1 তীমথিয় 1:4 - Garo New Testament

⁴ বিসংনা ইন্দাকেবা গি·য়েৎবো জেদাক্কে বিসং গল্প আগানারাংও আরো দাল·বিয়া মা·চংরাংও গিসিক হন·জা। ইরাং ইসলনি কামখো গাল্লে বাং·আ জিগ্রিকানিরাংখো থারিয়া ইন্দিবা ইসল বাদিকে দাক্কে বিনি কামখো চালাইয়া উখো বিবিরা·আচা হা·আইনা মা·ন্না।

1 তীমথিয় 1:4 Iomraidhean Croise

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

ইফিষীয়রাংনা 3:2

না·সং ইখো খিন্নাবিবিজকান, ইসল বিনি খা·সাচাক্কানি নিয়ামখো হা·আইএতানি কামখো আংনা ফাকওয়াতজক।

1 তীমথিয় 3:16

খ্রীষ্টান থরমখো বিবিরা·আনি নিং·থুয়া বিবি দাল·বাতা হং·আ উখো জেগালনা মান·জা। উয়া বিবি ইয়ান- বিয়া মান্দি হং·এ ফারাকজক; বিয়া দোসগ্রি গিসিক রংথালগিবা ইখো ফিন্নিকজক; সা·গ্রেরাং বিখো নিক্কামিং; গিম্মিক জাতরাংচা বিনি গিম্মিনো আগানফ্রাকামিং; হা·গিলসাকো বিখো মান্দিরাং বিবিরা·আমিং; সালগিও বিখো রাসংমুং দি·দোএ রা·আংআমিং।

1 তীমথিয় 4:7

ইসলখো রা·এ অলাখিগ্রি গল্পরাংওনি চে·ল্লে দংবো; উরাংদে বুৎচুমারাংনি বানাইয়া গল্পরাং গিত্তা হং·আ। বাত্তেসা ইসলখো অলাখিনা দাকবো।

1 তীমথিয় 6:11

ইন্দিবা না·আদে ইসলনি মান্দি; ইরাংওনি না·আ খাতবো। খাকখেৎ জাংগি, অলাখিয়া, বিবিরা·আ, খা·সাআ, চাকচিকা আরো রিন্নকা গিসিক-বেওয়ালনা গিসিক নাংবো।

1 তীমথিয় 6:20

ও তীমথিয়, জেখো রাক্ষিনা নাং·না হন·জক উখো নাম্মেদাক্কে রাক্ষিবো। বু·আ হা·আইয়ানি খা·ফাকাগ্রি হং·গিজা-নাংগিজা খাৎথাওনি আরো স্খিয়াওনি চে·ল্লে দংবো।

2 তীমথিয় 2:14

ইয়া খাৎথারাংখো মান্দিরাংনা গিসিক রা·এতবো। ইসলনি মিকখাংও বিসংখো সিমসাকেতবো জেদাক্কে বিসং হং·গিজা-নাংগিজা খু·সুকখো রা·এ জিগ্রিকজা। ইনি মামুং দামআন দংজা, বাত্তেসা জেরাং উখো খিন্নাআ বিসংখো উয়া ব·ন্নেতা।

2 তীমথিয় 2:22

ফান্থি চাসংনি নামগিজা হা·সিকাওনি না·আ খাৎবো আরো জেরাং খাকখেৎ খা·থংও গিত্তেলখো রিক্কামা বিসংমুং নামগিবা জাংগিনা, বিবিরা·না, খা·সানা আরো থম·থমানা গিসিক নাংবো।

2 তীমথিয় 2:23

হং·গিজা-নাংগিজা, গক্কা জিগ্রিকাও দা·আ দংফাবো, মুয়ানা না·আদে হা·আইয়া উরাং নিরিয়া-গিসিয়াখো থারিয়া।

2 তীমথিয় 4:4

বিসং ইসলনি বিবিখো খিন্নাগিজা গল্পখো খিন্নানা হাম·নুয়া।

তীতনা 1:1

আংআ পৌল ইসলনি নকখল আরো যীশু খ্রীষ্টনি সাকসা ওয়াত্তেতা হং·জক, জেদাক্কে আংআ ইসলনি বাচ্ছিয়ে রা·গিবা মান্দিরাংখো বিবিরা·আনি রামাচানা রিমবানা মা·ন্না, আরো ইসলনা বাম্মামুং জে বিবি দংফা উয়া বিবিখো হা·আইখানা বিসংনা দাকচাকনা মা·ন্না।

তীতনা 1:14

আরো যিহূদীরাংনি গল্প আগানারাংও আরো জেরাং ইসলনি বিবিওনি ফি·ল্লাংজক বিসংনি গি·য়েতাও নাচিল রন·জাখানা।

তীতনা 3:9

জাদা গিত্তা জিগ্রিকা, মা·চং চান্না, নিরিয়া-গিসিয়া আরো নিয়ামরাংখো রা·এ জিগ্রিকাওনি না·আ চে·ল্লাচা দংবো, মুয়ানা ইরাংখো দাক্কে মামুং হং·জানুয়া; ইরাং গিম্মিকান বু·আরি-সু·আরি হং·আ।

ইব্রীয়রাংনা 13:9

বাং·আ গিত্তাল গিত্তাল স্খিয়া জেদাক্কে না·সংখো ব্রাংগিবা রামাচানা রা·আংজা। আনচিংনি গিসিক ফাকওয়াতগিবা চা·আনি সাক্কাও দংগিজা জেদাক্কে ইসলনি খা·সাচাক্কানি সাক্কাও খিম·খিম দংআ। জেরাং উয়া চা·আনি সাক্কাও ফাংচাকে রি·নুয়ামিং, উয়া চা·আওনি বিসংনি মামিং লাভ হং·জা।

২ পিতর 1:16

আনচিংনি গিত্তেল যীশু খ্রীষ্টনি বিল আরো বিনি রি·বাখো না·সংচা আগান্না রি·য়াংএ চিংআ মামুং বানাইগিবা গল্পখো আগানজা; চিংআ বিনি রাসংখো আন·থাংনি মিক্রোনোন নিকজক।