1 থিষলনীকী 4:17 - Garo New Testament

¹⁷ উনি জা·মানো আনচিং জেরাং থাংএ দংখুনুয়া, আনচিংখোবা সিলগাচা গিত্তেলমুং আপসান হং·না ইন্নে বিসংমুং গাদিলাও দাক্কে দি·দোএ রা·আংনুয়া। আরো ইন্দাকে ফাংনাজলনা আনচিং গিত্তেলমুং দংনুয়া।

1 থিষলনীকী 4:17 Iomraidhean Croise

মথিনি চকগিবা নাম্মা খাৎথা 26:64

উনো যীশু বিনা আগানজক, “হো·এ, না·আ খাকখেৎখোন আগানজক। ইন্দাকোবা আংআ না·সংনা ইখোবা আগানিংআ, ইনি জা·মানো না·সং মান্দিনি দেফান্থিখো বিল্লাকবাৎগিবা ইসলনি জাক্রাচা আসংআখো নিকনা মা·ন্নুয়া আরো গাদিলাও দাক্কে রি·বাখো নিকনুয়া।”

মার্ক 14:62

যীশু আগানজক, ‘‘আংআন উয়া। না·সং বিল্লাকবাৎগিবা ইসলনি জাক্রাচা মান্দিনি দেফান্থিখো আসংএ দংআখো নিকনুয়া আরো সিলগানি গাদিলাও দাক্কে রি·বাখো নিকনা মা·ন্নুয়া।’’

যোহননা 12:26

সাবা আংনা দাকচাকে হ·ন্না হা·ম্মোদে বিয়া আংনি রামাও রি·খানা। আংআ জেও দংআ আংনা দাকচাকে হন·গিবাবা উয়োন দংনুয়া। সাবা আংনা দাকচাকে হ·ন্নোদে আপফা বিখো মান্দিরা·নুয়া।

যোহননা 14:3

আংআ রি·য়াংএ না·সংনা হা·দাম থারিয়ে দা·আবা রি·বাফিলনুয়া আরো না·সংখো আংচানা রিম্মাংনুয়া, জেদাক্কে আংআ জেও দংআ না·সংবা উয়োন দংনা মা·ন্না।

যোহননা 17:24

“আপফা, জেরাংখো না·আ আংনা হন·জক, আংনি রাসংখো নিকনা মান·খানা গিত্তা বিসংবা আংআ জেও দংআ উয়ো আংমুং দংখানা, ইখো আংআ হা·ম্মা। উয়া রাসংখো না·আন আংনা হন·জক, মুয়ানা হা·গিলসাক হং·বানা স্খাংওনিন না·আ আংনা খা·সাজক।

ওয়াত্তেতারাংনা 1:9

ইয়া খাৎথাখো আগানানি জা·মানো জা·রিকগিবারাংনি মিকখাংওন যীশুখো রা·দোআংজক আরো বিয়া গাদিলা ফিলসানি মিৎথিনাও রি·য়াংজক।

ওয়াত্তেতারাংনা 8:39

বিসং চিওনি গাখাতমিত্তিংও গিত্তেলনি গিসিক রাং·গিত্তিক ফিলিপখো রা·আংজক। উয়া কাম রিম·গিবা বিখো নিকজাজক। উনোন বিয়া খুসি হং·এ নকচানা রি·য়াংজক।

1ম করিন্থীয়রাংনা 15:52

দিকদিকসাওন, মিক্রোন মিকজাপনা স্খাং, বন·খামগিবা সালনি সিংগানি গা·ম্মামুং আনচিং গিম্মিকান দিংথাং ফিল·নুয়া। উয়া সিংগা গাম·জোকনো সিগিবারাং ইন্দাকনুয়া বিসং মামুং সালোবা নাসিজানুয়া; আরো আনচিংবা দিংথাং হং·নুয়া।

2য় করিন্থীয়রাংনা 5:8

চিংআ খেনজা আরো চিংআ বে·এননি নকওনি চে·ল্লে দংএ গিত্তেলমুং দংআখোন নাম্মা ইন্নে চানচিয়া।

ফিলিপীয়রাংনা 1:23

সামগ্মিআন আংখো সাল্লিংজক। আংআ সিয়ে খ্রীষ্টমুং দংনা হা·ম্মা, মুয়ানা উয়ান বাং·এ নাম্মা।

1 থিষলনীকী 3:13

ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

1 থিষলনীকী 4:15

গিত্তেলনি স্খিয়া গিত্তান চিংআ না·সংনা আগানিংআ, চিংআ জেরাং থাংএ দংআ আরো গিত্তেলনি রি·বাফিল্লানা দিপ্পাৎ থাংএ দংনুয়া, মামুং দাক্কেবা চিংআ উয়া সিগিবারাংনা স্খাংদে রি·য়াংজানুয়া।

1 থিষলনীকী 4:18

উনি গিম্মিন না·সং ইন্দাকা খাৎথারাংখো আগানে সাকসা সাকগিপ্পিনখো খা·নাম্মেতবো।

1 থিষলনীকী 5:10

খ্রীষ্ট আনচিংনা সিয়ামিং, জেদাক্কে আনচিং থাংএ দং বা সিয়ে দং, আনচিং জেদাক্কে বিমুংআন থাংএ দংনা মা·ন্না।

২ পিতর 3:13

ইন্দিবা আনচিং ইসলনি খু·রাচাক্কা গিত্তা গিত্তাল সিলগা আরো গিত্তাল হা·গিলসাকনা নিচাকসোংআ। উয়ো গিম্মিক ইসলনি হা·সিকা গিত্তা হং·নুয়া।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।

ফারাকগিবা খাৎথা 11:12

জা·মানো উয়া সাকগ্মি সাক্ষি সালগিওনি রাক্কে ইয়া খাৎথাখো আগানাখো খিন্নাজক, “ইয়োনা চাখাতে রি·বাবো।” উনো বিসং বিসংনি বোবিলরাংনি মিক্রোনথাংওন খানসা গাদিলাও দাক্কে সালগিচানা গাদোয়াংজক।

ফারাকগিবা খাৎথা 12:5

মিচিকনি সাকসা দেফান্থি হং·জক। উয়া দেফান্থিন সিলনি গল·দিকখো রা·এ গিম্মিক জাতখো শাসন দাকনুয়া। উয়া বি·সাখো ইসল আরো বিনি সিংহাসনচা দি·এ রা·জক,