1 তীমথিয় 6:11 - Garo New Testament

¹¹ ইন্দিবা না·আদে ইসলনি মান্দি; ইরাংওনি না·আ খাতবো। খাকখেৎ জাংগি, অলাখিয়া, বিবিরা·আ, খা·সাআ, চাকচিকা আরো রিন্নকা গিসিক-বেওয়ালনা গিসিক নাংবো।

1 তীমথিয় 6:11 Iomraidhean Croise

রোমানরাংনা 14:19

ইনি গিম্মিন জেখো দাক্কোদে থম·থমানি হং·আ আরো জেচা আনচিং সাকসা সাকগিপ্পিনখো থারিনা মা·ন্না, হাই, আনচিং উখোন দাকনা খ্রেংনা।

1ম করিন্থীয়রাংনা 10:14

ইনি গিম্মিন আংনি খা·সাগিবা রিপ্পেংরাং, না·সং মিত্তে বিমাংখো হামুয়াওনি খাতবো।

1ম করিন্থীয়রাংনা 14:1

ইন্দাকগিবা খা·সানা না·সং মংসংবাত্তে খ্রেংবো, আরো গিসিক রংথালগিবানি হ·ন্নানিখো, মংসংদে আগানসোগিবা গিত্তা খাৎথা আগানানি বিলখো মা·ন্না ইন্নে না·সংও হা·সিকা দংখানা।

1ম করিন্থীয়রাংনা 6:18

গিম্মিক থি·ল্লেকাওনি খাত্তাংবো। মান্দি জে দিংথাং পাপখো দাক্কা উখো বিয়া বিনি বে·এননি হা·ফালও দাক্কা, ইন্দিবা জে থি·ল্লেকা বিয়া আন·থাংনি বে·এননি সাক্কাওন পাপ দাক্কা।

1 তীমথিয় 1:14

আনচিংনি গিত্তেল আংনা চৎচাংগিজা খা·সাচাকজক আরো খ্রীষ্ট যীশুমুং নাংরিমানি গিম্মিনো জে বিবিরা·আ আরো খা·সা রি·বাআ উখো হন·জক।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

1 তীমথিয় 5:10

ইনাআগ্রেবা নাম্মা কামনা বিনি মিংসিংআ দংনা নাংনুয়া। ইন্দাকা নাম্মা কামরাংও দংআ - বি·সা-আংদিরাংখো নিরকা, চাচ্চি সকবাগিবারাংনা দাকচাকে হ·ন্না, ইসলনি মান্দিরাংনি জা·চকখো সু·গালে হ·ন্না, জেরাং দুকও গা·আকা বিসংনা দাকচাকা, আরো দিংথাং নাম্মা কামরাংও দংফা।

1 তীমথিয় 6:20

ও তীমথিয়, জেখো রাক্ষিনা নাং·না হন·জক উখো নাম্মেদাক্কে রাক্ষিবো। বু·আ হা·আইয়ানি খা·ফাকাগ্রি হং·গিজা-নাংগিজা খাৎথাওনি আরো স্খিয়াওনি চে·ল্লে দংবো।

2 তীমথিয় 2:21

জেরাং ইন্দাকা চনচনগিবা কামনি দনচাক্রা গিত্তা হং·আ, বিসংওনি জিতবাএ সাবা আন·থাংখো রংথালেতোদে ইন্দিদে বিয়া ইন্দাকা দনচাক্রা গিত্তা হং·নুয়া জেখো দাল·বিয়া কামও জাকখালিংআ। রংথালা মিকসংআনা বিখো দিংথাং দাক্কে দন্নুয়া, বিয়া গিত্তেলনি কামখো দাকনুয়া আরো গিম্মিক নাম্মা কামখো দাকনা বিয়া থারিয়ে দংসোনুয়া।

2 তীমথিয় 2:22

ফান্থি চাসংনি নামগিজা হা·সিকাওনি না·আ খাৎবো আরো জেরাং খাকখেৎ খা·থংও গিত্তেলখো রিক্কামা বিসংমুং নামগিবা জাংগিনা, বিবিরা·না, খা·সানা আরো থম·থমানা গিসিক নাংবো।

2 তীমথিয় 3:10

না·আ আংনি স্খিএতাখো, রি·য়ারাংখো, মিকসংআখো, বিবিরা·আখো, চাক্কানি গুণখো, খা·সাখো আরো চাকচিকাখো নাম্মেদাক্কেন নিকজক।

2 তীমথিয় 3:17

জেদাক্কে ইসলনি মান্দি চু·গিম্মিক দাক্কে খ্রাগিবা হং·এ নাম্মা কামখো দাকনা ইন্নে থারিসোনা মা·ন্না।

ইব্রীয়রাংনা 12:14

দিমদাক মান্দিমুং থম·থমাও দংফানা আরো রংথালনা গিসিক নাংবো। রংথালজাওদে দারাংবা গিত্তেলখো নিকজানুয়া।

পিতর 3:11

নামগিজা কামওনি বিয়া চে·ল্লাচা দংখানা, আরো নাম্মা কামখো দাকখানা; থম·থমানা হা·সিকমানচাএ বিয়া বিখো জা·রিকাখো ওয়াতজাখানা।