1 থিষলনীকী 5:12 - Garo New Testament

¹² জংআদারাং, চিংআ না·সংখো মল·মলা, জেরাং না·সংনি গিসেপো গাম্মিংআ, গিত্তেলনি হং·এ না·সংখো রি·দিলা আরো না·সংনা স্খিয়া বিসংখো মান্দিরা·বো।

1 থিষলনীকী 5:12 Iomraidhean Croise

লূকনি চকগিবা নাম্মা খাৎথা 10:7

উয়া নক্কোন দংবো আরো বিসংনি চা·না হন·গিবাখোন চা·বো, মুয়ানা কাম দাকগিবাদে বিনি মা·ন্নানিখো মা·ন্না খ্রাআ। নক গি·সাখো ওয়াত্তে নক গি·সাওনা দা·আ রি·য়াংআবো।

যোহননা 4:38

আংআ না·সংখো ইন্দাকগিবা মিখো রাতনা ওয়াত্তেতজক জেনি গিম্মিন না·সং গামজা। গিপ্পিনরাং গামজক আরো না·সং উয়া গাম্মানি মিখো রাতজক।”

ওয়াত্তেতারাংনা 20:28

না·সং আন·থাংথাংনি গিম্মিন সিমসাকে দংবো, আরো গিসিক রংথালগিবা বিবিরা·গিবা দলরাংখো নিরক্ষিনা জে কামখো না·সংনা হন·জক বিসংনি গিম্মিনবা সিমসাকে দংবো। রাক্ষুয়াল জেদাক্কে বিনি মেষরাংখো নিরক্ষিয়া উয়ানদাক্কে না·সংবা ফামং গিত্তা ইসলনি মন্ডলীখো নিরক্ষিবো। ইসল উয়া মন্ডলীখো হান·চিথাংচা ব্রিজক।

ওয়াত্তেতারাংনা 20:35

আংনি দাকগিবা গিম্মিকোন না·সংনা ফিন্নিকজক, ইন্দাকগিবা কামরাংচা বিলগ্রিরাংনা দাকচাকনা নাংআ আরো গিত্তেল যীশুনি ইয়া খাৎথাখো আনচিংনি গিসিক রা·না নাংআ, ‘মা·ন্নানা বাত্তে হ·ন্নাওন আরোবা বাং·এ ফাত্তিয়া দংআ।’ ”

রোমানরাংনা 16:12

ত্রুফেণা আরো ত্রুফোষাখো সালাম হন·বো। ইয়া মিচিকরাং গিত্তেলনা কাম দাক্কা। খা·সাগিবা ননো পর্ষিসখোবা সালাম হন·বো। ইয়া মিচিকবা গিত্তেলনা বাং·এ কাম দাকজক।

রোমানরাংনা 16:6

মরিয়ম, না·সংনা জে বাং·এ কাম দাকজক, বিখো সালাম হন·বো। আন্দ্রনীক্‌ আরো যুনিয়খো সালাম হন·বো।

1ম করিন্থীয়রাংনা 12:28

ইসল মন্ডলীও স্খাং ওয়াত্তেতারাংখো, গ্মিগিবাও আগানসোগিবারাংখো, গিত্থামগিবাও স্খিগিবারাংখো দনজক। জা·মানো ইন্দাকগিবা মান্দিরাংখো দনজক জেরাং আইয়াও ইনমানানি কামখো দাকনা বিল মান·জক, জেরাং জম্মা-সাআরাংখো নাম্মেতনা বিল মান·জক, জেরাং দাকচাকনা বিল মান·জক, জেরাং নিরক্ষিনা বিল মান·জক আরো জেরাং গিপ্পিন গিপ্পিন খু·সুকখো আগান্না বিল মান·জক। গিম্মিকান ওয়াত্তেতারাং হং·আমা?

1ম করিন্থীয়রাংনা 15:10

ইন্দিবা আংআ দা·আও ইসলনি খা·সাচাক্কানান ইন্দাকে হং·জক। আংনি সাক্কাও বিনি উয়া খা·সাচাক্কা বিথিগ্রি হং·জা। আংআ সাকগিপ্পিন ওয়াত্তেতারাংনা বাত্তে বাং·এ কাম দাকজক; আংআসান কাম দাক্কা ইন্দাকেদে হং·জা, বাত্তেসা আংনা ইসলনি জে খা·সাচাক্কা দংআ উয়া খা·সাচাক্কান উখো দাকজক।

1ম করিন্থীয়রাংনা 16:16

উনি গিম্মিন ইন্দাকগিবা মান্দিরাংনি নিং·আও বাম্মে দংনা খু·রাচাকনা আংআ না·সংচা মল·মলিংজক। আরো সাকগিপ্পিনরাং জেরাং ইন্দাকা কামখো দাকনা রি·বাএ নেং·বিয়ানি কামখো দাক্কা বিসংনি নিং·আও বাম্মে দংনাবা খু·রাচাকবো।

1ম করিন্থীয়রাংনা 16:18

বিসং আংনি আরো না·সংনি খা·থংখো খা·দংএতজক। না·সং ইন্দাকগিবা মান্দিরাংখো মান্দিরা·বো।

1ম করিন্থীয়রাংনা 3:9

মুয়ানা চিংআ সাকগ্মিআন ইসলমুং কাম দাক্কিংআ। না·সং ইসলনিন হা·বা, ইসলনিন রিকগিবা দালান হং·আ।

2য় করিন্থীয়রাংনা 11:23

বিসং খ্রীষ্টনা দাকচাকে হন·গিবা হং·আমা? আংআ আরোবা বাং·এ দাক্কে উয়ান হং·আ। গিসিকো রা·রিকবো, আংআ খোরে মান্দি গিত্তা খাৎথা আগানিংআ। খ্রীষ্টনা দাকচাকে হ·ন্না রি·য়াংএ আংআ বিসংনা বাত্তে বাং·এ বিমচিপজক, বাং·এ জেলো দংজক, আরোবা বাং·এ দক্কা চা·জক, রাং·নিরাং সিনা গিত্তিক হং·জক।

2য় করিন্থীয়রাংনা 5:9

উনি গিম্মিন চিংআ বে·এননি নকও দং বা দা·আ দং, চিংনি মিকসংআ হং·জক গিত্তেলখো খুসি দাক্কা।

2য় করিন্থীয়রাংনা 6:1

ইসলমুং কাম রিম·ফাগিবা হং·এ চিংআ না·সংখো ইন্দাকে মল·মলিংজক, ইসলনি খা·সাচাক্কাখো মান·জক ইন্নে না·সং উখো দা·আ নাসি-নাদা দাক্কেতাবো।

গালাতীয়রাংনা 4:11

না·সংনি গিম্মিন আংআ ইন্দাকে খেনমানিংজক, না·সংনি গিসেপো আংআ বু·আরিন গামজকখন।

ফিলিপীয়রাংনা 2:19

আংআ খা·দংআ, গিত্তেল যীশু নামনিকোদে আংআ তীমথিয়খো থেংরিন না·সংচা ওয়াত্তেতনুয়া, জেদাক্কে না·সংনি খবলখো মা·ন্নে আংআবা খা·দংএতাখো মা·ন্না।

কলসীয়রাংনা 1:29

ইখো মিকসংএন ইসলনি জে বিল আংও কাম দাক্কিংআ উয়া বিল গিত্তা আংআ সিমাংথাংমাং গাম্মিংজক।

1 থিষলনীকী 2:9

জংআদারাং, চিংনি গাম্মাখো আরো নেং·আনি খাৎথাখো না·সংনি গিসিক দংবিবিআনখোন। না·সংচা ইসলনি নাম্মা খাৎথাখো আগানফ্রাকও চিংআ ওয়ালসাল গামজক, জেদাক্কে চিংআ না·সং দারাংনি সাক্কাও বোজা হং·না নাংজা।

1 থিষলনীকী 4:1

জংআদারাং আরোবা আগান্না, ইসলখো খুসি দাকনা ইন্নে বাদিকে দাক্কে রি·না নাংআ উয়া স্খিয়াখোদে না·সং চিংচাখো মান·জক, আরো বিবিন না·সং উগিত্তান রি·ইংজক। ইন্দাকোবা গিত্তেল যীশুনি হং·এ চিংআ না·সংখো মল·মলিংজক আরো স্খিয়েতিংজক জেদাক্কে না·সং আরোবা বাং·এ উগিত্তান রি·য়া।

1 থিষলনীকী 5:14

জংআদারাং, চিংআ না·সংনা ইন্দাকে স্খিয়েতিংজক- জেরাং আলসিয়া বিসংখো সিমসাকেতবো; জেরাংনি খা·সকা দংজা বিসংখো খা·সকেতবো; জেরাং বিলগ্রি বিসংনা দাকচাকবো আরো গিম্মিকখো চাকচিকবো।

1 তীমথিয় 5:1

জেরাং বুদেফা হং·জক, বিসংনি দোসখো ফিন্নিকনা রি·য়াংএ রাক্কা খু·সুকখো দা·আ আগানাবো; ফাআ গিত্তা চানচিয়ে বিসংখো থারিবো। ফান্থিরাংখো জংআদা চানচিয়ে বিসংখো থারিবো।

1 তীমথিয় 5:20

জে দাল·গিবারাং পাপ দাক্কারিন দংআ মন্ডলীনি গিম্মিক মান্দিনি মিকখাংও বিসংনি দোসখো ফিন্নিকে হন·বো জেদাক্কে গিপ্পিন দাল·গিবারাংবা খেন্না।

2 তীমথিয় 2:6

জে গামগিবা গাম্মা বিয়ান স্খাং মিনি বাকখো মা·ন্না খ্রাআ।

তীতনা 1:3

আনচিংনি জক্কেৎগিবা ইসলনি গি·য়েতা গিত্তা আংআ জেখো আগানফ্রাকা উচা ইসল বিনি খাৎথাখো থিক সময়ওন ফারাকজক।

তীতনা 1:5

ক্রীট চিচাংও জে কাম দা·আওবা বন·খুজা উখো থিক দাকখানা ইন্নেন আংআ নাং·খো ক্রীট চিচাংওনা দনবামিং। আংআ নাং·না জেগিত্তা গি·য়েতামিং উগিত্তা গিম্মিক সংজিলমানি মন্ডলীও দাল·গিবারাংখো কামরাংও দনবো।

তীতনা 2:15

উনি গিম্মিন চু·গিম্মিক বিলখো রা·এ না·আ ইয়া বিদিংরাংও স্খিয়েতবো, নাম্মাখো আগানবো আরো দোসখো ফিন্নিকে হন·বো। জেদাক্কে দারাংবা নাং·খো চন্নিকজা।

ইব্রীয়রাংনা 13:17

না·সংনি দাল·গিবারাংনি খাৎথাখো মানিয়ে রি·বো আরো বিসংনি নিং·আও বাম্মে দংবো, মুয়ানা জেরাং ইসলচা হিসাব হন·নুয়া উয়ানদাকগিবা মান্দি গিত্তান বিসং না·সংখো নিরকখিয়া। বিসংনি নিং·আও বাম্মে দংবো জেদাক্কে বিসং বিসংনি কামখো খুসি হং·এ দাকনা মান·না, দুক চাক্কে হং·জা। দুক চাক্কেন দাকনা নাংওদে উয়ো না·সংনি মামিং লাভ হং·জানুয়া।

ইব্রীয়রাংনা 13:7

জেরাং না·সংচা ইসলনি খাৎথাখো আগান্নুয়ামিং না·সংনি উয়া দাল·গিবারাংনি খাৎথাখো গিসিক রা·বো। বিসংনি জাংগিনি বন·চতগিবা বিথিনি খাৎথাখো নাম্মে চানচিবো আরো বিসং গিত্তা না·সংবা বিবিরা·বো।

ফারাকগিবা খাৎথা 1:20

জে বলস্নি সোনানি গাসাখো আরো আংনি জাক্রা জাক্কো জে রংস্নি আস্কিখো না·আ নিকজক উনি নিং·থুয়া অর্থ ইয়ান- উয়া রংস্নি আস্কি হং·জক গি·স্নি মন্ডলীনি সাকস্নি সা·গ্রে আরো বলস্নি গাসা হং·জক উয়া গি·স্নি মন্ডলী।

ফারাকগিবা খাৎথা 2:12

“পর্গাম সংজিলমানি মন্ডলীনি সা·গ্রেচা ইয়া খাৎথাখো চকবো- জে মি·ল্লাম সামগ্মিচা মাত্তা উনি নকগিবা ইয়া খাৎথাখো আগানিংজক:

ফারাকগিবা খাৎথা 2:18

“থুয়াতীরা সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি দেফান্থি, জেনি মিক্রোন ওয়াল·স্রি গিত্তা আরো জা·চক নাম্মেন চিং·ব্রাপা পিতল গিত্তা দাক্কা বিয়া ইয়া খাৎথাখো আগানিংজক:

ফারাকগিবা খাৎথা 2:3

নাং·নি চাকচিকা দংআ আরো না·আ আংনা নাম্মেন দুক চাকজক, নম·বকে গা·আকজাজক।

ফারাকগিবা খাৎথা 2:8

“স্মূর্ণা সংজিলমানি মন্ডলীনি সা·গ্রেচা ইয়া খাৎথাখো চকবো- জেআন স্খাংগিবা আরো বন·চতগিবা, জেআন সিয়ামিং আরো থাংচাজক, বিয়া ইয়া খাৎথাখো আগানিংজক:

ফারাকগিবা খাৎথা 3:1

“সার্দি সংজিলমানি মন্ডলীনি সা·গ্রেচা ইয়া খাৎথাখো চকবো- ইসলনি সাকস্নি গিসিকখো আরো আস্কি রংস্নিখো জেআন রি·ম্মে দংআ বিয়া ইয়া খাৎথাখো আগানিংজক: আংআ নাং·নি কামনি খাৎথাখো হা·আইয়া। থাংএ দংআ ইন্নে নাং·খো হা·আইয়া, ইন্দিবা আদতে না·আ সিজক।

ফারাকগিবা খাৎথা 3:14

“লায়দিকেয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন আমেন, জেআন বিবিরা·না খ্রাগিবা আরো বিবিগিবা সাক্ষি, জেআন ইসলনি থারিয়ানি জা·ফাং, বিয়া ইয়া খাৎথাখো আগানিংআ: আংআ নাং·নি কামনি খাৎথাখো হা·আইয়া।

ফারাকগিবা খাৎথা 3:7

“ফিলাদিল্‌ফিয়া সংজিলমানি মন্ডলীনি সা·গ্রেচা ইয়া খাৎথাখো চকবো- জেআন রংথালগিবা আরো বিবিগিবা, জেচা দায়ূদনি চাবি দংআ, জেনি এংজোকনো দারাংবা চিপনা মান·জা আরো চিপজোকনো দারাংবা এংনা মান·জা,