1 থিষলনীকী 5:15 - Garo New Testament

¹⁵ নিবো, অন্যায়নি সাক্কাও দারাংবা অন্যায়খো দাকজাখানা। না·সং সাকসা সাকগিপ্পিননি, আরোবা, গিপ্পিনরাংনি নাম্মাখো দাকনা হাম·বো।

1 থিষলনীকী 5:15 Iomraidhean Croise

মথিনি চকগিবা নাম্মা খাৎথা 5:39

ইন্দিবা আংআ না·সংনা আগানিংআ, না·সংমুং নামগিজা বেওয়ালখো দাক্কোদে না·সং বিনি সাক্কাও দা·আ মামুং দাক্কাবো; বাত্তেসা সাবা নাং·নি জাক্রানি নাথেংখো দকথাপোদে নাথেং সামসাখোবা বিনা দকথাপনা হন·ফাবো।

লূকনি চকগিবা নাম্মা খাৎথা 6:35

ইন্দিবা না·সং আন·থাংথাংনি বোবিলরাংনা খা·সাবো আরো বিসংনা নাম্মাখো দাকবো। মামুংখো ফি·ল্লে মা·ন্নানিখো চানচিগিজা থাংখা স্রোনা হন·বো। ইন্দাকোদে না·সংনি মা·ন্নানি দংআ, আরো না·সং চুবাৎগিবা ইসলনি দেদ্রাং হং·নুয়া, মুয়ানা বিয়া নামগিজারাংনাবা খা·সাচাক্কা।

ওয়াত্তেতারাংনা 16:28

উনোন পৌল চ্রিকে আগানজক, “দা·মো, আন·থাংনি নামগিজাখো দা·আ দাক্কাবো; চিংআ গিম্মিকান ইনো দংআ।”

রোমানরাংনা 12:9

খা·সাও বু·এ চা·আ দংজাখানা। নামগিজাখো মিৎচিবো; নামগিবাখো রাক্কে রি·ম্মে রা·রিকবো।

রোমানরাংনা 14:19

ইনি গিম্মিন জেখো দাক্কোদে থম·থমানি হং·আ আরো জেচা আনচিং সাকসা সাকগিপ্পিনখো থারিনা মা·ন্না, হাই, আনচিং উখোন দাকনা খ্রেংনা।

1ম করিন্থীয়রাংনা 14:1

ইন্দাকগিবা খা·সানা না·সং মংসংবাত্তে খ্রেংবো, আরো গিসিক রংথালগিবানি হ·ন্নানিখো, মংসংদে আগানসোগিবা গিত্তা খাৎথা আগানানি বিলখো মা·ন্না ইন্নে না·সংও হা·সিকা দংখানা।

1ম করিন্থীয়রাংনা 16:10

তীমথিয় রি·বাওদে নিবো জেদাক্কে বিয়া না·সংমুং খেনমানগিজা দংনা মা·ন্না, মুয়ানা জেগিত্তা আংআ গিত্তেলনি কামখো দাক্কিংআ বিয়াবা উগিত্তা দাক্কিংআ।

1ম করিন্থীয়রাংনা 6:7

না·সং সাকসা দা·আও সাকসানি সাক্কাও মকর্দমা দাক্কানি গিম্মিন ইখোন নিকনা মা·ন্না, না·সং হামজাজক। ইনাবাত্তে অন্যায়খো মুয়ানা চাকচিকজা? থগিয়াখো মুয়ানা মান·জা?

গালাতীয়রাংনা 6:10

চলখো মান·জোকনোন আনচিং জেদাক্কে গিম্মিকনা, মংসংদে ইসলনি নকনি মান্দিরাংনা নাম্মাখো দাক্কা।

ইফিষীয়রাংনা 5:15

না·সং বাদিকে দাক্কে রি·ইংজক উনি বিদিংও নাম্মেদাক্কে চানচিএ নিবো। বুদ্ধিগ্রি মান্দিরাং গিত্তা রি·গিজা হা·আইগিবারাং গিত্তা রি·বো।

ইফিষীয়রাংনা 5:33

ইন্দিবা উয়া খাৎথারাংদে দংখানাবো। না·সং গিম্মিকান জিকথাংখো আন·থাং গিত্তা খা·সাবো, আরো জিকবা জেদাক্কে সেথাংখো মান্দিরা·আ।

1 থিষলনীকী 5:21

জেআন নাম্মা উখো রি·ম্মে রা·রিকবো,

1 তীমথিয় 6:11

ইন্দিবা না·আদে ইসলনি মান্দি; ইরাংওনি না·আ খাতবো। খাকখেৎ জাংগি, অলাখিয়া, বিবিরা·আ, খা·সাআ, চাকচিকা আরো রিন্নকা গিসিক-বেওয়ালনা গিসিক নাংবো।

2 তীমথিয় 2:24

জেআন গিত্তেলনি নকখল হং·আ, বিনি নিরিনা নাংজা, বাত্তেসা বিনি গিম্মিকনা খা·সাচাকনা নাংআ। বিনি গিপ্পিনরাংনা স্খিনা বিল আরো চাক্কানি গুণ দংনা নাংনুয়া।

তীতনা 3:2

বিসং দারাংখো জিজাখানা বা নিরিজাখানা, বাত্তেসা বিসং জেদাক্কে সনথল গিসিকনি হং·আ আরো গিম্মিকমুং রিন্নকে জাকখালা।

ইব্রীয়রাংনা 12:14

দিমদাক মান্দিমুং থম·থমাও দংফানা আরো রংথালনা গিসিক নাংবো। রংথালজাওদে দারাংবা গিত্তেলখো নিকজানুয়া।

পিতর 1:22

দা·আও বিবিখো মানিয়ে রা·এ না·সং না·সংনি খা·থংখো রংথালেতজক, আরো উনি গিম্মিন বিবিরা·গিবা জংআদারাং না·সংচা ইন্দাকফিল্লে খা·সাগিবা হং·আ। উনি গিম্মিন আগান্না, না·সং সাকসা সাকগিপ্পিনখো খা·থংচা নাম্মেন খা·সাবো।

পিতর 2:17

মান্দি গিম্মিকখো মান্দিরা·বো, না·সংনি বিবিরা·গিবা জংআদারাংনা খা·সাবো, ইসলখো অলাখিবো, সম্রাটখো মান্দিরা·বো।

পিতর 3:9

অন্যায়নি সাক্কাও দা·আ অন্যায় দাক্কাবো বা সাবা খা·চাওদে বিখো দা·আ খা·চাফিলাবো, বাত্তেসা বিসংনা ফাত্তিয়াখো হাম·বো; মুয়ানা ফাত্তিয়াখো মা·ন্না ইন্নেন ইসল না·সংখো রিক্কামজক।

3 যোহন 1:11

খা·সাগিবা রিপ্পেং, নামগিজাখো জা·রিকগিজা বাত্তেসা নাম্মাখো জা·রিকবো। জেআন নাম্মা কামখো দাক্কা বিয়া ইসলনি মান্দি হং·আ, আরো জেআন নামগিজা কামখো দাক্কা বিয়া ইসলখো নিকখুজা।

ফারাকগিবা খাৎথা 19:10

উনো আংআ উয়া সা·গ্রেনি জা·চকও থুচিকোপে বিখো ইসল চাচাএ মান্দিরা·এ অলাখিজক। ইন্দিবা বিয়া আংনা আগানজক, “ইয়া মুয়াখো দাক্কিংআ? আংআ নাং·নি গিত্তা নকখল হং·ফা। ইসলখোন অলাখিবো। নাং·নি বিবিরা·গিবা জংআদারাং, জেরাং যীশুনি স্খিয়াখো রিম·মে রা·রিকা/মানিয়া, আংআ বিসংনিন সাকসা হং·আ। যীশুনি স্খিয়ান আগানসোগিবারাংনি স্খিয়ানি চং·মত হং·আ।”

ফারাকগিবা খাৎথা 22:9

ইন্দিবা বিয়া আংনা আগানজক, “দনবো, আংআ নাং·নি আরো নাং·নি বিবিরা·গিবা জংআদারাংনি, আগানস্খাওদে আগানসোগিবারাংনি আরো জেরাং ইয়া খি·তাপনি গিম্মিক খাৎথাখো মানিয়া বিসংমিং নকখল হং·ফা। ইসলখোন অলাখিবো।”