1 থিষলনীকী 5:4 - Garo New Testament

^4-5 ইন্দিবা জংআদারাং, না·সংদে আন্দালাও দংজাংআ, উয়া সাল চা·খক গিত্তা না·সংচা রি·বানুয়া। না·সংদে গিম্মিকান সেং·আনি আরো সালনিসা মান্দি হং·আ। আনচিং ওয়াল্লোনি বা আন্দালানি মান্দি হং·জা।

1 থিষলনীকী 5:4 Iomraidhean Croise

মথিনি চকগিবা নাম্মা খাৎথা 10:15

আংআ না·সংনা বিবিন আগানিংআ, বিচালনি সালো উয়া সংনা বাত্তে সদোম আরো ঘমোরা সংজিলমান বাং·খালে চাকথআনি হং·নুয়া।

লূকনি চকগিবা নাম্মা খাৎথা 21:34

“না·সং সিমসাকে দংবো জেদাক্কে চা·ফেক্কানা রিংফেক্কানা আরো নকদাংনি চানচিয়ারাংনা না·সংনি খা·থং জ্রিমবিয়ে গা·আকজা। ইন্দাকজাওদে জা·গা জেদাক্কে রাং·গিত্তিক চিপচাংআ উয়ানদাক্কে উয়া সালবা রাং·গিত্তিক না·সংনি সাক্কাও, আরোবা হা·গিলসাকনি গিম্মিক মান্দিনি সাক্কাও রি·বানুয়া।

কলসীয়রাংনা 1:13

মুয়ানা বিয়া আন্দালানি সংনকওনি আনচিংখো জক্কেতি বিনি খা·সাগিবা দেফান্থিনি সংনকো রা·বাজক।

২ পিতর 3:10

ইন্দিবা গিত্তেলনি সাল চা·খক গিত্তা সকবানুয়া। উনি সালো সালগিসাক ব·ন্নাংনুয়া আরো জাজং-সাল-আস্কি গিম্মিকান খাম্মে ব·ন্নাংনুয়া। হা·গিলসাক আরো উনি গিসেপো জেরাং দংআ উয়া গিম্মিকান খাম্মাংনুয়া।

1 যোহন 2:8

ইন্দিদে ইয়া জে গি·য়েতানি খাৎথাখো দা·আও আংআ না·সংচা চক্কিংআ উয়া গিৎচাম হং·ওবা গিত্তাল। ইয়া গি·য়েতানি বিবিখো যীশু খ্রীষ্টও আরো না·সংনি জাংগিও নিকনা মান·জক, মুয়ানা আন্দালা গিম্মাংজক আরো উয়া চং·মত সেং·আ দা·আও চিং·ইংআ।

ফারাকগিবা খাৎথা 16:15

যীশু আগানা, “নিবো, আংআ চা·খক গিত্তা রি·বানুয়া। উয়া মান্দি ফাত্তিয়া মান·গিবা হং·আ, জেআন মিকরাকে দংআ আরো আন·থাংনি বা·রাখো গান্নে দংআ, জেদাক্কে বিখো খমলং হং·এ রোমনা নাংজা আরো মান্দিরাং বিনি খ্রা·চাখো নিকনা মান·জা।”

ফারাকগিবা খাৎথা 3:3

ইনি গিম্মিন না·আ জেখো মান·জক আরো খিন্নাজক উখো গিসিক রা·বো আরো মানিবো আরো ইন্দাকা অবস্থাওনি গিসিকখো ফিল·বো। না·আ চাখাতজাওদে আংআ চা·খক গিত্তা রি·বানুয়া, আরো আংআ বাগিবা সময়ও নাং·চা রি·বানুয়া উখো না·আ হা·আইনাবা মান·জানুয়া।