1 থিষলনীকী 5:14 - Garo New Testament

¹⁴ জংআদারাং, চিংআ না·সংনা ইন্দাকে স্খিয়েতিংজক- জেরাং আলসিয়া বিসংখো সিমসাকেতবো; জেরাংনি খা·সকা দংজা বিসংখো খা·সকেতবো; জেরাং বিলগ্রি বিসংনা দাকচাকবো আরো গিম্মিকখো চাকচিকবো।

1 থিষলনীকী 5:14 Iomraidhean Croise

মথিনি চকগিবা নাম্মা খাৎথা 12:20

খাকখেৎ বিচালখো হাম্মেতজা দিপ্পাৎ বিয়া বি·গপগিবা নলবিফাংখো ফি·জানুয়া আরো দিম্মিত দিম্মিত দাক্কে চিং·গিবা থচ্রিখো খিম্মিতজানুয়া।

লূকনি চকগিবা নাম্মা খাৎথা 22:32

ইন্দিবা নাং·নি বিবিরা·আ গিম্মাজাখানা ইন্নে আংআ নাং·না বি·চাকজক। জেনসালো না·আ আংচানা ফিল·বানুয়া উনসালো নাং·নি ইয়া জংআদারাংখো বিলগ্মাং দাক্কেতবো।”

ওয়াত্তেতারাংনা 20:27

মুয়ানা ইসল মুয়াখো হা·ম্মা উখো না·সংনা হা·আইএতনা আংআ মামুং সালোবা ওয়ালফিল্লাংজাজক।

ওয়াত্তেতারাংনা 20:31

ইনি গিম্মিন না·সং সিমসাকে দংবো। গিসিক রা·রিকবো, বিলসি গিত্থাম দিপ্পাৎ সালওয়াল মিকচিমুং আংআ না·সং গিম্মিকখো সিমসাকেতামিং, মামুং সালোবা স্রক দাক্কে দংজা।

ওয়াত্তেতারাংনা 20:35

আংনি দাকগিবা গিম্মিকোন না·সংনা ফিন্নিকজক, ইন্দাকগিবা কামরাংচা বিলগ্রিরাংনা দাকচাকনা নাংআ আরো গিত্তেল যীশুনি ইয়া খাৎথাখো আনচিংনি গিসিক রা·না নাংআ, ‘মা·ন্নানা বাত্তে হ·ন্নাওন আরোবা বাং·এ ফাত্তিয়া দংআ।’ ”

রোমানরাংনা 12:1

ইন্দাকোদে জংআদারাং, ইসলনি ইন্দাকে খা·সারাংনান আংআ না·সংচা মংসংবাত্তে মল·মলিংআ, না·সং না·সংনি বে·এনখো থাংগিবা, রংথালগিবা আরো ইসলনি রা·চাকনা খ্রাগিবা বলি গিত্তা ইসলনি জাক্কো হন·বো। উয়ান না·সংনি খ্রাগিবা দাকচাকে হ·ন্না হং·নুয়া।

রোমানরাংনা 14:1

বিবিরা·আও বিলগ্রিগিবাখো আন·থাংনি দাক্কে রা·বো; বিনি চানচিয়ারাংখো রা·এ দা·আ জিগ্রিকাবো।

1ম করিন্থীয়রাংনা 4:14

আংআ না·সংখো খ্রাচা·এতনা ইরাংখো চকজা, বাত্তেসা আংনি খা·সাগিবা দে গিত্তা সিমসাকেতনান চক্কিংজক।

1ম করিন্থীয়রাংনা 8:7

ইন্দিবা ইন্দাকগিবা হা·আইয়াখো গিম্মিকদে হা·আইজা। মিত্তে বিমাংখো হামুয়ানি বেওয়াল দংআমিং ইন্নে মিত্তে বিমাংনা চিন·গিবা চা·আখো দা·আওনা দিপ্পাৎ মিত্তামরাং চা·এ দংআ। উনি গিম্মিন বিসংনি গিসিকনি চানচিয়ারাং বিলগ্রি ইন্নে মারাং নাংআনি হং·আ।

গালাতীয়রাংনা 5:22

ইন্দিবা গিসিক রংথালগিবানি বিথি হং·জক- খা·সা, খুসি হং·আ, থম·থমা, চাকচিকানি গুণ, খা·সাচাক্কানি গিসিক, নামগিবা গিসিক, বিবিগিবা,

ইফিষীয়রাংনা 4:2

না·সংনি গিসিক-বেওয়াল জেদাক্কে চু·গিম্মিক রিন্নকা আরো সনথল হং·আ। চাকচিকবো আরো খা·সানি গিসিকখো রা·এ সাকসা সাকগিপ্পিনখো চাকবো।

ইফিষীয়রাংনা 4:32

না·সং সাকসা সাকগিপ্পিননা খা·সাচাকবো, গিপ্পিননি দুকও দুক মান·ফাবো, আরো ইসল জেগিত্তা খ্রীষ্টও না·সংখো ক্ষেমা দাকজক উগিত্তা না·সংবা সাকসা সাকগিপ্পিনখো ক্ষেমা দাকবো।

কলসীয়রাংনা 1:28

আরো উয়া খ্রীষ্টনি গিম্মিনো চিংআ আগানফ্রাকা, আগানস্খাওদে ইসলনি হন·গিবা হা·আইয়ামুং চিংআ মান্দি গিম্মিকখো সিমসাকেতা আরো স্খিয়েতা, জেদাক্কে গিম্মিকখোন চিংআ খ্রীষ্টও চু·সকেতনা মা·ন্না।

2 থিষলনীকীয়রাংনা 3:15

ইন্দিবা বিখো বোবিল ইন্নেবা দা·আ চানচিয়াবো, বাত্তেসা জংআদা ইন্নে বিখো সিমসাকেতবো।

1 তীমথিয় 3:3

জেদাক্কে বিয়া চুফেকগিবা আরো খা·আওনাংরাকগিবা হং·জা আরো বাত্তেসা বিনি গিসিক রিন্নকখানা আরো বিয়া নিরিগিসিজাখানা বা থাংখা-পয়সারাংনা মাদ্দুজাখানা।

1 তীমথিয় 6:11

ইন্দিবা না·আদে ইসলনি মান্দি; ইরাংওনি না·আ খাতবো। খাকখেৎ জাংগি, অলাখিয়া, বিবিরা·আ, খা·সাআ, চাকচিকা আরো রিন্নকা গিসিক-বেওয়ালনা গিসিক নাংবো।

2 তীমথিয় 4:2

ইসলনি খাৎথাখো আগানফ্রাকবো; সময় হং·ওবা হং·জাওবা, ফাংনান আগানফ্রাকনা থারিসোএ দংবো; নাম্মেন চাকচিকে স্খিয়েতি মান্দিরাংনি দোসখো ফিন্নিকে হন·বো, বিসংখো সিমসাকেতবো আরো নাম্মাখো আগানবো।

তীতনা 1:10

ইন্দাকগিবা বাং·আ মান্দি দংআ জেরাং বামগিজাগিবা হং·আ, জেরাং হং·গিজা-নাংগিজা খু·সুকখো আগানা আরো জেরাং দাক্কামব্রুএ রওমা। জেরাং বিগিল রাত্তাখো দা·লনিকা, মংসংদে আংআ বিসংনি খাৎথাখোন আগানিংআ।

তীতনা 1:6

মন্ডলীনি দাল·বাৎগিবাখো ইন্দাকে হং·না নাংনুয়া জেদাক্কে দারাংবা বিখো দোস র·ন্না মান·জা। বিনি সাকসাসান জিক দংনুয়া। বিনি বি·সারাং জেদাক্কে খ্রীষ্টও বিবিরা·আ, জেদাক্কে বিসং আন·থাংথাংনি হা·সিকা গিত্তা রি·জা আরো বামগিজাগিবা হং·জা।

ইব্রীয়রাংনা 12:12

উনি গিম্মিন না·সংনি হান·মা গক্কা জাকখো আরো বিলগ্রি জা·স্খুখো বিল্লাকেতবো।

ইব্রীয়রাংনা 13:3

জেরাং জেলো দংআ বিসংমিং জেদাক্কে না·সংবা বন্দি হং·জক, আরো জেরাং গিচ্চিংজক বিসংমিং জেদাক্কে না·সংবা গিচ্চিংজক, ইন্দাকে বিসংনি খাৎথাখো গিসিক রা·বো।