1 তীমথিয় 5:21 - Garo New Testament

²¹ ইসল আরো খ্রীষ্ট যীশু আরো বাচ্ছিয়ে রা·গিবা সা·গ্রেরাংনি মিকখাংও আংআ নাং·না ইখো গি·য়েতিংআ- দারাংনা চাকগিজা ইরাংখো দাকবো আরো সাকসাখোসান নিএ মামুং কামখো দা·আ দাক্কাবো।

1 তীমথিয় 5:21 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 25:41

“জা·মানো বিয়া জাক্কাসিচা দংগিবা মান্দিরাংনা আগান্নুয়া, ‘ও শাপ মান·গিবা মান্দিরাং, আংচানি না·সং রি·য়াংবো। শয়তান আরো উনি সা·গ্রেরাংনা দাকসোআ ফাংনাজলনি ওয়া·আলোনা রি·য়াংবো।

মথিনি চকগিবা নাম্মা খাৎথা 28:20

আংআ জেখো জেখো না·সংনা গি·য়েৎজক উখো মানিখানা বিসংনা স্খিয়ে হন·বো। নিবো, চাসংনি বন·খামাওনা দিপ্পাৎ ফাংনান আংআ না·সংমুং দংআ।”

লূকনি চকগিবা নাম্মা খাৎথা 20:21

উনি গিম্মিন বিসং বিনা আগানজক, “স্খিগিবা, চিংআ হা·আইয়া, না·আ জেখো আগানা আরো স্খিয়ে হ·ন্না উয়াদে খাকখেৎআন হং·আ। না·আ গিম্মিকখোন আপসান দাক্কে নিয়া আরো বিবিদাক্কেন ইসলনি রামানি বিদিংও স্খিয়ে হ·ন্না।

লূকনি চকগিবা নাম্মা খাৎথা 9:26

সাবা আংনি গিম্মিন আরো আংনি খাৎথানি গিম্মিন খ্রাচা·সিকোদে, মান্দিনি দেফান্থি জেনসালো আন·থাংনি রাসং আরো ফাগিবা আরো রংথালগিবা সা·গ্রেরাংনি রাসংও রি·বানুয়া উনসালো বিয়াবা উয়া মান্দিনা খ্রাচা·নুয়া।

2য় করিন্থীয়রাংনা 5:16

উনি গিম্মিন দা·আওনি দিপ্পাৎ চিংআ মান্দিখো বিনি হা·ফালচাখো নিএ বিচাল দাকজা। খ্রীষ্টখোদে চিংআ স্খাং উয়ানদাক্কেন বিচাল দাক্কামিং, ইন্দিবা দা·আওদে ইন্দাকে দাকজাজক।

1 থিষলনীকী 5:27

আংআ গিত্তেলনি বিমুংও না·সংনা ইখো গি·য়েতিংজক, ইয়া চিঠিখো জেদাক্কে গিম্মিক জংআদারাংনা পড়িয়ে খিন্নাএতা।

1 তীমথিয় 6:13

ইসল জেআন গিম্মিকনা জাংগিখো হ·ন্না আরো খ্রীষ্ট যীশু, জেআন পন্তীয় পিলাতনি মিকখাংও বিবিনি গিম্মিনো সাক্ষি হ·ন্নামিং, উয়া ইসল আরো খ্রীষ্ট যীশুনি মিকখাংও আংআ নাং·না ইখো গি·য়েতিংজক-

2 তীমথিয় 2:14

ইয়া খাৎথারাংখো মান্দিরাংনা গিসিক রা·এতবো। ইসলনি মিকখাংও বিসংখো সিমসাকেতবো জেদাক্কে বিসং হং·গিজা-নাংগিজা খু·সুকখো রা·এ জিগ্রিকজা। ইনি মামুং দামআন দংজা, বাত্তেসা জেরাং উখো খিন্নাআ বিসংখো উয়া ব·ন্নেতা।

2 তীমথিয় 4:1

খ্রীষ্টনি রি·বাফিল্লা আরো বিনি সংনকনি গিম্মিন গিসিক রা·এ ইসলনি মিকখাংও আরো জেআন থাংগিবারাংখো আরো সিগিবারাংখো বিচাল দাকনুয়া উয়া খ্রীষ্ট যীশুনি মিকখাংও আংআ নাং·না ইখো গি·য়েতিংজক-

যাকোব 3:17

ইন্দিবা সালগিচানি হং·খাতবাগিবা হা·আইয়াদে হা·বাচেংওন রংথালা, থম·থমা, রিন্নকা, চাকচিকা, খা·সাচাক্কা আরো নাম্মা কামরাংনি বিথি উয়ো গাপ্পা, উয়ো বু·এ চা·আ দংজা।

২ পিতর 2:4

সা·গ্রেরাং জেনসালো পাপ দাক্কামিং উনো ইসল বিসংখো ওয়াতজাজক বাত্তেসা নরকনি আন্দালগিবা হা·খলো গাল্লে বিচালনা দনজক।

যিহূদা 1:6

ইনাআগ্রে জে সা·গ্রেরাং আন·থাংথাংনি মান·রিকানি বিলখো রাক্ষিগিজা আন·থাংথাংনি হা·দামখো ওয়াত্তে রি·য়াংজকমিং বিসংনি খাৎথাখো গিসিক রা·বো। উয়া বিল্লংআনি সালনি বিচালনা মিকসংএ ইসল বিসংখো ফাংনাজলনা আন্দালাও খাএ দনজক।

ফারাকগিবা খাৎথা 14:10

ইন্দাকোদে বিখো ইসলনি খা·আও নাংআনি চুখো রিংনা নাংনুয়া। ইয়া চুমিং চিখো ব্রিনগিজা ইসলনি খা·আও নাংআনি রিংচাক্রাও রুদাপজক। রংথালগিবা সা·গ্রেরাংনি আরো মেষ বি·সানি মিকখাংও ওয়া·আল আরো গন্ধকচা উয়া মান্দিখো সা·খাম্মেতনুয়া।