে আংনি সাক্কাও নাং·নি মামুং বিলআন দংজানুয়ামিং। উনি গিম্মিন আংখো নাং·নি জাক্কো হন·গিবানিন পাপ বাং·বাত্তা।”

যোহননা 5:21

ফাগিবা জেদাক্কে সিগিবারাংনা জাংগিখো হ·ন্নে চাখাত্তেতা উয়ানদাক্কেন দেফান্থিবা জেনা হা·সিকা বিনা জাংগিখো হ·ন্না।

যোহননা 5:26

মুয়ানা জেদাক্কে ফাগিবা আন·থাংআন জাংগি মান·রিকগিবা হং·আ উয়ানদাক্কেন বিয়া দেফান্থিখোবা জাংগি মান·রিকগিবা হং·খানা হন·জক।

ওয়াত্তেতারাংনা 17:25

বিয়া মামুংনান দিলজা, উনি গিম্মিন মান্দিনি জাকনিখো চি·ন্নে হ·ন্নাখোবা বিনি রা·চাকনা নাংজা, মুয়ানা বিয়ান মান্দি গিম্মিকনা জাংগিখো, বালজাংগিখো আরো মা·মান্থিখো হ·ন্না।

2য় করিন্থীয়রাংনা 9:13

না·সং বিবিরা·না খ্রাগিবা হং·আ, না·সংনি ইয়া হ·ন্না উখো ফিন্নিকনুয়া, আরো উখো নিক্কে বিসং ইসলনি রাসংখো দাকনুয়া, মুয়ানা না·সং খ্রীষ্টনি গিম্মিন নাম্মা খাৎথাখো বিবিরা·এ উয়ো বাম্মে দংজক আরো না·সং জাকস্রামে বিসংনা আরো গিপ্পিনরাংনা হন·জক।

গালাতীয়রাংনা 3:26

খ্রীষ্ট যীশুখো বিবিরা·আচা না·সং গিম্মিকান ইসলনি দেদ্রাং হং·জক,

1 তীমথিয় 1:12

আনচিংনি গিত্তেল খ্রীষ্ট যীশু, জেআন আংনা বিলখো হন·জক, বিখো আংআ মিৎথেলা, মুয়ানা বিয়া আংখো বিবিগিবা দাক্কে চানচিয়ে বিনা দাকচাকে হ·ন্নানি কামও বাচ্ছিয়ে রা·জক।

1 তীমথিয় 1:15

ইয়া খাৎথা বিবিরা·না খ্রাআ আরো রা·চাকনাবা খ্রাআ, পাপওনি পাপীরাংখো জক্কেৎনা ইন্নেন খ্রীষ্ট যীশু হা·গিলসাকো রি·বামিং। উয়া পাপীরাংনি গিসেপো আংআন দাল·গিবা।

1 তীমথিয় 2:5

ইসল সাকসাসান দংআ আরো ইসল আরো মান্দিনি গিসেপো নাংরিমেতানিবা সাকসাসান দংআ। উয়া নাংরিমেতগিবা হং·জক মান্দি খ্রীষ্ট যীশু।

1 তীমথিয় 5:21

ইসল আরো খ্রীষ্ট যীশু আরো বাচ্ছিয়ে রা·গিবা সা·গ্রেরাংনি মিকখাংও আংআ নাং·না ইখো গি·য়েতিংআ- দারাংনা চাকগিজা ইরাংখো দাকবো আরো সাকসাখোসান নিএ মামুং কামখো দা·আ দাক্কাবো।

1 তীমথিয় 6:12

খ্রীষ্টখো বিবিরা·আনি গিম্মিন বিনা চাক্কে সিমাংথাংমাং দাকগ্রিকে রি·য়াংবো। জে ফাংনাজলনি জাংগিনি গিম্মিন ইসল নাং·খো রিক্কামামিং উয়া ফাংনাজলনি জাংগিখো রি·ম্মে রা·রিকবো। না·আ বাং·আ মান্দিরাংনি মিকখাংওন নাং·নি বিবিরা·আনি সাক্ষিখো হ·ন্নামিং।

ফারাকগিবা খাৎথা 21:6

বিয়া আংনা আরোবা আগানজক, “বন·জক। আংআ আলফা আরো ওমিগা- হা·বাচেংআনি আরো বন·নানি। জেআন চি রিংনা হা·সিকা বিনা আংআ জাংগিনি চিমিকওনি দামগ্রি চি রিংনা হন·নুয়া।

ফারাকগিবা খাৎথা 22:1

জা·মানো উয়া সা·গ্রে জাংগিনি চিনি চিবিমাখো আংনা ফিন্নিকজক। উয়া ক্রিস্টাল গিত্তা গ্রিকামিং আরো ইসলনি আরো মেষ-বি·সানি সিংহাসনওনি হং·খাতে সংজিলমানি রামা জাংচিও চিবিমা দংআমিং। উয়া চিবিমানি সামগ্মি রিক্কামওন বলজাংগি দংআমিং। উয়ো চি·গ্মি বিথি নাংআ। জা রিক্ষিতান উয়ো বিথি নাংআ আরো উনি বিজাকচা গিম্মিক জাতনি মান্দি নাম্মিংআ। সাও আরবা দংজানুয়া।

ফারাকগিবা খাৎথা 3:14

“লায়দিকেয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন আমেন, জেআন বিবিরা·না খ্রাগিবা আরো বিবিগিবা সাক্ষি, জেআন ইসলনি থারিয়ানি জা·ফাং, বিয়া ইয়া খাৎথাখো আগানিংআ: আংআ নাং·নি কামনি খাৎথাখো হা·আইয়া।