1 তীমথিয় 1:10 - Garo New Testament

¹⁰ জেরাং থি·ল্লেকা, জেরাং মি·আসা-মি·আসাস্খা মিচিক-মিচিকস্খামুং নামগিজাখো দাক্কা, জেরাং নকখল-বাদিংআনি কামখো দাক্কা, জেরাং বু·এ খু·সুক আগানা আরো বু·আখো সাক্ষি হ·ন্না, আরো জেরাং বিবিগিবা স্খিয়ানি সাক্কাও দিংথাং কামখো দাক্কা।

1 তীমথিয় 1:10 Iomraidhean Croise

যোহননা 8:44

শয়তানআন না·সংনি ফাগিবা হং·আ আরো না·সং বিনিআন দেদ্রাং হং·আ; উনি গিম্মিন না·সং বিনি হা·সিকাখো চু·সকেতনা হা·ম্মা। শয়তান হা·বাচেংওনিন মান্দি স·ওতগিবা হং·আ। বিয়া মামুং সালোবা বিবিও দংখামজামিং, মুয়ানা বিও বিবি দংজা। বিয়া বু·এ আগানজোকনো আন·থাংওনিন আগানা, মুয়ানা বিয়া বু·এ চা·গিবা আরো গিম্মিক বু·আ বিওনিন আৎচিয়া।

রোমানরাংনা 1:26

মান্দি ইরাংখো দাকজক ইন্নে ইসল খ্র্রাচা·আগ্মাং হা·সিকারাংও বিসংখো ওয়াত্তেতজক। মিচিকসারাংবা মি·আসারাংমুং বিসংনি দাকনা নাংআ গিত্তা বেওয়ালরাংখো দন্নে সাকগিপ্পিন মিচিকসারাংমুং দাকনাংগিজা গিত্তা খ্রাগিজা কামখো দাকজক।

1 তীমথিয় 4:6

ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

1 তীমথিয় 6:3

সাবা দিংথাং দাক্কে স্খিওদে আরো খাকখেৎখো, আগানস্খাওদে আনচিংনি গিত্তেল যীশু খ্রীষ্টনি স্খিয়া আরো ইসলখো অলাখিয়ানি স্খিয়াখো মানিজাওদে বিয়া গাং·বিংগিবা হং·আ।

2 তীমথিয় 1:13

না·আ আংচাখো জেখো খিন্নাজক উয়া চং·মত স্খিয়াখো না·আ জা·রিকবো; আরো খ্রীষ্ট যীশুমুং নাংরিমানি গিম্মিন আনচিংনি খা·থংও জে খা·সাআ আরো বিবিরা·আ রি·বাজক উখোবা রি·ম্মে রা·রিকবো।

2 তীমথিয় 4:3

ইন্দাকা সময় রি·বানুয়া জেনসালো বিবিনি স্খিয়াখো মান্দিরাং চাকজানুয়া, বাত্তেসা আন·থাংথাংনি হা·সিকাখো চু·সকেতনা বিসং ইন্দাকা বাং·আ স্খিএতগিবারাংখো চিম্মংনুয়া জেরাং বিসংখো খুসি দাকনা গিত্তা স্খিয়েতনুয়া।

তীতনা 1:13

খাৎথাদে বিবিন হং·আ। ইনি গিম্মিন বিসংনি দোসখো ফিন্নিকে রন·বো জেদাক্কে বিসং খ্রীষ্টান থরমনি বিবিরা·আখো নাম্মেদাক্কে রি·ম্মে রা·রিকা,

তীতনা 1:9

ইসলনি বিবিরা·না খ্রাগিবা খাৎথা, জেখো আংআ স্খিয়েতজক, উখো বিনি রাক্কে রি·ম্মে রা·রিকনা নাংনুয়া, জেদাক্কে চং·মত স্খিয়ানি বিদিংও বিয়া আগানফ্রাকনা মা·ন্না আরো বোবিল দাকগিবারাংনা ব্রাংআনিখো ফিন্নিকে র·ন্না মা·ন্না।

ইব্রীয়রাংনা 13:4

গিম্মিকান জেদাক্কে জিক-সে খিম্মাখো মান্দিরা·এ নিআ। সেগিবা আরো জিকগিবানি গিসেপো খিম্মাখো রংথালে রা·রিকনা নাংআ, মুয়ানা জেগিত্তা দাক্কেবা থিল·লেকা হং·খানা, জেরাং উনা দোসগ্মাং হং·আ ইসল বিসংখো শাসি হন·নুয়া।

যিহূদা 1:7

সদোম, ঘমোরা আরো উরাংনি সেফাংরাংনি গিম্মিক সংজিলমানি মান্দিরাংবা বিসং গিত্তান থি·ল্লেকা, আরোবা, হং·গিজা দাক্কে থি·ল্লেকামিং। জেরাং ফাংনাজলনি ওয়া·আলো খাম্মানি শাস্তিখো মা·ন্নুয়া বিসং বিসংনিন নমুনা হং·এ দংআ।

ফারাকগিবা খাৎথা 18:13

দালচিনি, এলাচি, চাচাৎ, সিম্মিলগিবা তেল আরো কুন্দুরু; আংগুর বিৎচি, তেল, ময়দা আরো গম; মা·সু আরো মেষ, ঘোড়া আরো গাড়ি আরো নকখল।

ফারাকগিবা খাৎথা 21:27

মারাং নাংআ বা নামজাস্রাং দাক্কা বা বু·এ আগানা ইন্দাকগিবা মান্দি উনো মামিংসালোবা নাপনা মানজানুয়া; জেরাংনি বিমিং মেষবিসানিন জাংগিনি খিতাপও লিক্ষিয়া দংআ বিসংআন উনো নাপনা মান·না।

ফারাকগিবা খাৎথা 21:8

ইন্দিবা চিং·গিবা ওয়া·আল আরো গন্ধকনি চিমিকও দংআন হং·নুয়া খেনগিবা, বিবিরা·গিজাগিবা, মিৎচিনা খ্রাগিবা, স·ওতগিবা, থিল·লেকগিবা, মনতল দাকগিবা, বিমাংখো অলাখিগিবা আরো গিম্মিক বু·এ চা·গিবারাংনি বন·চতগিবা অবস্থা। ইয়ান হং·জক গ্মিগিবা সিয়া।”

ফারাকগিবা খাৎথা 22:15

আচাক গিত্তা নামজাস্রাং মান্দি, মনতল দাকগিবা, থিল·লেকগিবা, স·ওতগিবা, বিমাংখো অলাখিগিবা, আরে জেরাং বুআখো নামনিকা আরো বু·আও রি·আ বিসং গিম্মিকান হা·ফালচা গা·আকে দংআ।