1 তীমথিয় 4:6 - Garo New Testament

⁶ ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

1 তীমথিয় 4:6 Iomraidhean Croise

মথিনি চকগিবা নাম্মা খাৎথা 13:52

উনোন যীশু বিসংনা আগানজক, ‘‘সালগিনি সংনকনি গিম্মিন স্খিয়া মান·গিবা শাস্ত্র স্খিগিবা গিম্মিকান আন·থাংনি জামওনিখো গিত্তাল আরো গিৎচাম জিনিসখো রং·খাতগিবা নকনি নকগিবা গিত্তা হং·আ।’’

লূকনি চকগিবা নাম্মা খাৎথা 1:3

উয়া গিম্মিকখো স্খাংওনিন নাম্মেদাক্কে সান্দিয়ে নিয়ামে নাং·না মিংসা মিংসা দাক্কে চক্কাখো আংআবা নাম্মা ইন্নে চানচিজক।

ওয়াত্তেতারাংনা 1:15

উয়া সময়ও পিতর সালসাও খ্রীষ্টখো বিবিরা·গিবা সাক রিৎচাসা খলগ্রিকমাং মান্দিরাংনি গিসেপো চাদেংএ আগানজক,

ওয়াত্তেতারাংনা 20:31

ইনি গিম্মিন না·সং সিমসাকে দংবো। গিসিক রা·রিকবো, বিলসি গিত্থাম দিপ্পাৎ সালওয়াল মিকচিমুং আংআ না·সং গিম্মিকখো সিমসাকেতামিং, মামুং সালোবা স্রক দাক্কে দংজা।

ওয়াত্তেতারাংনা 20:35

আংনি দাকগিবা গিম্মিকোন না·সংনা ফিন্নিকজক, ইন্দাকগিবা কামরাংচা বিলগ্রিরাংনা দাকচাকনা নাংআ আরো গিত্তেল যীশুনি ইয়া খাৎথাখো আনচিংনি গিসিক রা·না নাংআ, ‘মা·ন্নানা বাত্তে হ·ন্নাওন আরোবা বাং·এ ফাত্তিয়া দংআ।’ ”

রোমানরাংনা 15:15

ইন্দাকোবা না·সংখো মিংসা মিংগ্মি বিদিংরাংনি গিম্মিন গিসিক রা·এতনা আংআ খা·সকে না·সংনা ইয়া খাৎথারাংখো চকজক, মুয়ানা ইসল আংখো গিপ্পিন জাতরাংচা খ্রীষ্ট যীশুনা দাকচাকে হ·ন্নানি ফাত্তিয়াখো হন·জক। গিসিক রংথালগিবাচা দিংথাং দাক্কে দনগিবা গিপ্পিন জাতরাং জেদাক্কে ইসলনা রা·চাকনা গিত্তা বলি হং·না মা·ন্না উনি হা·সেল বিনিন হন·গিবা নাম্মা খাৎথাখো আগানফ্রাকে আংআ খামালনি কামখো দাক্কিংজক।

1ম করিন্থীয়রাংনা 4:17

আরো ইনি গিম্মিনান আংআ তীমথিয়খো না·সংচা ওয়াত্তেতিংজক। বিবিরা·গিবা গিত্তা বিয়া আংনি খা·সাগিবা আরো বিবিগিবা দে হং·আ। যীশুমুং নাংরিমে আংনি স্খিয়া আরো কাম বাদিকে দাক্কা, বিয়া উখো না·সংনা গিসিক রা·এতনুয়া। গিম্মিক হা·দামনি গিম্মিক মন্ডলীনা আংআ ইরাংনি বিদিংও আপসানখোন স্খিয়ে হ·ন্না।

2য় করিন্থীয়রাংনা 11:23

বিসং খ্রীষ্টনা দাকচাকে হন·গিবা হং·আমা? আংআ আরোবা বাং·এ দাক্কে উয়ান হং·আ। গিসিকো রা·রিকবো, আংআ খোরে মান্দি গিত্তা খাৎথা আগানিংআ। খ্রীষ্টনা দাকচাকে হ·ন্না রি·য়াংএ আংআ বিসংনা বাত্তে বাং·এ বিমচিপজক, বাং·এ জেলো দংজক, আরোবা বাং·এ দক্কা চা·জক, রাং·নিরাং সিনা গিত্তিক হং·জক।

2য় করিন্থীয়রাংনা 3:6

গি·সা গিত্তাল খু·রাচাক্কাখো হা·আইএতনা বিয়ান চিংখো খ্রাগিবা দাকজক। ইয়া খু·রাচাক্কা গিম্মিকখোন মানিয়ানি বিদিং হং·জা, ইন্দিবা গিসিক রংথালগিবানি রি·দিলাও খা·থংনি বাম্মানি বিদিং হং·আ; মুয়ানা নিয়াম সিয়াখো রা·বাআ, ইন্দিবা গিসিক রংথালগিবা জাংগিখো হ·ন্না।

2য় করিন্থীয়রাংনা 6:4

উনা বাত্তে গিম্মিকোন ইসলনা দাকচাকে হন·গিবা ইন্নে চিংআ আন·থাংথাংখো ফিন্নিকা। গিচ্চিয়ারাংও, হং·সিয়ারাংও আরো দুকরাংও বাং·এ চাকচিকে চিংআ ইখোন ফিন্নিকিংজক।

ইফিষীয়রাংনা 6:21

আংআ বাদিকে দংআ আরো আংনি সাল বাদিকে রি·য়াংইংজক উখো খা·সাগিবা জং আরো গিত্তেলনি বিবিরা·না খ্রাগিবা দাকচাকে রন·গিবা তুখিকচাখো হা·আইনা মা·ন্নুয়া।

ফিলিপীয়রাংনা 2:20

আংমুং ইন্দাকগিবা সাকসাবা দংজা, জেআন তীমথিয় গিত্তা বিবিন না·সংনা চানচিয়া।

ফিলিপীয়রাংনা 2:22

ইন্দিবা না·সং হা·আইয়ান, তীমথিয় বিখো খ্রাগিবা দাক্কে ফিন্নিকজক, মুয়ানা জেগিত্তা দেফান্থি ফাগিবামুং কাম দাক্কা উগিত্তান বিয়া আংমুং যীশু খ্রীষ্টনি গিম্মিন নাম্মা খাৎথাখো আগানফ্রাকানি কামও বিমচিপজক।

ফিলিপীয়রাংনা 3:16

জেবা হং·খানাবো, আনচিং চু·সকাওনা বাসিক সকজক উনি খ্রি আনচিংনি রি·না নাংআ।

কলসীয়রাংনা 2:19

বিসং নাম্মেদাক্কে রাক্কে স্খুখো, আগানস্খাওদে যীশু খ্রীষ্টখো রি·ম্মে রা·রিকজা, ইন্দিবা উয়া স্খুনি রি·দিলাচান বে·এন গিম্মিক গ্রেং-বে·এনমুং নাংরিমে আরো খেম·খেমে ইসলনি হা·সিকা গিত্তা দাল·রোরোআ।

কলসীয়রাংনা 3:16

খ্রীষ্টনি খাৎথাখো না·সংনি খা·থংও চু·গিম্মিক দাক্কে দংনা হন·বো। ইসলনি হন·গিবা হা·আইয়াচা সাকসা দা·আও সাকসানা স্খিবো আরো নাম্মাখো আগানবো আরো খা·থংও মিৎথেলে ইসলনা মিংএ গীতরাংনি গীতখো আরো গিসিকনি আরো মিৎথেলানি গীতখো রিং·বো।

কলসীয়রাংনা 4:7

চিংনি খা·সাগিবা জং আরো বিবিরা·না খ্রাগিবা দাকচাকে হন·গিবা আরো চিংমুং গিত্তেলনি কামখো রিম·ফাগিবা তুুখিক আংনি গিম্মিক খবলখো না·সংনা হ·ন্নুয়া।

1 তীমথিয় 1:10

জেরাং থি·ল্লেকা, জেরাং মি·আসা-মি·আসাস্খা মিচিক-মিচিকস্খামুং নামগিজাখো দাক্কা, জেরাং নকখল-বাদিংআনি কামখো দাক্কা, জেরাং বু·এ খু·সুক আগানা আরো বু·আখো সাক্ষি হ·ন্না, আরো জেরাং বিবিগিবা স্খিয়ানি সাক্কাও দিংথাং কামখো দাক্কা।

1 তীমথিয় 4:16

নাং·নি আন·থাংনি গিম্মিনো আরো নাং·নি স্খিয়ানি গিম্মিনো সিমসাকে দংবো। ইরাংখো দাকসোবো, মুয়ানা উনি গিম্মিনো না·আ আন·থাংখো রাক্ষিনা মা·ন্নুয়া আরো নাং·নি খাৎথাখো খিন্নাগিবারাংখোবা রাক্ষিনা মা·ন্নুয়া।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

2 তীমথিয় 1:6

ইনি গিম্মিন আংআ নাং·না দা·আবা ইয়া খাৎথাখো আগান্না হা·ম্মা-নাং·নি সাক্কাও আংনি জাক দন্নাচা ইসল নাং·না জে হ·ন্নানিখো হন·জক উখো দা·আবা দি·চাবো।

2 তীমথিয় 3:10

না·আ আংনি স্খিএতাখো, রি·য়ারাংখো, মিকসংআখো, বিবিরা·আখো, চাক্কানি গুণখো, খা·সাখো আরো চাকচিকাখো নাম্মেদাক্কেন নিকজক।

2 তীমথিয় 4:3

ইন্দাকা সময় রি·বানুয়া জেনসালো বিবিনি স্খিয়াখো মান্দিরাং চাকজানুয়া, বাত্তেসা আন·থাংথাংনি হা·সিকাখো চু·সকেতনা বিসং ইন্দাকা বাং·আ স্খিএতগিবারাংখো চিম্মংনুয়া জেরাং বিসংখো খুসি দাকনা গিত্তা স্খিয়েতনুয়া।

তীতনা 2:1

না·আ ইন্দাকফিল্লে স্খিয়েতবো জেদাক্কে নাং·নি খাৎথামুং চং·মত স্খিয়া আপসান হং·আ।

পিতর 2:2

দা·আও মা·মাং আৎচিজক ইন্দাকগিবা বি·সা গিত্তা না·সংনি গিসিকনি বাতরোরোআনি গিম্মিন খাকখেৎ সকচিখো মা·ন্না ইন্নে না·সং নাম্মেন হা·সিকমানচাবো, জেদাক্কে উচা বাতরোরোএ না·সং জক্কানি চু·সকাওনা সকনা মা·ন্না।

2 যোহন 1:9

জেরাং খ্রীষ্টনি হন·গিবা স্খিয়াখো বাত্তাংএ রি·য়াংআ আরো উয়া স্খিয়াও খেম·খেমে দংজা বিসংনি খা·থংও ইসল দংজা। ইন্দিবা জেআন উয়া স্খিয়াও খেম·খেম দংআ বিনি খা·থংও ফাগিবা আরো দেফান্থি সাকগ্মিআন দংআ।

যিহূদা 1:5

না·সংদে ইনি বিদিংও নাম্মেদাক্কেন হা·আইয়া; ইন্দাকোবা আংআ না·সংনা ইয়া খাৎথাখো গিসিক রা·এতনা হা·ম্মা, মিসর হা·সংওনিখো ইস্রায়েলরাংখো জক্কেতি রা·বানি জা·মানো জেরাং বিবিরা·জাজক গিত্তেল বিসংখো ব·ন্নেতামিং।