1 থিষলনীকী 4:3 - Garo New Testament

³ ইসলনি হা·সিকা ইয়ান- না·সং রংথালবো, আগানস্খাওদে গিম্মিক থি·ল্লেকাওনি চে·ল্লে দংবো,

1 থিষলনীকী 4:3 Iomraidhean Croise

মথিনি চকগিবা নাম্মা খাৎথা 12:50

মুয়ানা সালগিও দংগিবা আংনি ফানি নামনিকাখো দাকগিবান আংনি জংগিবা, নগিবা আরো মা·গিবা হং·আ।’’

মথিনি চকগিবা নাম্মা খাৎথা 15:19

খা·থংওনিন নামগিজা চানচিয়ারাং, মান্দি স·ওতারাং, থি·ল্লেকারাং, চা·উয়ারাং, বু·এ সাক্ষি হ·ন্নারাং আরো খাল·স্থাপারাং হং·খাতা।

মথিনি চকগিবা নাম্মা খাৎথা 5:32

ইন্দিবা আংআ না·সংনা আগানিংআ, স·বাকানি গ্রোনা আগ্রে জে মান্দি জিকথাংখো গাল্লা বিয়া বিখো স·বাকগিবা দাক্কেতা। আরো উয়া গালগিবা মিচিকখো খিমগিপা মান্দিবা স·বাকগিবা হং·আ।

মথিনি চকগিবা নাম্মা খাৎথা 7:21

“আংখো ‘গিত্তেল, গিত্তেল’ ইনগিবা গিম্মিকান সালগিনি সংনকো নাপনা মা·ন্নুয়া ইন্দাকে হং·জা, ইন্দিবা সালগিও দংগিবা আংনি ফানি নামনিকাখো দাকগিবাসা নাপনা মা·ন্নুয়া।

মার্ক 3:35

মুয়ানা ইসলনি নামনিকাখো দাকগিবান আংনি জংগিবা আরো নগিবা আরো মা·গিবা হং·আ।’’

যোহননা 4:34

উনোন যীশু বিসংনা আগানজক, “আংখো ওয়াত্তেতগিবানি হা·সিকাখো মানিয়া আরো বিনি কামখো চু·সকেতান আংনি চা·আনি হং·আ।

যোহননা 7:17

সাবা বিনি হা·সিকাখো মানিনা হা·ম্মোদে ইন্দিদে ইয়া স্খিয়া ইসলোনি রি·বামা বা আংওনি আগানিংআ, ইখো বিয়া হা·আইনা মা·ন্নুয়া।

ওয়াত্তেতারাংনা 15:20

উনাবাত্তে আনচিং বিসংচা ইন্দাকে চকনা, জেদাক্কে বিসং মিত্তে বিমাংমুং দাকগিবা গিম্মিকওনিখো আরো থি·ল্লেকাওনি চে·ল্লে দংআ, আরো গিত্তক রিম·সতে মারিগিবানি বে·এনখো আরো হান·চিখো জেদাক্কে বিসং রিংজা।

ওয়াত্তেতারাংনা 15:29

উয়া নাংগিবারাং হং·জক- না·সং মিত্তে বিমাংনা চিন·গিবা চা·আখো দা·আ চা·আবো, হান·চিখো দা·আ রিংআবো, গিত্তক রিম·সত্তে দকথাৎগিবাখো দা·আ চা·আবো আরো দা·আ থি·ল্লেকাবো। ইরাংখো দাকজাওদে না·সং নাম্মাখোন দাকনুয়া। সালাম।”

ওয়াত্তেতারাংনা 20:32

“ইসল আরো বিনি খাৎথানি জাক্কো দা·আও আংআ না·সংখো ফাকওয়াতিংজক। ইসলনি খাৎথা বিনি খা·সাচাক্কাখো আগানা, আরো না·সংখো থারিয়ে রা·আনি বিল উয়া খাৎথানি দংআ। ইনাআগ্রেবা ইসল বিনি আন·থাংনি মান্দিরাংনা জেখো দনজক উয়া খাৎথা না·সংনা উখোবা হ·ন্না মা·ন্নুয়া।

রোমানরাংনা 1:29

বিসং গিম্মিক নামগিজা, মাদ্দুয়া, মিকনেংআ, স·ওতা, দাকগ্রিকা, বু·আ আরো গিপ্পিননা নামগিজাখো দাকনা হা·সিকাও গাপ্পা। বিসং গিপ্পিনরাংখো জাচাংআ,

রোমানরাংনা 12:2

ইয়া নামগিজা হা·গিলসাকনি রি·য়া-দোআরাংও না·সং আন·থাংথাংখো দা·আ রিপ্পেতাবো, বাত্তেসা ইসলচা না·সংনি গিসিকখো গিত্তাল দাক্কে থারিনা হ·ন্নে চু·গিম্মিক দাক্কে গিত্তাল হং·বো, জেদাক্কে না·সং ইসলনি হা·সিকাখো হা·আইনা মা·ন্না। ইসলনি হা·সিকা নাম্মা, চু·সকগিবা আরো উয়া বিনা খুসি হং·বিয়ানি হং·আ।

রোমানরাংনা 6:22

ইন্দিবা দা·আও না·সং পাপওনি জক্কাখো মা·ন্নে ইসলনি নকখল হং·জক। ইনি গিম্মিন ইয়ান লাভ হং·জক, না·সং রংথালাও দাল·রোরোংজক, আরো উনি বন·খামগিবা বিথি হং·জক ফাংনাজলনি জাংগি।

1ম করিন্থীয়রাংনা 1:30

খ্রীষ্ট যীশুমুং না·সং নাংরিমজক ইয়াদে ইসলওনিন হং·জক। যীশু খ্রীষ্টন আনচিংনা ইসলনি হন·গিবা হা·আইয়া; বিয়ান আনচিংনি খাকখেৎগিবা, রংথালানি আরো জক্কেতানি হং·আ।

1ম করিন্থীয়রাংনা 7:2

ইন্দিবা গিম্মিকচান থি·ল্লেকারাং বাং·ইংজক, উনি গিম্মিন মি·আসা গিম্মিকনিন জিকথাং আরো মিচিক গিম্মিকনিন সেথাং দংখানা।

2য় করিন্থীয়রাংনা 12:21

আংআ খেনচাকিংআ, জেনসালো আংআ না·সংচা রি·য়াংনুয়া উনো আংনি ইসল না·সংনি মিকখাংও আংখো খ্রাচা·এতনুয়া, আরো জেরাং স্খাংও পাপ দাক্কামিং ইন্দিবা বিসংনি মারাং নাংআওনি, থি·ল্লেকাওনি আরো নামগিজাওনি গিসিকখো ফি·ল্লেতখুজা, বিসংনি বাং·আরাংনা আংআ দুক মা·ন্নুয়া।

গালাতীয়রাংনা 5:19

পাপ-বেওয়ালনি কামরাংখো নাম্মেদাক্কেন নিক্কা। উরাং হং·জক- স·বাকা, মারাং নাংআ, হা·সিগিজা,

ইফিষীয়রাংনা 5:17

উনি গিম্মিন আগান্না, না·সং দা·আ বুদ্ধিগ্রি হং·আবো, বাত্তেসা গিত্তেলনি হা·সিকাখো হা·আইএ রা·বো।

ইফিষীয়রাংনা 6:6

মান্দিখো খুসি দাক্কানি গিসিকখো রা·এ না·সংনি নকগিবারাংনি মিকখাংওসান বিসংখো দা·আ মানিয়াবো, উনা বাত্তে খ্রীষ্টনি নকখল হং·এ ইসলনি হা·সিকাখো মানিয়ে না·সং নকগিবারাংখো মানিবো।

কলসীয়রাংনা 1:9

ইনি গিম্মিন না·সংনি খাৎথাখো খিন্নানি জা·মানোনিন চিংআ ফাংনাজ্রিং না·সংনা বি·ইংজক। গিসিকনি হা·আইয়া আরো বুদ্ধিচা জেদাক্কে না·সং ইসলনি হা·সিকাখো চু·গিম্মিক দাক্কে হা·আইনা মা·ন্না চিংআ উখোন ইসলচা হা·ম্মিংআ।

কলসীয়রাংনা 3:5

উনি গিম্মিন না·সংনি পাপ-বেওয়ালও দংগিবারাংখো ব·ন্নেতবো। উয়ো থি·ল্লেকারাং, মারাং নাংআরাং, নামগিজা হা·সিকারাং আরো মাদ্দুয়ারাং দংআ জেখো মিত্তে বিমাংখো অলাখিয়া ইন্নেবা আগান্না মা·ন্না।

কলসীয়রাংনা 4:12

ইপাফ্রাবা না·সংনা সালাম হ·ন্নিংআ। বিয়া না·সংনি আন·থাংনি মান্দিরাংওনি সাকসা আরো বিয়া খ্রীষ্ট যীশুনি নকখল হং·আ। বিয়া সালাজ্রিং বি·আচা না·সংনা দাকগ্রিকিংজক জেদাক্কে না·সং চু·সকগিবা হং·এ আরো গিম্মিকো ইসলনি হা·সিকাখো হা·আইএ রাক্কে চাদেংনা মা·ন্না।

1 থিষলনীকী 4:2

গিত্তেল যীশুচাখো বিলখো মা·ন্নে চিংআ না·সংনা মুয়াখো মুয়াখো গি·য়েৎজক উখো না·সং হা·আইয়া।

1 থিষলনীকী 4:4

আরো জেরাং ইসলখো হা·আইজা উয়া গিপ্পিন জাতরাং গিত্তা বে·এননি নামগিজা হা·সিকাও রি·গিজা না·সং গিম্মিকান আন·থাংথাংনি বে·এনখো রংথালে মান্দিরা·আমুং চাকচিকে দন্না স্খিবো।

1 থিষলনীকী 5:18

আরো গিম্মিক অবস্থাও ইসলখো মিৎথেলবো; মুয়ানা খ্রীষ্ট যীশুও না·সংনা ইয়ান ইসলনি হা·সিকা হং·আ।

1 থিষলনীকী 5:23

থম·থমেৎগিবা ইসল আন·থাংআন না·সংখো চু·গিম্মিক দাক্কে রংথালেতখানা, আরো আনচিংনি গিত্তেল যীশু খ্রীষ্টনি রি·বাফিল্লানি সালো না·সংনি বে·এনখো-গিসিকখো দোসগ্রি দাক্কে দনবো।

2 থিষলনীকীয়রাংনা 2:13

গিত্তেলনি খা·সাগিবা আংনি জংআদারাং, না·সংনা ফাংনান ইসলখো চিংআ মিৎথেলনা নাংআ, মুয়ানা পাপওনি জকনা ইসল স্খাংওনিন না·সংখো বাচ্ছিয়ে রা·জক। গিসিক রংথালগিবাচা ইসলনি গিম্মিন না·সংখো দিংথাং দাক্কে দন্নাও আরো নাম্মা খাৎথানি বিবিও না·সংনি বিবিরা·আও না·সং পাপওনি জক্কাখো মান·জক।

তীতনা 2:14

যীশু খ্রীষ্ট আনচিংনি গিম্মিন আন·থাংনি জাংগিখো হন·চাকামিং, জেদাক্কে গিম্মিক পাপওনি আনচিংখো জক্কেৎনা মা·ন্না আরো উনি গিম্মিন ইন্দাকগিবা দলসা মান্দিখো রংথালেতনা মা·ন্না জেরাং বিনিসান হং·নুয়া আরো জেরাং গিপ্পিনরাংনা দাকচাকনা হা·সিকনুয়া।

ইব্রীয়রাংনা 10:36

না·সংনি খেম·খেম দংনা নাংআ, জেদাক্কে ইসলনি হা·সিকা গিত্তা কাম দাক্কানি জা·মানো ইসল জেখো হ·ন্না খু·রাচাক্কা উখো না·সং মা·ন্না;

ইব্রীয়রাংনা 12:16

নিবো, দারাংবা জেদাক্কে এষৌ গিত্তা খাকখেৎগিজাগিবা বা ইসলখো অলাখিগিজাগিবা হং·জা। এষৌ মিফাল ফালসা চা·না দেজাক্রানি মান·রিকানি বিলখো ফাল্লেতামিং।

ইব্রীয়রাংনা 13:21

জেরাং নাম্মা উচা বিয়া বিনি হা·সিকা গিত্তা রি·খানা না·সংখো চু·গিম্মিক দাক্কে থারিখানা। বিনি মিক্রোনও জেরাং নাম্মা যীশু খ্রীষ্টও আনচিংনি খা·থংও বিয়া উখোন দাকখানা। জ্রিংজ্রৎনা ইসলনি রাসং হং·খানা। আমেন।

ইব্রীয়রাংনা 13:4

গিম্মিকান জেদাক্কে জিক-সে খিম্মাখো মান্দিরা·এ নিআ। সেগিবা আরো জিকগিবানি গিসেপো খিম্মাখো রংথালে রা·রিকনা নাংআ, মুয়ানা জেগিত্তা দাক্কেবা থিল·লেকা হং·খানা, জেরাং উনা দোসগ্মাং হং·আ ইসল বিসংখো শাসি হন·নুয়া।

পিতর 1:2

আপফা ইসল বিনি চানচিসোআ গিত্তা না·সংখো বাচ্ছিয়ে রা·জক, আরো বিনান মিকসংএ গিসিক রংথালগিবা না·সংখো দিংথাং দাক্কে দনজক। ইনি মিকসংআ হং·জক, জেদাক্কে না·সং যীশু খ্রীষ্টখো মানিয়া আরো বিনি হান·চিখো গোসাত্তাচা না·সংখো রংথালেতানি হং·আ। ইসল না·সংনা বাং·এ খা·সাচাক্কাখো আরো থম·থমাখো রন·খানা।

পিতর 4:2

উনি গিম্মিন ইয়া হা·গিলসাকনি থাংএ দংনাগিবা জাংগিখো বিয়া হা·গিলসাকনি নামগিজা হা·সিকারাংও হান·সেংএ মিৎথাংএতজা, বাত্তেসা ইসলনি হা·সিকাখো মানিয়েন রি·য়া।

1 যোহন 2:17

হা·গিলসাক আরো হা·গিলসাকনি নামগিজা হা·সিকারাং ব·ন্নাংইংজক, ইন্দিবা ইসলনি হা·সিকাখো জেআন মানিয়া বিয়া ফাংনাজলনা দংনুয়া।

ফারাকগিবা খাৎথা 21:8

ইন্দিবা চিং·গিবা ওয়া·আল আরো গন্ধকনি চিমিকও দংআন হং·নুয়া খেনগিবা, বিবিরা·গিজাগিবা, মিৎচিনা খ্রাগিবা, স·ওতগিবা, থিল·লেকগিবা, মনতল দাকগিবা, বিমাংখো অলাখিগিবা আরো গিম্মিক বু·এ চা·গিবারাংনি বন·চতগিবা অবস্থা। ইয়ান হং·জক গ্মিগিবা সিয়া।”

ফারাকগিবা খাৎথা 22:15

আচাক গিত্তা নামজাস্রাং মান্দি, মনতল দাকগিবা, থিল·লেকগিবা, স·ওতগিবা, বিমাংখো অলাখিগিবা, আরে জেরাং বুআখো নামনিকা আরো বু·আও রি·আ বিসং গিম্মিকান হা·ফালচা গা·আকে দংআ।