1 তীমথিয় 4:16 - Garo New Testament

¹⁶ নাং·নি আন·থাংনি গিম্মিনো আরো নাং·নি স্খিয়ানি গিম্মিনো সিমসাকে দংবো। ইরাংখো দাকসোবো, মুয়ানা উনি গিম্মিনো না·আ আন·থাংখো রাক্ষিনা মা·ন্নুয়া আরো নাং·নি খাৎথাখো খিন্নাগিবারাংখোবা রাক্ষিনা মা·ন্নুয়া।

1 তীমথিয় 4:16 Iomraidhean Croise

মার্ক 13:9

‘‘না·সং আন·থাংথাংনি গিম্মিনো সিমসাকবো। মান্দিরাং না·সংখো বিচাল দাকগিবারাংনি জাক্কো রি·ম্মে হ·ন্নুয়া আরো থম·দাকরামো দকনুয়া। আংনি গিম্মিন না·সংখো হা·সংনি শাসন দাকগিবা আরো রাজারাংনি মিকখাংও চাদেংনা নাংনুয়া। বিসংনি মিকখাংও আংনি গিম্মিনো না·সংনি সাক্ষি হ·ন্না নাংনুয়া।

লূকনি চকগিবা নাম্মা খাৎথা 21:34

“না·সং সিমসাকে দংবো জেদাক্কে চা·ফেক্কানা রিংফেক্কানা আরো নকদাংনি চানচিয়ারাংনা না·সংনি খা·থং জ্রিমবিয়ে গা·আকজা। ইন্দাকজাওদে জা·গা জেদাক্কে রাং·গিত্তিক চিপচাংআ উয়ানদাক্কে উয়া সালবা রাং·গিত্তিক না·সংনি সাক্কাও, আরোবা হা·গিলসাকনি গিম্মিক মান্দিনি সাক্কাও রি·বানুয়া।

ওয়াত্তেতারাংনা 26:22

ইন্দিবা ইসল দা·আওনা দিপ্পাৎ আংনা দাকচাকে রি·বাংজক আরো উনি গিম্মিনান আংআ ইনো চাদেংএ দা·ল্লা চন্না গিম্মিকচান সাক্ষি হ·ন্নিংজক। আগানসোগিবারাং আরো মোশি জেরাং হং·আনি খাৎথাখো আগানে রি·য়াংজক উরাংনি আগ্রে আংআ মামুংখোন আগানজা।

রোমানরাংনা 11:14

ইনি গিম্মিন জেদাক্কে আংআ আন·থাংনি জাতস্খানি মান্দিরাংনি হা·সিকাখো মিকরাকেতি বিসংওনি মিত্তাম মান্দিরাংখো জক্কেৎনা মা·ন্না।

রোমানরাংনা 16:17

জংআদারাং, না·সং জে স্খিয়াখো মান·জক উনি ফাংফিল্লে স্খিয়াখো হ·ন্নে জেরাং দল থারিয়া আরো চাংফেংআখো থারিয়া, বিসংখো নিরকনা আংআ না·সংখো মংসংবাত্তে মল·মলিংজক। না·সং বিসংচানি চে·ল্লে দংবো,

রোমানরাংনা 2:7

জেরাং চাকচিকে নাম্মা কামখো দাক্কে ইসলচাখো রাসং, মান্দিরা·আ আরো বন·গিজাগিবা জাংগিখো মা·ন্না হা·ম্মা, ইসল বিসংনান ফাংনাজলনি জাংগিখো হ·ন্নুয়া।

1ম করিন্থীয়রাংনা 1:21

ইসল বিনি আন·থাংনি হা·আইয়াও থিক দাকজক ইন্নেন হা·গিলসাক বিনি আন·থাংনি হা·আইয়াচা ইসলখো হা·আইনা মান·জা। ইনি গিম্মিন নাম্মা খাৎথানি গক্কাচা পাপওনি বিবিরা·গিবারাংখো জক্কেতাখো ইসল নাম্মা ইন্নে চানচিজক।

1ম করিন্থীয়রাংনা 9:22

বিবিরা·আও বিলগ্রিগিবারাংচা আংআ উয়ানদাকগিবা মান্দি গিত্তান হং·জক, জেদাক্কে খ্রীষ্টনা চু·গিম্মিক দাক্কে বিসংখো হামনা মা·ন্না। গিম্মিকচান আংআ গিম্মিক গিত্তা হং·জক জেদাক্কে মিত্তাম মান্দিখো জক্কেৎনা মা·ন্না।

1ম করিন্থীয়রাংনা 9:27

বাত্তেসা আংআ বে·এনখো দুক হ·ন্নে আন·থাংনি নিং·আও দন্নিংজক, জেদাক্কে গিপ্পিনরাংচা নাম্মা খাৎথাখো আগানফ্রাকানি জা·মানো আংআ আন·থাং বকসিসখো মা·ন্না খ্রাগিজা হং·জা।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

কলসীয়রাংনা 4:17

আর্খিপ্পনা ইয়া খাৎথাখো আগানবো, “গিত্তেলনা দাকচাকে হ·ন্না জে কামখো নাং·না হন·জক উখো ব·ন্নেতনা মংসংবাত্তে গিসিক হন·বো।”

1 থিষলনীকী 2:16

বিসং চিংখো চাংফেংআ জেদাক্কোদে গিপ্পিন জাতরাংখো পাপওনি জক্কেৎনা ইন্নে বিসংচা চিংআ মামুং খাৎথাখো আগান্না মান·জা। ইন্দাকেন উয়া যিহূদীরাং ফাংনান পাপনি সাক্কাও পাপখো গাৎদাপ্পিংজক, আরো ইসলনি খা·আওনাংআ চু·গিম্মিক দাক্কে বিসংনি সাক্কাও গা·আকজক।

1 তীমথিয় 1:3

ম্যাসিডোনিয়াচা রি·য়াংমিত্তিংও আংআ নাং·না জেখো আগানামিং দা·আওবা উখোন আগানিংজক- না·আ ইফিষ সংজিলমাওন দংবো, জেদাক্কে মিত্তাম মান্দিরাংখো গি·য়েৎনা মা·ন্না জেদাক্কে বিসং আরবা ব্রাংগিবা স্খিয়াখো স্খিয়েতজা।

1 তীমথিয় 4:15

ইরাংনি গিম্মিনো গিসিক হন·বো; আন·থাংখো চু·গিম্মিক দাক্কে উয়ো দনবো, জেদাক্কে গিম্মিকান ইখো নিকনা মা·ন্না না·আ মিকখাংচানা সক্কাংইংজক।

1 তীমথিয় 4:6

ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

2 তীমথিয় 2:10

ইনি গিম্মিন ইসল জেরাংখো বাচ্ছিয়ে রা·জক বিসংনা আংআ গিম্মিকখো চাক্কিংআ, জেদাক্কে বিসংবা খ্রীষ্ট যীশুও পাপওনি জক্কাখো মা·ন্না আরো ফাংনাজলনি রাসংখো মা·ন্না।

2 তীমথিয় 3:14

ইন্দিবা না·আ জেখো স্নিংজক আরো বিবিরা·বিবিজক উয়ো খেম·খেমে দংবো, মুয়ানা সারাংচানি না·সং উখো স্খিজক উখো না·সং হা·আইয়া।

2 তীমথিয় 4:2

ইসলনি খাৎথাখো আগানফ্রাকবো; সময় হং·ওবা হং·জাওবা, ফাংনান আগানফ্রাকনা থারিসোএ দংবো; নাম্মেন চাকচিকে স্খিয়েতি মান্দিরাংনি দোসখো ফিন্নিকে হন·বো, বিসংখো সিমসাকেতবো আরো নাম্মাখো আগানবো।

তীতনা 1:9

ইসলনি বিবিরা·না খ্রাগিবা খাৎথা, জেখো আংআ স্খিয়েতজক, উখো বিনি রাক্কে রি·ম্মে রা·রিকনা নাংনুয়া, জেদাক্কে চং·মত স্খিয়ানি বিদিংও বিয়া আগানফ্রাকনা মা·ন্না আরো বোবিল দাকগিবারাংনা ব্রাংআনিখো ফিন্নিকে র·ন্না মা·ন্না।

তীতনা 2:15

উনি গিম্মিন চু·গিম্মিক বিলখো রা·এ না·আ ইয়া বিদিংরাংও স্খিয়েতবো, নাম্মাখো আগানবো আরো দোসখো ফিন্নিকে হন·বো। জেদাক্কে দারাংবা নাং·খো চন্নিকজা।

তীতনা 2:7

গিম্মিকোন না·আ বিসংচা নাম্মা কামনা দাক্কে ফিন্নিকগিবা হং·বো। নাং·নি স্খিয়াও জেদাক্কে নামগিবা মিকসংআ দংআ, উয়ো জেদাক্কে নাংএগিজা সক্কেগিজা গিসিক দংজা।

ফিলীমনা 1:19

আংআ পৌল আন·থাংনি জাকচান চক্কিংজক, আংআ উয়া গ্রোখো চতনুয়া। ইয়া খাৎথাখো আংনি আগান্না নাংজা, খ্রীষ্টখো বিবিরা·আও না·আ আন·থাংআন আংচা গ্রোনাংগিবা হং·আ।

ইব্রীয়রাংনা 12:15

নিবো, দারাংবা জেদাক্কে ইসলনি খা·সাচাক্কাওনি বাদ গা·আকজা। নিবো, বিসিগ্মাং খা·গিবা ফাংনি জা·দিল গিত্তা চাবাএ দারাংবা জেদাক্কে দুকখো থারিয়ে বাং·আ মান্দিখো মারাং নাংএতজা।

ইব্রীয়রাংনা 13:9

বাং·আ গিত্তাল গিত্তাল স্খিয়া জেদাক্কে না·সংখো ব্রাংগিবা রামাচানা রা·আংজা। আনচিংনি গিসিক ফাকওয়াতগিবা চা·আনি সাক্কাও দংগিজা জেদাক্কে ইসলনি খা·সাচাক্কানি সাক্কাও খিম·খিম দংআ। জেরাং উয়া চা·আনি সাক্কাও ফাংচাকে রি·নুয়ামিং, উয়া চা·আওনি বিসংনি মামিং লাভ হং·জা।

যাকোব 5:20

ইন্দাকোদে হা·আইএ দনবো- সাবা সাকসা পাপীখো ব্রাংগিবা রামানিখো রিমবাফিল্লোদে বিয়া বিখো সিয়ানিখো জক্কেতা আরো বাং·আ পাপরাংখো ফিনদাপে দন্নানি হং·আ।