25 জংআদারাং, চিংনা বি·বো।
জংআদারাং, আনচিংনি গিত্তেল যীশু খ্রীষ্টচা আরো গিসিক রংথালগিবানি হন·গিবা খা·সাচা আংআ না·সংখো মংসংবাত্তে মল·মলিংজক, না·সং ইসলচা আংমুং আংনি গিম্মিন বি·আনি দাকগ্রিকাখো দাকবো।
আরো না·সংবা চিংনা বি·এ দাকচাকবো। ইন্দাকোদে বাং·আরাংনি বি·আনি হা·সেল জে ফাত্তিয়াখো চিংআ মা·ন্নুয়া উনি গিম্মিন চিংনা বাং·আরাংএন ইসলখো মিৎথেলনুয়া।
মুয়ানা আংআ হা·আইয়া, আংনি সাক্কাও জেরাং হং·জক উনি বন·চতগিবা বিথি হং·নুয়া আংনি জক্কা; আরো উয়া না·সংনি বি·আচা আরো যীশু খ্রীষ্টনি গিসিকনি দাকচাকাচান হং·নুয়া।
আরো উমুং চিংনাবা বি·বো জেদাক্কে খ্রীষ্টনি নিং·থুয়া খাৎথাখো আগানফ্রাকনা ইন্নে ইসল চিংনা চলখো হ·ন্না। উয়া নিং·থুয়া খাৎথানান আংখো বন্দি দাক্কে দনজক।
দা·আও মিংসা খাৎথাখো আগানিংজক-সকবাগিবারাংনি নকখো আংনা থারিয়ে দনসোবো, মুয়ানা আংআ ইন্দাকে খা·দংআ, না·সংনি বি·আনি গিম্মিন আংখো না·সংচা ওয়ালফিল্লেতনুয়া।
