1 তীমথিয় 1:3 - Garo New Testament

³ ম্যাসিডোনিয়াচা রি·য়াংমিত্তিংও আংআ নাং·না জেখো আগানামিং দা·আওবা উখোন আগানিংজক- না·আ ইফিষ সংজিলমাওন দংবো, জেদাক্কে মিত্তাম মান্দিরাংখো গি·য়েৎনা মা·ন্না জেদাক্কে বিসং আরবা ব্রাংগিবা স্খিয়াখো স্খিয়েতজা।

1 তীমথিয় 1:3 Iomraidhean Croise

ওয়াত্তেতারাংনা 18:19

ইফিষ সংজিলমাও সক্কে বিয়া প্রিষ্কিল্লা আরো আকিলামুং রি·রিম্মাখো ওয়াতজক। জা·মানো বিয়া আন·থাংআন থম·দাকরামচা রি·য়াংএ যিহূদীরাংমুং যীশুনি গিম্মিন আগান্না হা·বাচেংজক।

ওয়াত্তেতারাংনা 18:21

ইন্দাকোবা উয়োনি রি·য়াংমিত্তিংও বিয়া আগানজক, “ইসলনি হা·সিকা দংওদে আংআ দা·আবা রি·বাফিলনুয়া।” জা·মানো বিয়া ইফিষওনি জাহাসও দাক্কে রি·য়াংজক।

রোমানরাংনা 15:26

মুয়ানা যিরূশালেমো দংগিবা ইসলনি মান্দিরাংনি গিসেপো জে দিল্লা-চন্না মান্দিরাং দংআ বিসংনা ম্যাসিডোনিয়া আরো আখায়ানি মন্ডলীরাংনি মান্দিরাং অকখিসা থাংখা গিলজক।

রোমানরাংনা 16:17

জংআদারাং, না·সং জে স্খিয়াখো মান·জক উনি ফাংফিল্লে স্খিয়াখো হ·ন্নে জেরাং দল থারিয়া আরো চাংফেংআখো থারিয়া, বিসংখো নিরকনা আংআ না·সংখো মংসংবাত্তে মল·মলিংজক। না·সং বিসংচানি চে·ল্লে দংবো,

2য় করিন্থীয়রাংনা 11:4

জে যীশুনি খাৎথাখো চিংআ আগানফ্রাকজক সাবা বিনা আগ্রে গিপ্পিন যীশুনি খাৎথাখো না·সংচা আগানফ্রাকোদে, বা জে গিসিক রংথালগিবাখো না·সং মান·জক বিনা আগ্রে দিংথাং দাকগিবা গিসিকখো না·সং মা·ন্নোদে, বা জে নাম্মা খাৎথাখো না·সং রা·চাকজক উনা আগ্রে দিংথাং দাকগিবা নাম্মা খাৎথাখো না·সং মা·ন্নোদে, খুসি হং·এন উরাংখো মানিয়ে রা·আ।

ইফিষীয়রাংনা 4:14

মান্দিরাং নামগিজা বুদ্ধিচা গিপ্পিনরাংখো ব্রাংআ রামাচানা রা·আংনা জে ব্রাংগিবা স্খিয়াখো স্খিয়েতা, উয়া ব্রাংগিবা স্খিয়াও আনচিং বালওয়াও ফকফেকা গিত্তা ইচা-উচা দাকজানুয়া।

ফিলিপীয়রাংনা 2:24

ইন্দাকোবা আংআ গিত্তেলনি সাক্কাও ইন্দাকে বিবিরা·আ, থেংরিন আংআবা রি·বানা মা·ন্নুয়া।

1 তীমথিয় 4:11

না·আ ইরাংনি গিম্মিনো গি·য়েৎবো আরো স্খিয়েতবো।

1 তীমথিয় 4:6

ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

1 তীমথিয় 5:7

ইরাংনি গিম্মিন গি·য়েৎবো জেদাক্কে দারাংবা বিসংখো দোস হ·ন্না মান·জা।

1 তীমথিয় 6:10

থাংখা-পয়সানা নামনিকা হং·জক নামগিজা গিম্মিকনি জা·থিং। বাং·আরাংএন থাংখা-পয়সানা মাদ্দুয়ে খ্রীষ্টান থরমখো বিবিরা·আওনি জিত্তাংএ আন·থাংথাংনি সাক্কাও বাং·আ দুকরাংখো রিংগামে রা·বাজক।

1 তীমথিয় 6:17

জেরাং ইয়া হা·গিলসাকো মা·ন্নে চা·আ বিসংনা ইন্দাকে গি·য়েৎবো জেদাক্কে বিসং গাং·বিংগিজা আরো গামরাংনি সাক্কাও ফাংচাকগিজা ইসলনি সাক্কাও ফাংচাকা। বিয়ান গিম্মিকখো জাকস্রামে আনচিংনা হ·ন্না।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

2 তীমথিয় 1:18

ইফিষও বাদিকে দাক্কে বিয়া আংনা হালদুজক উখো না·আ নাম্মেদাক্কে হা·আইয়া। গিত্তেল দাকখানা, জেদাক্কে খ্রীষ্টনি রি·বানি সালো বিয়া গিত্তেলচাখো খা·সাচাক্কাখো মা·ন্না।

2 যোহন 1:7

হা·গিলসাকো ইন্দাকা বাং·আ মান্দি হং·খাতজক জেরাং দাক্কামব্রুএ রওমিংআ। যীশু খ্রীষ্ট মান্দি হং·এ রি·বামিং বিসং উখো খু·রাচাকজা। ইন্দাকা মান্দিরাংআন দাক্কামব্রুগিবা আরো খ্রীষ্টনি বোবিল হং·আ।

ফারাকগিবা খাৎথা 2:14

ইন্দাকোবা নাং·নি সাক্কাও আংনি মামুং আগানানি দংআ। নাং·নি উচা ইন্দাকগিবা মান্দিরাং দংআ জেরাং বিলিয়মনি স্খিয়া গিত্তা রি·য়া। বালাক রাজানা বিলিয়ম স্খিয়েতামিং জেদাক্কে বিয়া মিত্তে বিমাংনা চিনগিবা চা·আখো চা·আচা আরো থি·ল্লেকাচা ইস্রায়েলরাংখো পাপচানা রা·আংআ।

ফারাকগিবা খাৎথা 2:20

ইন্দাকোবা নাং·নি সাক্কাও আংনি ইয়া খাৎথাখো আগানানি দংআ, না·আ ঈষেবল মিংগিবা উয়া মিচিকনি খ্রাগিজা দাক্কাখো চাক্কিংজক। ইয়া ঈষেবল আন·থাংখো আগানসোগিবা ইন্নে আগানা। বিনি স্খিএতাচা বিয়া আংনি নকখলরাংখো ব্রাংএতা জেদাক্কে বিসং থি·ল্লেকা আরো মিত্তে বিমাংনা চিন·গিবা চা·আখো চা·আ।