1 থিষলনীকী 5:11 - Garo New Testament

¹¹ ইনি গিম্মিন দা·আও না·সং জেগিত্তা দাক্কা উগিত্তান সাকসা সাকগিপ্পিনখো খা·দংএতনা আরো সাকসা সাকগিপ্পিনখো থারিরিকরিকবো।

1 থিষলনীকী 5:11 Iomraidhean Croise

রোমানরাংনা 14:19

ইনি গিম্মিন জেখো দাক্কোদে থম·থমানি হং·আ আরো জেচা আনচিং সাকসা সাকগিপ্পিনখো থারিনা মা·ন্না, হাই, আনচিং উখোন দাকনা খ্রেংনা।

রোমানরাংনা 15:14

আংনি জংআদারাং, আংআ না·সংনি গিম্মিন ইখো বিবিরা·আ, না·সংনি খা·থং নাম্মা হা·সিকাও গাপ্পা, না·সংও গিম্মিক গিত্তা দাক্কা হা·আইয়ানি দংআ, আরো না·সং সাকসা সাকগিপ্পিননা নাম্মাখো আগান্না মা·ন্না।

রোমানরাংনা 15:2

বিবিরা·গিবা জংআদারাংখো থারিনা মিংএ আনচিং গিম্মিকান জেদাক্কে বিনি নাম্মানা বিখো খুসি দাক্কা।

1ম করিন্থীয়রাংনা 10:23

সাবা সাবা আগানা, “মামুং দাক্কা খ্রাগিজানি হং·জা।” ইয়াদে থিকান হং·আ, ইন্দিবা গিম্মিকদে মান্দিনা নাম্মাখো দাকজা। মামুং দাক্কা খ্র্রাগিজানি হং·জাওবা, ইন্দিবা গিম্মিকদে মান্দিনা রিক্কা ইন্দাকেদে হং·জা।

1ম করিন্থীয়রাংনা 14:12

না·সংনাবা ইয়া খাৎথা খ্রাআ। না·সং গিসিক রংথালগিবানি হ·ন্নানিরাংখো মা·ন্না হা·ম্মোদে জে হ·ন্নানিরাংচা মন্ডলীখো রিকনা মা·ন্না উরাংখোন বাং·এ মা·ন্না খ্রেংবো।

1ম করিন্থীয়রাংনা 14:29

জেরাং আগানসোগিবা গিত্তা খু·সুক আগানা বিসং সাকগ্মি বা সাকগিত্থাম দাক্কে খু·সুক আগানখানা আরো সাকগিপ্পিনরাং উনি বিচালখো দাক্কে নিখানা।

1ম করিন্থীয়রাংনা 14:5

আংআ হা·ম্মা জেদাক্কে না·সং গিম্মিকান দিংথাং দিংথাং খু·সুকচা আগান্না মা·ন্না, ইন্দিবা আরো বাং·এ হা·ম্মা জেদাক্কে না·সং আগানসোগিবা গিত্তা আগান্না মা·ন্না। দিংথাং খু·সুকচা জে মান্দি খাৎথা আগানা, মন্ডলীনি মান্দিরাংখো রিকনা ইন্নে বিনি খাৎথাখো বিয়া ফি·এ আগানজাওদে, ইন্দাকোবা জেআন আগানসোগিবা গিত্তা খাৎথা আগানা বিয়ান দাল·বাৎগিবা হং·আ।

2য় করিন্থীয়রাংনা 12:19

ইয়া চিঠিরাংচা চিংআ না·সংচা আন·থাংনা চাক্কে খাৎথা আগানা ইন্নে না·সং চানচিয়ামা? খ্রীষ্টমুং নাংরিমে চিংআ ইসলনি মিকখাংও খাৎথা আগানিংআ। খা·সাগিবা রিপ্পেংরাং, না·সংখো থারিয়ে রা·না ইন্নেন চিংআ ইয়া খাৎথারাংখো আগানিংআ।

ইফিষীয়রাংনা 4:12

বিয়া ইরাংখো বাচ্ছিয়ে রা·জক জেদাক্কে ইসলনি মান্দি গিম্মিক বিনান দাকচাকে র·ন্না থারিসোআ আরো ইন্দাকে খ্রীষ্টনি বে·এন রিক্কা হং·আ।

ইফিষীয়রাংনা 4:16

গিম্মিক বে·এনখো ইন্দাকে খাআ দংআ, জেদাক্কোদে বাক গিম্মিক আন·থাংথাংনি হা·দামও দংএ বে·এনমুং নাংরিমে দংআ। বাক গিম্মিক থিক দাক্কে কাম দাকমিত্তিংও বে·এন গিম্মিকান স্খুনি রি·দিলাও দাল·রোরোআ আরো খা·সাও আন·থাংখো রিক্কা।

ইফিষীয়রাংনা 4:29

না·সংনি খু·সুকওনি মামুং নামগিজা খাৎথা হং·খাতজাখানা, বাত্তেসা নাংআ গিত্তা গিপ্পিনখো রিকনা ইন্নে জেআন নাম্মা উয়ানদাক্কা খাৎথান হং·খাতখানা, জেদাক্কোদে উখো জেরাং খিন্নাআ উচা বিসংনি নাম্মা হং·আ।

1 থিষলনীকী 4:10

আরো বিবিন না·সং ম্যাসিডোনিয়া হা·দকনি গিম্মিক জংআদারাংনা খা·সাআ। ইন্দিবা জংআদারাং, না·সংচা চিংনি মল·মলা ইয়ান না·সংনি ইন্দাকা খা·সাআ জেদাক্কে আরোবা বারিয়া।

1 থিষলনীকী 4:18

উনি গিম্মিন না·সং ইন্দাকা খাৎথারাংখো আগানে সাকসা সাকগিপ্পিনখো খা·নাম্মেতবো।

1 তীমথিয় 1:4

বিসংনা ইন্দাকেবা গি·য়েৎবো জেদাক্কে বিসং গল্প আগানারাংও আরো দাল·বিয়া মা·চংরাংও গিসিক হন·জা। ইরাং ইসলনি কামখো গাল্লে বাং·আ জিগ্রিকানিরাংখো থারিয়া ইন্দিবা ইসল বাদিকে দাক্কে বিনি কামখো চালাইয়া উখো বিবিরা·আচা হা·আইনা মা·ন্না।

ইব্রীয়রাংনা 10:25

মিত্তাম মিত্তাম মান্দিনি বেওয়াল দংআ গিত্তা দাক্কে আনচিং খ্রিমাও নাংরিমাখো জেদাক্কে দনগালজা, বাত্তেসা খ্রীষ্টনি রি·বানি সাল সকবারিকরিকওন আনচিং সাকসা সাকগিপ্পিনখো আরোবা খা·দংএতরিকরিকনা।

ইব্রীয়রাংনা 3:13

ইনা বাত্তে জেনসালোনা দিপ্পাৎ রংথালগিবা শাস্ত্রনি ‘দা·আল’ খাৎথাখো আগান্না মা·ন্না, উনি সালরিক্ষিতান না·সং সাকসা সাকগিপ্পিননা খা·দংএতবো, জেদাক্কে না·সংনি দারাংনি গিসিক পাপনি বু·দাপাও গা·আকে রাকজা;

২ পিতর 1:12

ইনি গিম্মিনান আংআ ফাংনান ইয়া বিদিংরাংখো না·সংখো গিসিক রা·এতিংজক। না·সং ইরাংখো হা·আইয়ান আরো জে বিবি না·সংনি খা·থংও দংআ উয়ো খেম·খেমেবা দংআ।

যিহূদা 1:20

ইন্দিবা খা·সাগিবা রিপ্পেংরাং, না·সং না·সংনি রংথালা বিবিরা·আনি সাক্কাও ফাংচাকে আন·থাংথাংখো থারিয়ে রা·বো আরো গিসিক রংথালগিবাচা রি·দিলাখো মা·ন্নে বি·বো।