1 থিষলনীকী 5:23 - Garo New Testament

²³ থম·থমেৎগিবা ইসল আন·থাংআন না·সংখো চু·গিম্মিক দাক্কে রংথালেতখানা, আরো আনচিংনি গিত্তেল যীশু খ্রীষ্টনি রি·বাফিল্লানি সালো না·সংনি বে·এনখো-গিসিকখো দোসগ্রি দাক্কে দনবো।

1 থিষলনীকী 5:23 Iomraidhean Croise

লূকনি চকগিবা নাম্মা খাৎথা 1:46

উনোন মরিয়ম আগানজক, “আংনি খা·থং গিত্তেলখো রাসং চাএতিংআ;

যোহননা 17:19

বিসংনি হা·সেল নাং·না আংআ আন·থাংখো দিংথাং দাকজক জেদাক্কে বিসংখোবা বিবিচা দিংথাং দাক্কা।

ওয়াত্তেতারাংনা 20:32

“ইসল আরো বিনি খাৎথানি জাক্কো দা·আও আংআ না·সংখো ফাকওয়াতিংজক। ইসলনি খাৎথা বিনি খা·সাচাক্কাখো আগানা, আরো না·সংখো থারিয়ে রা·আনি বিল উয়া খাৎথানি দংআ। ইনাআগ্রেবা ইসল বিনি আন·থাংনি মান্দিরাংনা জেখো দনজক উয়া খাৎথা না·সংনা উখোবা হ·ন্না মা·ন্নুয়া।

রোমানরাংনা 15:13

খা·দংএতগিবা উয়া ইসল না·সংনি বিবিরা·আও চানসকগিজা হান·সেংআচা আরো থম·থমাচা না·সংখো চু·সকেৎখানা। ইন্দাকোদে গিসিক রংথালগিবানি বিলচা না·সংনি খা·থংও খা·দংআ বাৎরোরোনুয়া।

রোমানরাংনা 15:33

থম·থমেৎগিবা ইসল না·সং গিম্মিকমুং দংফাখানা। আমেন।

রোমানরাংনা 15:5

খ্রীষ্ট যীশুমুং রি·ফাও চাকচিকাখো হন·গিবা আরো খা·দংএতগিবা ইসল না·সংনি গিম্মিকনি গিসিকখো আপসান দাকখানা।

রোমানরাংনা 16:20

থম·থমেতগিবা ইসল থেংরিন শয়তানখো না·সংনি জা·চকনি নিং·আও গাল্লে বিন্নেকেতনুয়া। আনচিংনি গিত্তেল যীশুনি খা·সাচাক্কা না·সংনি সাক্কাও দংখানা।

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

1ম করিন্থীয়রাংনা 14:33

ইসল বিলদিং বিলদাংনি ইসল হং·জা, বিয়া থম·থমানি ইসল। ইসলনি মান্দিরাংনি গিম্মিক মন্ডলীও জেদাক্কে হং·এ দংআ,

2য় করিন্থীয়রাংনা 5:19

ইনি অর্থ হং·জক, ইসল মান্দিনি পাপখো রিম·গিজা খ্রীষ্টচা আন·থাংমুং মান্দিখো নাংরিমগ্রিকেতিংআমিং, আরো উয়া নাংরিমগ্রিকেতানি খবলখো হা·আইএতানি কামখো বিয়া চিংনা হন·জক।

ফিলিপীয়রাংনা 1:10

ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

ফিলিপীয়রাংনা 1:6

আংনি ইন্দাকা বিবিরা·আ দংআ, না·সংনি খা·থংও জেআন নাম্মা কামখো দাকনা হা·বাচেংজক বিয়া খ্রীষ্ট যীশুনি রি·বানি সালোনা দিপ্পাৎ উখো দাক্কে ব·ন্নেতনুয়া।

ফিলিপীয়রাংনা 4:9

না·সং আংচা জেখো স্খিজক আরো নাম্মা ইন্নে রা·চাকজক আরো আংও জেখো নিকজক আরো আংনি খু·সুকচা জেখো খিন্নাজক, উরাংখো রা·এন আন·থাংথাংখো বিমচিপে দনবো। উনোদে থম·থমেতগিবা ইসল না·সংমুং দংনুয়া।

কলসীয়রাংনা 1:22

ইন্দিবা খ্রীষ্টনি সিয়াও বিনি বে·এনচা ইসল আন·থাংমুং দা·আও না·সংখো নাংরিমেতজক, জেদাক্কে বিয়া না·সংখো রংথালে, খাকখেৎ দাক্কে আরো দোসগ্রি দাক্কে আন·থাংনি মিকখাংও চাদেংএতনা মা·ন্না।

1 থিষলনীকী 2:19

আনচিংনি গিত্তেল যীশু জেনসালো রি·বানুয়া উনো বিনি মিকখাংও না·সংআন চিংনি খা·দংআনি, হান·সেংআনি আরো রাসংনি মালা হং·জানুয়ামা?

1 থিষলনীকী 3:11

আনচিংনি ফাআ আরো ইসল আন·থাং আরো আনচিংনি গিত্তেল যীশু জেদাক্কে না·সংচা রি·য়াংআনি রামাখো থারিয়ে হ·ন্না।

1 থিষলনীকী 3:13

ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

1 থিষলনীকী 4:3

ইসলনি হা·সিকা ইয়ান- না·সং রংথালবো, আগানস্খাওদে গিম্মিক থি·ল্লেকাওনি চে·ল্লে দংবো,

1 থিষলনীকী 5:22

আরো গিম্মিক নামগিজাওনি চে·ল্লাও দংবো।

2 থিষলনীকীয়রাংনা 3:16

থম·থমেতগিবা গিত্তেল আন·থাং ফাংনান গিম্মিকো না·সংনা থম·থমাখো হন·খানা। গিত্তেল না·সং গিম্মিকমুং দংখানা।

ইব্রীয়রাংনা 13:20

জে হান·চিও থম·থমেতগিবা ইসলনি জ্রিংজ্রৎনি খু·রাচাক্কা দংআ উচা ইসল আনচিংনি গিত্তেল যীশু খ্রীষ্টখো, আগানস্খাওদে মেষরাংনি উয়া দাল·বাৎগিবা নিরকখিগিবাখো সিয়াওনি থাংচাএতজক।

ইব্রীয়রাংনা 2:11

জেআন মান্দিরাংখো রংথালেতা উয়া যীশু আন·থাংআন আরো জেরাংখো বিয়া রংথালেতা উয়া মান্দিরাং গিম্মিকান ইসলনি নকনি মান্দি হং·আ। ইনি গিম্মিন যীশু উয়া মান্দিরাংখো জংআদা ইন্নে রিক্কামনা খ্রাচা·জা।

ইব্রীয়রাংনা 4:12

ইসলনি খাৎথা থাংগিবা আরো কাম হং·এতগিবা আরো সামগ্মি গিত্তান মাৎগিবা মি·ল্লামনা বাত্তেবা মাত্তা। ইয়া খাৎথা মান্দিনি গিসিক-খা·থং আরো গ্রেংজলজলও থিং·নাপে মাত্তা-বুআ আরো মান্দিনি খা·থংনি গিম্মিক হা·সিকা আরো চানচিয়াখো পরীক্ষা দাক্কে নিআ।

যাকোব 1:4

উয়া চাকচিকাখো না·সংনি জাংগিও চু·সকে কাম দাকনা রন·বো, জেদাক্কে না·সং খাকখেৎগিবা হং·না মা·ন্না, আরো জেদাক্কে না·সংনি গিসিকো মামুংনান দিলজাখানা।

পিতর 1:2

আপফা ইসল বিনি চানচিসোআ গিত্তা না·সংখো বাচ্ছিয়ে রা·জক, আরো বিনান মিকসংএ গিসিক রংথালগিবা না·সংখো দিংথাং দাক্কে দনজক। ইনি মিকসংআ হং·জক, জেদাক্কে না·সং যীশু খ্রীষ্টখো মানিয়া আরো বিনি হান·চিখো গোসাত্তাচা না·সংখো রংথালেতানি হং·আ। ইসল না·সংনা বাং·এ খা·সাচাক্কাখো আরো থম·থমাখো রন·খানা।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

২ পিতর 3:14

খা·সাগিবা জংআদারাং, না·সং দা·আও ইরাংনা সেংএ দংআ ইন্নে জাংগিগাল্লে খ্রেংবো জেদাক্কে বিয়া রি·বাএ না·সংখো খাকখেৎ হং·এ দোসগ্রি অবস্থাও থম·থমে দংআখো নিকনা মা·ন্না।

যিহূদা 1:1

আংআ যীশু খ্রীষ্টনি নকখল আরো যাকোবনি জংআদা যিহূদা। আপফা ইসল জেরাংখো রিক্কামজক আরো খা·সাজক আরো যীশু খ্রীষ্ট জেরাংখো রাক্ষিজক বিসংচা আংআ ইয়া চিঠিখো চক্কিংজক।

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।