1 তীমথিয় 3:8 - Garo New Testament

⁸ উয়ানদাক্কে দাকচাকে হন·গিবারাংবা জেদাক্কে মান্দিরা·আখো মা·ন্না খ্রাগিবা হং·আ আরো খু·সুক চলসানি মান্দি হং·আ। বিসং জেদাক্কে চুফেকগিবা হং·জা, আরো খ্রাগিজা দাক্কে লাভ দাকনা হা·সিকজা।

1 তীমথিয় 3:8 Iomraidhean Croise

রোমানরাংনা 3:13

বিসংনি খু·সুক বাংবাং দাকগিবা গোপরাম গিত্তা দাক্কা, স্রিবাকচা বিসং রাসং দাকব্রুএ আগানা। বিসংনি খু·চিলনি নিং·আও চিপ্পুনি বিসি দংআ।

ফিলিপীয়রাংনা 1:1

তীমথিয় আরো আংআ পৌল- চিংআ খ্রীষ্ট যীশুনি নকখল হং·আ। খ্রীষ্ট যীশুমুং নাংরিমগিবা ইসলনি জে মান্দিরাং ফিলিপী সংজিলমাচা দংআ চিংআ বিসংচা আরো বিসংখো নিরক্ষিগিবারাংচা আরো বিসংনা দাকচাকে রন·গিবারাংচা চক্কিংজক।

1 তীমথিয় 3:12

দাকচাকে হন·গিবানিবা সাকসাসান জিক দংনুয়া। বিয়া জেদাক্কে নাম্মেদাক্কে বিনি বি·সারাংখো আরো নকদাংখো নিনা মা·ন্না।

1 তীমথিয় 3:2

উনি গিম্মিন নিরক্ষিগিবাখো ইন্দাকগিবা হং·না নাংনুয়া জেদাক্কে দারাংবা বিখো দোস হ·ন্না মান·জা। বিনি সাকসাসান জিক দংনুয়া। বিয়া আন·থাংখো বাম্মেতি দন্নুয়া আরো বিনি নাম্মা বিচাল-বুদ্ধি দংনুয়া। বিয়া খ্রাএ রি·নুয়া আরো সকবাগিবারাংনা দাকচাকে হ·ন্না নামনিকনুয়া। বিনি গিপ্পিনরাংনা স্খিয়েতানি বিল দংনুয়া।

1 তীমথিয় 3:3

জেদাক্কে বিয়া চুফেকগিবা আরো খা·আওনাংরাকগিবা হং·জা আরো বাত্তেসা বিনি গিসিক রিন্নকখানা আরো বিয়া নিরিগিসিজাখানা বা থাংখা-পয়সারাংনা মাদ্দুজাখানা।

1 তীমথিয় 5:23

সময়মিত্তিং না·আ জম্মাসাআও গা·আকা ইন্নে বিকমানি হা·সেল অকখিসা দাক্কে আংগুর বিৎচিখো রিংবো; চিখোসান দা·আ রিংআবো।

তীতনা 1:7

ইসলচাখো দাকনা নাংআখো মান·গিবা মান্দি গিত্তা উয়া দাল·গিবাখো ইন্দাকে হং·না নাংনুয়া জেদাক্কে দারাংবা বিখো জিনা মান·জা। জেদাক্কে বিয়া গিত্তক গ্রেং রাকগিবা, খা·আওনাংগিবা, চুফেকগিবা হং·জা। অন্যায় দাক্কে মান·দাপাও বিনি গিসিক দংজাখানা;

তীতনা 2:3

উয়ানদাক্কে বিলসি বাৎগিবা মিচিকরাংনা আগানবো, বিসংনি রি·য়ারাংও জেদাক্কে ইসলনা খা·ফাকা দংআ আরো বিসং জেদাক্কে নাম্মাখো স্খিয়া। গিপ্পিনখো জিনা বা চুফেকগিবা হং·না বিসং খ্রাজা।

যাকোব 3:10

আনচিংনি গি·সা খু·সুক গিত্তান নাম্মা আরো শাপ র·ন্নারাং হং·খাতে রি·বাআ। আংনি জংআদারাং, ইন্দাকে হং·না খ্রাজাস্রাং।

পিতর 5:2

না·সংনি গিসেপো ইসলনি জে মেষনি দল দংআ না·সং বিসংনি রাক্ষুয়াল হং·বো। নিরকখিনা নাংনুয়া ইন্নে বিসংখো নিরকনুয়া ইন্দাকে হং·জা, বাত্তেসা আন·থাংনি হা·সিকাওন উখো দাকবো, মুয়ানা ইসল না·সংচাখো ইখোন হা·ম্মা। মান·দাপনা খা·দংএ ইয়া কামখো দা·আ দাক্কাবো, ইন্দিবা হা·সিকমানচাএ দাকবো;