1 তীমথিয় 3:2 - Garo New Testament

² উনি গিম্মিন নিরক্ষিগিবাখো ইন্দাকগিবা হং·না নাংনুয়া জেদাক্কে দারাংবা বিখো দোস হ·ন্না মান·জা। বিনি সাকসাসান জিক দংনুয়া। বিয়া আন·থাংখো বাম্মেতি দন্নুয়া আরো বিনি নাম্মা বিচাল-বুদ্ধি দংনুয়া। বিয়া খ্রাএ রি·নুয়া আরো সকবাগিবারাংনা দাকচাকে হ·ন্না নামনিকনুয়া। বিনি গিপ্পিনরাংনা স্খিয়েতানি বিল দংনুয়া।

1 তীমথিয় 3:2 Iomraidhean Croise

লূকনি চকগিবা নাম্মা খাৎথা 1:6

বিসং সাকগ্মিআন ইসলনি মিক্রোনও থরমিমিং। গিত্তেলনি গিম্মিক গি·য়েতা আরো নিয়ামরাংখো বিসং খাকখেৎ দাক্কে মানিনুয়ামিং।

লূকনি চকগিবা নাম্মা খাৎথা 2:36

উয়া সময়ও হান্না মিংআ সাকসা মিচিক আগানসোগিবা দংআমিং। বিয়া আশের মা·চংনি পনূয়েলনি দেমিচিক। বিয়া নাম্মেন বুৎচুমা হং·বিজকমিং। বিলসি স্নিনা দিপ্পাৎ সেগিবামুং দংআনি জা·মানো বিলসি সৎচেতব্রিওনা দিপ্পাৎ বিয়া রান্দি হং·এ দংআমিং। থরম নকখো ওয়াত্তে বিয়া মামুংচান রি·য়াংজানুয়ামিং বাত্তেসা অকগুমিন দংএ আরো বি·এ ওয়াল সাল ইসলখো অলাখিনুয়ামিং।

রোমানরাংনা 12:13

ইসলনি মান্দিরাংনা নাংআনিরাংও দাকচাকবো। সকবাগিবারাংখো যতন রা·না খা·দংবো।

1 তীমথিয় 3:12

দাকচাকে হন·গিবানিবা সাকসাসান জিক দংনুয়া। বিয়া জেদাক্কে নাম্মেদাক্কে বিনি বি·সারাংখো আরো নকদাংখো নিনা মা·ন্না।

1 তীমথিয় 3:8

উয়ানদাক্কে দাকচাকে হন·গিবারাংবা জেদাক্কে মান্দিরা·আখো মা·ন্না খ্রাগিবা হং·আ আরো খু·সুক চলসানি মান্দি হং·আ। বিসং জেদাক্কে চুফেকগিবা হং·জা, আরো খ্রাগিজা দাক্কে লাভ দাকনা হা·সিকজা।

1 তীমথিয় 4:3

বিসং মান্দিখো বিয়াজাখানা গি·য়েতা আরো মিত্তাম চা·আরাংখো নিমখানা আগানা। ইন্দিবা বিবিরা·গিবারাং, জেরাং ইসলনি বিবিখো হা·আইজক, বিসং জেদাক্কে মিৎথেলে চা·আ উনি গিম্মিনান ইয়া চা·আরাংখো ইসল থারিজক।

1 তীমথিয় 5:10

ইনাআগ্রেবা নাম্মা কামনা বিনি মিংসিংআ দংনা নাংনুয়া। ইন্দাকা নাম্মা কামরাংও দংআ - বি·সা-আংদিরাংখো নিরকা, চাচ্চি সকবাগিবারাংনা দাকচাকে হ·ন্না, ইসলনি মান্দিরাংনি জা·চকখো সু·গালে হ·ন্না, জেরাং দুকও গা·আকা বিসংনা দাকচাকা, আরো দিংথাং নাম্মা কামরাংও দংফা।

1 তীমথিয় 5:22

থেংরি দাক্কে সানিবা সাক্কাও জাক দন্নে সাকসাখো মামুং কামনা দা·আ থিক দাক্কাবো। গিপ্পিনরাংনি পাপ দাক্কাও বিসংমুং দা·আ দংফাবো। আন·থাংখো খাকখেৎ দনবো।

1 তীমথিয় 5:9

রান্দি মিচিকরাংনি বিমুংও সাকসা রান্দি মিচিকনি বিমুংখো রা·চাপনা স্খাং ইখো নিনা নাংনুয়া, বিনি বিলসি সতদক হং·আমা আরো বিয়া সেগিবানি বিবিরা·না খ্রাগিবা হং·আমিংমা।

2 তীমথিয় 2:24

জেআন গিত্তেলনি নকখল হং·আ, বিনি নিরিনা নাংজা, বাত্তেসা বিনি গিম্মিকনা খা·সাচাকনা নাংআ। বিনি গিপ্পিনরাংনা স্খিনা বিল আরো চাক্কানি গুণ দংনা নাংনুয়া।

তীতনা 2:2

জেরাং বুদেফা, বিসংনা আগানবো জেদাক্কে বিসং গিম্মিকনি বিদিংও আন·থাংথাংখো বাম্মেতে দন্না; জেদাক্কে বিসং মান্দিরা·আখো মা·ন্না খ্রাগিবা হং·আ; জেদাক্কে বিসংনি নাম্মা বিচাল দাক্কানি বুদ্ধি দংআ, বিবিখো বিবিরা·আ, খা·সাআ আরো চাকচিকানি গুণ দংআ।

ইব্রীয়রাংনা 13:2

সকবাগিবারাংখো যতন রা·না দা·আ গুয়ালা; সাবা সাবা হা·আইগিজান ইন্দাকে সাগ্রেরাংখো যতন রা·জক।

ইব্রীয়রাংনা 3:14

মুয়ানা স্খাং জে খাকখেৎ খা·দংআ আনচিংনি দংআমিং, আনচিং উয়ো বন·খামাওনা দিপ্পাৎ খেম·খেমে দংওদে নিকনা মা·ন্নুয়া, আনচিং খ্রীষ্টমুং মান·রিকফাগিবা হং·জক।

পিতর 4:7

দা·আও গিম্মিকনি বন·খামগিবা সাল সেফাংজক। উনি গিম্মিন না·সংনি গিসিকখো খেম·খেম দনবো আরো আন·থাংথাংখো বাম্মেতে দনবো জেদাক্কে বি·না মা·ন্না।

পিতর 4:9

মামুং মাংমেংআখো ফিন্নিকগিজা না·সং সাকসা সাকগিপ্পিনখো সকবাগিবা গিত্তা রা·চাকবো।

পিতর 5:8

আন·থাংথাংখো বাম্মেতে দনবো আরো সিমসাকে দংবো, মুয়ানা না·সংনি বোবিল শয়তান গাম·গিবা সিংহ গিত্তা দাক্কে সাখো চা·এ গালনুয়া উখো সান্দিয়ে রমিংজক।