1 তীমথিয় 1:15 - Garo New Testament

¹⁵ ইয়া খাৎথা বিবিরা·না খ্রাআ আরো রা·চাকনাবা খ্রাআ, পাপওনি পাপীরাংখো জক্কেৎনা ইন্নেন খ্রীষ্ট যীশু হা·গিলসাকো রি·বামিং। উয়া পাপীরাংনি গিসেপো আংআন দাল·গিবা।

1 তীমথিয় 1:15 Iomraidhean Croise

মথিনি চকগিবা নাম্মা খাৎথা 1:21

না·আ বিনি বিমুংখো যীশু মিংবো, মুয়ানা বিয়া আন·থাংনি মান্দিরাংখো বিসংনি পাপরাংনিখো জক্কেৎনুয়া।’’

মথিনি চকগিবা নাম্মা খাৎথা 18:10

“নিবো, ইয়া চনগিবারাংওনি সাকসাখোবা না·সং জেদাক্কে চন্নিকজা। আংআ না·সংনা আগানিংআ, সালগিও বিসংনি সা·গ্রেরাং ফাংনান সালগিও দংগিবা আংনি ফানি মিকখাংখো নিক্কিংআ।

মথিনি চকগিবা নাম্মা খাৎথা 18:11

“ব্রাংগিবাখো জক্কেৎনা মান্দিনি দেফান্থি রি·বাআ। না·সং বাদিকে চানচিয়া?

মথিনি চকগিবা নাম্মা খাৎথা 20:28

গিসিক রা·বো, মান্দিনি দেফান্থি দাকচাকে হ·ন্নাখো মা·ন্না রি·বাজা ইন্দিবা দাকচাকে হ·ন্নাসা রি·বাআ আরো বাং·বিয়া মান্দিরাংখো পাপওনিখো জক্কেৎনা ইন্নে বিসংনি জাংগিনি ফাল আন·থাংনি জাংগিখো হন·চাকনা রি·বাজক, ইখো গিসিক রা·বো।”

মথিনি চকগিবা নাম্মা খাৎথা 9:13

‘আংআ খা·সাচাক্কাখো নিকনা হা·ম্মা, বলি হ·ন্নাখো হং·জা’-রংথালগিবা শাস্ত্রনি ইয়া খাৎথানি অর্থ মুয়া, উখো রি·য়াংএ সান্দিবো। আংআ থরমিরাংখো রিক্কামনা রি·বাজা ইন্দিবা পাপীরাংখোসা রিক্কামনা রি·বাআ।’’

মার্ক 2:17

যীশু উখো খিন্নাএ উয়া শাস্ত্র স্খিগিবারাংনা আগানজক, ‘‘নামগিবা মান্দিরাংনা ডাক্তার নাংজা, সাগিবারাংনাসা নাংআ। আংআ থরমিরাংখো রিক্কামনা রি·বাজা, ইন্দিবা পাপীরাংখোসা রিক্কামনা রি·বা।’’

লূকনি চকগিবা নাম্মা খাৎথা 15:2

উনি গিম্মিন ফরীশীরাং আরো শাস্ত্র স্খিগিবারাং ইখো আগানে খা·আওনাংনা হা·বাচেংজক, “ইয়া মান্দিদে নামগিজা মান্দিরাংমুং দংরিমা আরো চা·রিমা।”

লূকনি চকগিবা নাম্মা খাৎথা 19:10

গিম্মাগিবারাংখো সান্দিনা আরো পাপনিখো জক্কেৎনান মান্দিনি দেফান্থি রি·বাজক।”

লূকনি চকগিবা নাম্মা খাৎথা 5:32

পাপওনি গিসিক ফি·ল্লেতনা আংআ থরমিরাংখো রিক্কামনা রি·বাজা ইন্দিবা পাপীরাংখোসা রিক্কামনা রি·বাআ।”

যোহননা 1:12

ইন্দিবা বিখো বিবিরা·এ রা·চাকগিবা সাকফ্রাকফ্রাকখোন বিয়া ইসলনি দে হং·খানা বিলখো হন·জক।

যোহননা 1:29

উনি সাল সাও যোহন যীশুখো আন·থাংচানা রি·বাখো নিক্কে আগানজক, “হাইওয়া নিবো ইসলনি মেষ বি·সা, জেআন মান্দিনি গিম্মিক পাপখো হা·রিকা।

যোহননা 12:47

আংনি খাৎথাখো খিন্নাএ উগিত্তা রি·জাওদে আংআ আন·থাং বিখো বিচাল দাকজা, মুয়ানা আংআ মান্দিখো দোস গ্মাং ইন্নে ফিন্নিকনা রি·বাজা ইন্দাকোবা মান্দিখো পাপনিখো জক্কেৎনাসা রি·বাআ।

যোহননা 3:36

জেআন দেফান্থিখো বিবিরা·আ বিয়া উনোন ফাংনাজলনি জাংগিখো মা·ন্না, ইন্দিবা দেফান্থিখো মানিগিজাগিবা উয়া জাংগিখো মামুং সালোবা মান·জানুয়া, ইন্দিবা ইসলনি খা·আওনাংআ বিনি সাক্কাও দংখামনুয়া।

ওয়াত্তেতারাংনা 11:1

গিপ্পিন জাতরাংবা ইসলনি খাৎথাখো বিবিরা·জক উখো ওয়াত্তেতারাং আরো গিম্মিক যিহূদিয়ানি বিবিরা·গিবা জংআদারাং খিন্নাজক।

ওয়াত্তেতারাংনা 11:18

ইয়া খাৎথাখো খিন্নাএ যিহূদিয়ানি বিবিরা·গিবারাং জিচাকগিজা ইসলখো রাসং চাএতে আগানজক, “ইন্দাকোদে ইসল গিপ্পিন জাতরাংখোবা জাংগি মান·খানা পাপওনি গিসিক ফিল·না চল হন·জক।”

ওয়াত্তেতারাংনা 3:26

না·সং গিম্মিকখো নামগিজা রামানিখো রা·বাএ ফাত্তিনা গিম্মিনান ইসল বিনি নকখল যীশুখো থারিয়ে স্খাং না·সংচা ওয়াত্তেতামিং।”

রোমানরাংনা 11:14

ইনি গিম্মিন জেদাক্কে আংআ আন·থাংনি জাতস্খানি মান্দিরাংনি হা·সিকাখো মিকরাকেতি বিসংওনি মিত্তাম মান্দিরাংখো জক্কেৎনা মা·ন্না।

রোমানরাংনা 5:6

জেনসালো আনচিং বিলগ্রিমিং উনসালো খ্রীষ্ট ইসলনা খা·ফাকগিজা মান্দিনা, আগানস্খাওদে আনচিংনা সিচাকজক। খাকখেৎগিবা মান্দিনা সাকসাবা সিচাকজা ইন্নে আগানোন চলিয়া।

1ম করিন্থীয়রাংনা 15:9

আংআন ওয়াত্তেতারাংনি গিসেপো চনবাৎগিবা, আরোবা, ওয়াত্তেতা ইন্নে সানিবা রিক্কামাখো মা·ন্নাবা আংআ খ্রাজা, মুয়ানা ইসলনি মন্ডলীখো আংআ গিচ্চিয়েৎনুয়ামিং।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

1 তীমথিয় 1:13

স্খাংও আংআ খ্রীষ্টখো খাল·স্থাপনুয়ামিং আরো গিচ্চিয়েৎগিবা আরো খা·গ্রাকগিবা হং·আমিং ইন্দাকোবা বিয়া আংখোন ইয়া কামনা বাচ্ছিয়ে রা·জক। বিয়া আংনা খা·সাচাকজক, মুয়ানা আংনি বিবিরা·গিজানা আংআ হা·আইগিজান উরাংখো দাকনুয়ামিং।

1 তীমথিয় 1:19

আরো উমুং বিবিরা·আখো আরো নাম্মা চানচিয়াখো রাক্ষিবো। মিত্তাম মান্দিরাং নাম্মা চানচিয়ানি খাৎথাখো খিন্নাচাকগিজা বিসংনি বিবিরা·আখো নাসিয়েতা।

1 তীমথিয় 3:1

ইয়া খাৎথাখো বিবিরা·না খ্রাআ, সাবা মন্ডলীখো নিরক্ষিগিবা হং·না হা·ম্মোদে বিয়া নাম্মা কামখোন দাকনা হা·সিকা।

1 তীমথিয় 4:9

ইয়া খাৎথা বিবিরা·না খ্রাগিবা আরো চু·গিম্মিক দাক্কে রা·চাকনাবা খ্রাগিবা হং·আ।

1 তীমথিয় 6:13

ইসল জেআন গিম্মিকনা জাংগিখো হ·ন্না আরো খ্রীষ্ট যীশু, জেআন পন্তীয় পিলাতনি মিকখাংও বিবিনি গিম্মিনো সাক্ষি হ·ন্নামিং, উয়া ইসল আরো খ্রীষ্ট যীশুনি মিকখাংও আংআ নাং·না ইখো গি·য়েতিংজক-

2 তীমথিয় 2:11

ইয়া খাৎথা বিবিরা·না খ্রাআ, খ্রীষ্টমুং আনচিং সিয়ে দংওদে, বিমুংআন আনচিং থাংএবা দংনুয়া।

তীতনা 3:8

ইয়া খাৎথা বিবিরা·না খ্রাগিবা হং·আ। আংআ হা·ম্মা, না·আ ইয়া বিদিংরাংও দিংচিকবো, জেদাক্কে ইসলখো জেরাং বিবিরা·জক বিসং গিপ্পিনরাংনা দাকচাকানি কামও আন·থাংথাংখো বিমচিপাও দন্না গিসিক র·ন্না। মান্দিরাংনা ইয়ারাং নাম্মা আরো দাকচাকানি হং·আ।

ইব্রীয়রাংনা 7:25

ইনি গিম্মিন জেরাং বিগিত্তা ইসলচা রি·বাআ বিসংখো বিয়া চু·গিম্মিক দাক্কে জক্কেৎনা মা·ন্না, মুয়ানা বিসংনা মল·মলচাকনা বিয়া ফাংনান থাংএ দংআ।

1 যোহন 3:5

না·সংদে হা·আইয়া, আনচিংনি পাপখো হা·রিকনা ইন্নেন খ্রীষ্ট ফারাকামিং। খ্রীষ্টও মামুং পাপ দংজা। জেরাং খ্রীষ্টও দংআ বিসং পাপও গা·আকে দংজা।

1 যোহন 3:8

জেআন পাপ দাক্কেন দংআরিয়া বিয়া শয়তাননি হং·আ, মুয়ানা শয়তান স্খাংওনিন পাপ দাক্কে রি·বাংজক। শয়তাননি কামখো ব·ন্নেতনা ইন্নেন ইসলনি দেফান্থি ফারাকামিং।

1 যোহন 5:11

উয়া সাক্ষি ইয়ান, ইসল আনচিংনা ফাংনাজলনি জাংগিখো হন·জক আরো উয়া জাংগি বিনি দেফান্থিও দংআ।

ফারাকগিবা খাৎথা 21:5

জেআন উয়া সিংহাসনও আসংএ দংআমিং বিয়া আগানজক, “নিবো, আংআ গিম্মিকখোন গিত্তাল দাক্কে থারিংজক।” জা·মানো বিয়া দা·আবা আগানজক, “ইয়া খাৎথাখো লিক্ষিবো, মুয়ানা ইয়া খাৎথারাং বিবিরা·না খ্রাগিবা আরো বিবি হং·আ।”

ফারাকগিবা খাৎথা 22:6

জা·মানো উয়া সা·গ্রে আংনা আগানজক, “ইয়া খাৎথারাং বিবিরা·না খ্রাগিবা আরো বিবি হং·আ। গিত্তেল ইসল, জেআন আগানসোগিবারাংনি গিসেপো খাৎথা আগানামিং বিয়া বিনি সা·গ্রেখো ওয়াত্তেতজক, জেদাক্কে মিত্তাম সালনি গিসেপো জেরাং হং·না রি·য়াংইংজক উখো উয়া সা·গ্রে বিনি নকখলরাংনা ফিন্নিকনা মান·না।”

ফারাকগিবা খাৎথা 5:9

বিসং ইয়া গিত্তাল গীতখো রিং·আমিং: “না·আন উয়া খি·তাপখো রা·এ উনি সীলমোহররাংখো এংনা খ্রাগিবা, মুয়ানা নাং·খো স·ওতে গাল্লা হং·জকমিং। না·আন নাং·নি হান·চিচা গিম্মিক মা·চং, খু·সুক, হা·সং আরো জাতরাংওনি মান্দিরাংখো ইসলনা ব্রিজক।