1 তীমথিয় 1:13 - Garo New Testament

¹³ স্খাংও আংআ খ্রীষ্টখো খাল·স্থাপনুয়ামিং আরো গিচ্চিয়েৎগিবা আরো খা·গ্রাকগিবা হং·আমিং ইন্দাকোবা বিয়া আংখোন ইয়া কামনা বাচ্ছিয়ে রা·জক। বিয়া আংনা খা·সাচাকজক, মুয়ানা আংনি বিবিরা·গিজানা আংআ হা·আইগিজান উরাংখো দাকনুয়ামিং।

1 তীমথিয় 1:13 Iomraidhean Croise

লূকনি চকগিবা নাম্মা খাৎথা 12:47

“নকগিবানি হা·সিকাখো হা·আইএবা উগিত্তা থারিয়ে দংসোগিজাগিবা বা নকগিবানি হা·ম্মা গিত্তা দাকসোগিজাগিবা নকখলখোদে নাম্মেন দক্কা চা·না নাংনুয়া।

লূকনি চকগিবা নাম্মা খাৎথা 23:34

উনোন যীশু আগানজক, “আপফা, ইরাংখো ক্ষেমা দাকবো, মুয়ানা ইরাং মুয়াখো দাক্কিংআ উখো হা·আইজা।” বিসং লটারি খা·ল্লে যীশুনি বা·রারাংখো আন·থাংথাংও সুআলে রা·জক।

ওয়াত্তেতারাংনা 22:4

যীশুনি রামাও জেরাং রি·নুয়ামিং বিসংখো আংআ গিচ্চিয়েতি বাং·আরাংখোন স·ওতে গালনুয়ামিং আরো মি·আসা আরো মিচিকরাংখো রি·ম্মে জেলো দন্নুয়ামিং।

ওয়াত্তেতারাংনা 3:17

“দা·আও জংআদারাং, না·সংনি দাল·গিবারাং গিত্তা না·সংবা হা·আইগিজান যীশুখো চিসলো দাৎখাপামিং।

ওয়াত্তেতারাংনা 8:3

ইন্দিবা শৌল উয়া মন্ডলীখো ব·ন্নেতনা নকরাংচা রি·য়াংএ উয়া মন্ডলীনি মি·আসা আরো মিচিকরাংখো সাল্লে রা·বাএ জেলো দনজক।

ওয়াত্তেতারাংনা 9:1

উয়া সময়ও শৌল গিত্তেলনি জা·রিকগিবারাংখো স·ওতে গালনুয়া ইন্নে খেন্নেতিংআমিং। দামেস্ক সংজিলমানি থম·দাকরামরাংও হ·ন্না ইন্নে বিয়া খামাল দাল·বাৎগিবারাংচা রি·য়াংএ চিঠি হাম·জক। যীশুনি রামাও রি·গিবা মান্দি গিম্মিকখো মি·আসাবা হং·খানা মিচিকসাবা হং·খানা, বিসংখো মান·জোকনো জেদাক্কে বিসংখো খায় যিরূশালেমচা রা·বানা মা·ন্না উয়া বিলনান বিয়া উয়া চিঠিখো হা·ম্মামিং।

ওয়াত্তেতারাংনা 9:13

অননিয় আগানজক, “গিত্তেল, আংআ বাং·আ মান্দিরাংচা ইয়া মান্দিনি গিম্মিন ইন্দাকে খিন্নাজক, যিরূশালেমো বিয়া নাং·নি মান্দিরাংখো বাসিক গিচ্চিয়েতজক।

ওয়াত্তেতারাংনা 9:5

শৌল সিং·জক, “গিত্তেল, না·আ সা?”

1ম করিন্থীয়রাংনা 15:9

আংআন ওয়াত্তেতারাংনি গিসেপো চনবাৎগিবা, আরোবা, ওয়াত্তেতা ইন্নে সানিবা রিক্কামাখো মা·ন্নাবা আংআ খ্রাজা, মুয়ানা ইসলনি মন্ডলীখো আংআ গিচ্চিয়েৎনুয়ামিং।

1ম করিন্থীয়রাংনা 7:25

মি·থ্রারাংনি গিম্মিনো গিত্তেলচানিখো আংআ মামুং গি·য়েতাখো মান·জা। ইন্দিদে ইসলনি খা·সাচাক্কাখো মা·ন্নে আংআ বিবিরা·না খ্রাগিবা হং·জক ইন্নে আংনি হা·সিকাখো আগানিংজক।

গালাতীয়রাংনা 1:13

যিহূদী থরমখো মানিমিত্তিংও আংআ বাদিকে দাক্কে জাংগি মিৎথাংনুয়ামিং না·সং উখো খিন্নাজক। আরো না·সং ইখোবা খিন্নাজক, বাদিকে বিল্লংএন আংআ ইসলনি মন্ডলীরাংখো গিচ্চিয়েতনুয়ামিং আরো উখো ব·ন্নেতনা হাম·নুয়ামিং।

ফিলিপীয়রাংনা 3:6

থরমনি বিদিংও আংআ ইন্দাকে বিমচিপামিং, খ্রীষ্টনি মন্ডলীখো আংআ গিচ্চিয়েতনুয়ামিং; আরো ইসলনি রা·চাকনা খ্রাগিবা হং·না খা·দংএ মোশিনি নিয়াম মানিয়াও দারাংবা আংখো জিনা মান·জানুয়ামিং।

1 তীমথিয় 1:16

আরো উনি গিম্মিনান ইসল আংনা খা·সাচাকজক, জেদাক্কে দাল·গিবা পাপী আংআ, আংওন খ্রীষ্ট যীশু বিনি বন·চাংগিজা চাকচিকাখো ফিন্নিকনা মা·ন্না। বিখো বিবিরা·আনি গিম্মিনো জেরাং ফাংনাজলনি জাংগিখো মা·ন্নুয়া বিসং জেদাক্কে আংখো নিক্কে স্নিংনা মা·ন্না উনি গিম্মিনান বিয়া আংনা ইন্দাকে দাকজক।

ইব্রীয়রাংনা 4:16

উনি গিম্মিন হাই, আনচিং খেনগিজা ইসলনি খা·সাচাক্কানি সিংহাসননি মিকখাংচা রি·য়াংনা, জেদাক্কে নাংআনি সময়ও উয়োনি আনচিং বিনি খা·সানিক্কাখো আরো খা·সাচাক্কাখো মা·ন্না।

পিতর 2:10

সালসাদে না·সং ইসলনি মান্দি হং·জামিং, ইন্দিবা দা·আওদে হং·জক; সালসাদে না·সং খা·সাচাক্কাখো মান·জামিং, ইন্দিবা দা·আওদে মান·জক।