1 তীমথিয় 4:13 - Garo New Testament

¹³ আংনি রি·বাখুজা দিপ্পাৎ না·আ বিবিরা·গিবারাংখো রংথালগিবা শাস্ত্রখো পড়াইএ খিন্নাদিল্লাও, আগানফ্রাকাও আরো স্খিয়েতানি কামও আন·থাংখো বিমচিপে দনবো।

1 তীমথিয় 4:13 Iomraidhean Croise

যোহননা 5:39

না·সং রংথালগিবা শাস্ত্রখো গিসিক নাংএ পড়িয়া, মুয়ানা উয়োন না·সং ফাংনাজলনি জাংগিখো মা·ন্নুয়া ইন্নে চানচিয়া। ইন্দিবা উয়া শাস্ত্রদে আংনি বিদিংওন সাক্ষি হ·ন্না;

ওয়াত্তেতারাংনা 17:11

থিষলনীকীনি যিহূদীরাংনা বাত্তে বিরয়া সংজিলমানি যিহূদীরাংনি গিসিক দাল·বিয়ামিং। বিসং ইসলনি খাৎথাখো গিসিক নাংবিএ খিন্নাএ উখো রা·চাকজক। পৌলনি আগানগিবা বিবি হং·আমা উখো নিনা ফাংনাজ্রিং বিসং শাস্ত্রও সান্দিনুয়ামিং।

রোমানরাংনা 12:8

খা·দংএতানি বিলখো জে মান·জক বিয়া খা·দংএতখানা; গিপ্পিননা হ·ন্নানি বিলখো জে মান·জক বিয়া সনথল গিসিকো হন·খানা; দাল·গিবা হং·আনি বিলখো জে মান·জক বিয়া খা·দংএ নিরিকখানা; গিপ্পিননা দাকচাকানি বিলখো জে মান·জক বিয়া গিসিকো খুসি হং·এ দাকখানা।

1ম করিন্থীয়রাংনা 14:26

জংআদারাং, ইন্দিদে আংআ মুয়াখো আগান্নুয়া? না·সং জেনসালো মন্ডলীও হা·দামসানো থম·দাকা উনো না·সংনি গিসেপো সাবা মিৎথেলে গীতখো রিং·আ, সাবা স্খিয়েতা, সাবা ইসলনি বিবিখো ফারাকা, সাবা দিংথাং খু·সুকচা খাৎথা আগানা, দা·আবা সাবা উখো ফি·এ আগানা। জেখোন দাকখানা গিম্মিকখোন মন্ডলীখো রিকনা ইন্নে দাকখানা।

1ম করিন্থীয়রাংনা 14:3

ইন্দিবা জেআন আগানসোগিবা গিত্তা আগানা বিয়া মান্দিরাংচা ইন্দাকফিল্লে খাৎথা আগানা জেআন বিসংখো রিক্কা আরো খা·দংএতা আরো খা·নাম্মেতা।

1ম করিন্থীয়রাংনা 14:6

উনি গিম্মিন জংআদারাং, আংআ না·সংচা রি·বাএ দিংথাং খু·সুকখোসান আগানোদে, ইন্দিবা উচা ইসলনি বিবিখো ফারাকানি খাৎথাখো বা হা·আইয়ানি খাৎথাখো বা আগানসোগিবা গিত্তা ইসলনি হন·গিবা খাৎথাখো বা স্খিয়ানি খাৎথাখো আগানজাওদে, ইন্দিদে আংআ না·সংনা মুয়া নাম্মাখো দাকনা মা·ন্নুয়া?

1 তীমথিয় 4:16

নাং·নি আন·থাংনি গিম্মিনো আরো নাং·নি স্খিয়ানি গিম্মিনো সিমসাকে দংবো। ইরাংখো দাকসোবো, মুয়ানা উনি গিম্মিনো না·আ আন·থাংখো রাক্ষিনা মা·ন্নুয়া আরো নাং·নি খাৎথাখো খিন্নাগিবারাংখোবা রাক্ষিনা মা·ন্নুয়া।

1 তীমথিয় 4:6

ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

2 তীমথিয় 3:15

বি·সাওনি না·আ রংথালগিবা শাস্ত্রনিখো স্নিংআ। আরো ইয়া রংথালগিবা শাস্ত্রন নাং·খো খ্রীষ্ট যীশুখো বিবিরা·আচা পাপওনি জক্কেতাখো মা·ন্নানি হা·আইয়াখো হ·ন্না মা·ন্না।

2 তীমথিয় 4:2

ইসলনি খাৎথাখো আগানফ্রাকবো; সময় হং·ওবা হং·জাওবা, ফাংনান আগানফ্রাকনা থারিসোএ দংবো; নাম্মেন চাকচিকে স্খিয়েতি মান্দিরাংনি দোসখো ফিন্নিকে হন·বো, বিসংখো সিমসাকেতবো আরো নাম্মাখো আগানবো।

তীতনা 2:15

উনি গিম্মিন চু·গিম্মিক বিলখো রা·এ না·আ ইয়া বিদিংরাংও স্খিয়েতবো, নাম্মাখো আগানবো আরো দোসখো ফিন্নিকে হন·বো। জেদাক্কে দারাংবা নাং·খো চন্নিকজা।