1 তীমথিয় 4:8 - Garo New Testament

⁸ বে·এনখো অকখিসা নাম্মা, ইন্দিবা ইসলখো অলাখিয়াও গিম্মিক গিত্তান নাম্মা; উনি গিম্মিন দা·আওনি জাংগিনা আরো রি·বাগিবা জাংগিনা খা·দংআ দংআ।

1 তীমথিয় 4:8 Iomraidhean Croise

মথিনি চকগিবা নাম্মা খাৎথা 12:32

মান্দিনি দেফান্থিখো চাংফেংএ আগানগিবাখো ক্ষেমা দাকনুয়া, ইন্দিবা গিসিক রংথালগিবাখো চাংফেংএ আগানগিবাখো ক্ষেমা দাকজানুয়া-ইয়া চাসংও হং·জা, আম্বুন চাসংওবা হং·জা।

মথিনি চকগিবা নাম্মা খাৎথা 19:29

আরোবা আংনি গিম্মিন নকখো, জংআদা-নআবিখো, মা·খো-ফাখো, দেদ্রাংখো বা হা·বারাংখো জে ওয়াতস্রাংজক, বিয়া উনি রিৎচাসা বাং·বাত্তে মান·ফিলনুয়া আরো ফাংনাজলনি জাংগিখোবা মা·ন্নুয়া।

মথিনি চকগিবা নাম্মা খাৎথা 6:33

ইন্দিবা না·সং স্খাংআন ইসলনি সংনক আরো বিনি হা·সিকা গিত্তা রি·না হাম·চেংবো। ইন্দাকোদে উয়া বস্তুরাংখোবা না·সং মা·ন্নুয়া। আম্বুন সালনা দা·আ চানচিয়াবো;

মার্ক 10:30

ইয়া চাসংওন বিয়া উনি রিৎচাসা বাং·বাত্তে নকরাংখো, জংআদা-নআবিরাংখো, মা·খো, দেদ্রাংখো আরো হা·বারাংখো মা·ন্নুয়া আরো উমুং দুকবা মা·ন্নুয়া আরো জা·মানো রি·বাগিবা চাসংও ফাংনাজলনি জাংগিখো মা·ন্নুয়া।

লূকনি চকগিবা নাম্মা খাৎথা 5:38

গিত্তাল আংগুর বিৎচিখো গিত্তাল বিগিলনি দনচাক্রাওন দন্না নাংআ।

রোমানরাংনা 8:28

আনচিং হা·আইয়া ইসলনা জেরাং খা·ফাকা, আগানস্খাওদে ইসল আন·থাংনি মিকসংআ গিত্তা জেরাংখো রিক্কামজক বিসংনি নাম্মানা গিম্মিকান আপসান দাক্কে কাম দাক্কিংজক।

1ম করিন্থীয়রাংনা 3:22

পৌল, আপল্লো, পিতর, ইয়া হা·গিলসাক, জাংগি, সিয়া, দা·আওনি চাসং আরো রি·বাগিবা চাসং গিম্মিকান না·সংনি হং·আ;

1ম করিন্থীয়রাংনা 8:8

ইন্দিবা চা·আচা আনচিং ইসলনি রা·চাকগিবাখো মান·জা। আনচিং চা·জাওদে নামগিজানি মামুংবা হং·জা, আরো চা·আওবা আনচিংনি মামুং লাভ হং·জা।

1 তীমথিয় 4:7

ইসলখো রা·এ অলাখিগ্রি গল্পরাংওনি চে·ল্লে দংবো; উরাংদে বুৎচুমারাংনি বানাইয়া গল্পরাং গিত্তা হং·আ। বাত্তেসা ইসলখো অলাখিনা দাকবো।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

1 তীমথিয় 6:5

আরো গিসিক চনগিবারাংনি গিসেপো গোলমাল দাক্কা। ইন্দাকা মান্দিরাংও ইসলনি বিবি দংজা; বিসং খ্রীষ্টনি থরমনি বিবিখো হা·গিলসাকো মান·দাপানি চল ইন্নে চানচিয়া।

1 তীমথিয় 6:6

ইন্দিবা খুসি হং·গিবা গিসিকো খ্রীষ্ট থরমনি বিবিরা·আ গিত্তা রি·ওদে নাম্মেন মান·দাপানি হং·আ।

2 তীমথিয় 3:5

হা·ফালনি বিমাংখো নিকজোকনো ইসলনা বিসং বাসিক খা·ফাকা গিত্তা নিক্কা, ইন্দিবা ইসলখো অলাখিয়ানি বিলখোন বিসং জিচাকা। ইন্দাকগিবা মান্দিরাংওনি চে·ল্লাও দংবো।

তীতনা 3:8

ইয়া খাৎথা বিবিরা·না খ্রাগিবা হং·আ। আংআ হা·ম্মা, না·আ ইয়া বিদিংরাংও দিংচিকবো, জেদাক্কে ইসলখো জেরাং বিবিরা·জক বিসং গিপ্পিনরাংনা দাকচাকানি কামও আন·থাংথাংখো বিমচিপাও দন্না গিসিক র·ন্না। মান্দিরাংনা ইয়ারাং নাম্মা আরো দাকচাকানি হং·আ।

ইব্রীয়রাংনা 13:9

বাং·আ গিত্তাল গিত্তাল স্খিয়া জেদাক্কে না·সংখো ব্রাংগিবা রামাচানা রা·আংজা। আনচিংনি গিসিক ফাকওয়াতগিবা চা·আনি সাক্কাও দংগিজা জেদাক্কে ইসলনি খা·সাচাক্কানি সাক্কাও খিম·খিম দংআ। জেরাং উয়া চা·আনি সাক্কাও ফাংচাকে রি·নুয়ামিং, উয়া চা·আওনি বিসংনি মামিং লাভ হং·জা।

1 যোহন 2:25

ইয়ান হং·জক ফাংনাজলনি জাংগি, জেখো খ্রীষ্ট আনচিংনা হ·ন্না খু·রাচাকজক।

ফারাকগিবা খাৎথা 3:12

জেআন হামনুয়া বিখো আংআ আংনি ইসলনি নকনি গি·সা খ্রং দাকনুয়া; বিয়া মামুং সালোবা হা·ফালচা রি·য়াংজানুয়া। আংআ বিনি সাক্কাও আংনি ইসলনি বিমুংখো আরো আংনি ইসলনি সংজিলমানি বিমুংখো চকনুয়া। গিত্তাল যিরূশালেমআন উয়া সংজিলমা। সালগিওনি আংনি ইসলচানি ইয়া সংজিলমা হং·ওনবানুয়া। জেআন হামনুয়া আংআ বিনি সাক্কাও আংনি গিত্তাল বিমুংখোবা চকনুয়া।

ফারাকগিবা খাৎথা 3:21

“আংআ হাম্মে জেগিত্তা আংনি ফাগিবামুং বিনি সিংহাসনও আসংজক, উয়ানদাক্কে জেআন হামনুয়া বিখো আংআ আংমুং আংনি সিংহাসনও আসংনা বিল হ·ন্নুয়া।