1 তীমথিয় 5:22 - Garo New Testament

²² থেংরি দাক্কে সানিবা সাক্কাও জাক দন্নে সাকসাখো মামুং কামনা দা·আ থিক দাক্কাবো। গিপ্পিনরাংনি পাপ দাক্কাও বিসংমুং দা·আ দংফাবো। আন·থাংখো খাকখেৎ দনবো।

1 তীমথিয় 5:22 Iomraidhean Croise

ওয়াত্তেতারাংনা 13:3

উনোন বিসং অকগুমিন দংএ আরো বি·এ উয়া সাকগ্মিনি সাক্কাও জাক দনদাপজক আরো বিসংখো ওয়াত্তেতজক।

ওয়াত্তেতারাংনা 18:6

ইন্দিবা যিহূদীরাং পৌলনা চাকগিজা খাল·স্থাপে খাৎথা আগানোন পৌল বা·রাথাংখো চিংচ্রিএ আগানজক, “না·সংনি হান·চি না·সং আন·থাংথাংনি স্খুওন দংখানা। ইনি গিম্মিন আংনি মামুং গ্রো দংজা। দা·আলোনি আংআ গিপ্পিন জাতরাংচা রি·য়াংনুয়া।”

ওয়াত্তেতারাংনা 20:26

উনি গান্দা দা·আলো আংআ না·সংচা থাল্লে আগানিংআ, দারাংনিবা হান·চিনা আংআ গ্রো নাংজা,

ওয়াত্তেতারাংনা 6:6

জা·মানো বিসং ইয়া মান্দিরাংখো ওয়াত্তেতারাংচা রিম্মাংজক। উনোন ওয়াত্তেতারাং বি·জক আরো কামরাংখো দাক্কেতনা বিসংনি সাক্কাও জাক দনদাপজক।

ইফিষীয়রাংনা 5:11

আন্দালানি বিথিগ্রি কামমুং না·সং দংজাখানা; উনা বাত্তে না·সং উরাংনি দোসখো ফিন্নিকে হন·বো

1 তীমথিয় 3:10

স্খাং বিসংখো থিকখেলে নিচেংনা নাংনুয়া, জা·মানো বিসং দোসগ্রি ইন্নে ফিন্নিকনা মা·ন্নোদে দাকচাকে হন·গিবা হং·না মা·ন্নুয়া।

1 তীমথিয় 3:2

উনি গিম্মিন নিরক্ষিগিবাখো ইন্দাকগিবা হং·না নাংনুয়া জেদাক্কে দারাংবা বিখো দোস হ·ন্না মান·জা। বিনি সাকসাসান জিক দংনুয়া। বিয়া আন·থাংখো বাম্মেতি দন্নুয়া আরো বিনি নাম্মা বিচাল-বুদ্ধি দংনুয়া। বিয়া খ্রাএ রি·নুয়া আরো সকবাগিবারাংনা দাকচাকে হ·ন্না নামনিকনুয়া। বিনি গিপ্পিনরাংনা স্খিয়েতানি বিল দংনুয়া।

1 তীমথিয় 3:6

মন্ডলীখো নিরক্ষিগিবা জেদাক্কে গিত্তাল বিবিরা·গিবা হং·জা, মুয়ানা গিত্তাল বিবিরা·গিবা হং·ওদে বিয়া গাং·বিংনাবাগ্মাং আরো শয়তাননা হ·ন্না খ্রাগিবা শাস্তিখো মা·ন্না খ্রাগিবা হং·নাবাগ্মাং।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

1 তীমথিয় 4:14

মন্ডলীনি দাল·গিবারাং জেনসালো নাং·নি সাক্কাও বিসংনি জাকখো দন্নামিং উনো আগানসোগিবা গিত্তা দাক্কে খু·সুক আগানানি জে মংসংগিবা হ·ন্নানিখো নাং·না হ·ন্নামিং উখো না·আ দা·আ গাল্লে দন্নাবো।

2 তীমথিয় 1:6

ইনি গিম্মিন আংআ নাং·না দা·আবা ইয়া খাৎথাখো আগান্না হা·ম্মা-নাং·নি সাক্কাও আংনি জাক দন্নাচা ইসল নাং·না জে হ·ন্নানিখো হন·জক উখো দা·আবা দি·চাবো।

2 তীমথিয় 2:2

বাং·আ সাক্ষিরাংনি মিকখাংও আংনি খু·সুকও জে স্খিয়ানি খাৎথাখো না·আ খিন্নাজক উয়া স্খিয়াখো রি·ম্মে রা·রিকনা না·আ ইন্দাকা বিবিগিবা মান্দিরাংনা হন·বো জেরাংনি গিপ্পিনরাংখো স্খিয়েতানি বিল দংআ।

ইব্রীয়রাংনা 6:2

দিংথাং দিংথাং রিপ্পলানি বিদিংও স্খিয়া, জাক দনদাপা, সিগিবারাংনি থাংচাআ আরো ফাংনাজলনি শাস্তি-ইন্দাকগিবা হা·বাচেংআনি খাৎথারাংখো রা·এ আনচিং জেদাক্কে দা·আবা গিত্তাল দাক্কে ফাংচাকানিখো রিকফিলজা।

2 যোহন 1:11

জেআন বিখো সালাম হ·ন্না বিয়া বিনি নামগিজা কামনি বাকখোবা রা·আ।

ফারাকগিবা খাৎথা 18:4

জা·মানো আংআ সালগিওনি দা·আও সাকসাখো আগানাখো খিন্নাজক, “আংনি মান্দিরাং, না·সং বাবিলওনি হং·খাতে রি·বাবো জেদাক্কে বিনি পাপনি বাকখো না·সং মান·ফাজা, আরো জে সাবিসিরাং উনি সাক্কাও গা·আকনুয়া উনি মামিংখোন না·সংনি চাকনা নাংজাখানা।