1 থিষলনীকী 4:16 - Garo New Testament

¹⁶ রাক্কে গি·য়েতামুং আরো দাল·গিবা সা·গ্রেনি খু·রাং আরো ইসলনি সিংগানি গা·ম্মামুং গিত্তেল আন·থাংআন সালগিওনি হং·ওনবানুয়া। খ্রীষ্টমুং নাংরিমে জেরাং সিজক উনো বিসংআন স্খাং থাংচানুয়া।

1 থিষলনীকী 4:16 Iomraidhean Croise

মথিনি চকগিবা নাম্মা খাৎথা 16:27

মান্দিনি দেফান্থি আন·থাংনি সা·গ্রেরাংমুং বিনি ফাআনি রাসংও রি·বাংজক। উনসালো বিয়া মান্দি গিম্মিকনান আন·থাংথাংনি কামনি বিথিখো হ·ন্নুয়া।

মথিনি চকগিবা নাম্মা খাৎথা 16:28

আংআ না·সংনা বিবিন আগানিংআ, মান্দিনি দেফান্থিনি রাজা হং·এ রি·বাখো নিকখুজানা দিপ্পাৎ ইনো দংগিবারাংওনি মিত্তামরাং সিখুজানুয়া।”

মথিনি চকগিবা নাম্মা খাৎথা 25:31

“জেনসালো মান্দিনি দেফান্থি গিম্মিক সা·গ্রেরাংখো রা·এ আন·থাংনি রাসংও রি·বানুয়া উনসালো রাজা হং·এ আন·থাংনি রাসংনি সিংহাসনও আসংনুয়া।

মথিনি চকগিবা নাম্মা খাৎথা 26:64

উনো যীশু বিনা আগানজক, “হো·এ, না·আ খাকখেৎখোন আগানজক। ইন্দাকোবা আংআ না·সংনা ইখোবা আগানিংআ, ইনি জা·মানো না·সং মান্দিনি দেফান্থিখো বিল্লাকবাৎগিবা ইসলনি জাক্রাচা আসংআখো নিকনা মা·ন্নুয়া আরো গাদিলাও দাক্কে রি·বাখো নিকনুয়া।”

ওয়াত্তেতারাংনা 1:11

“গালীলনি মান্দিরাং, ইনো চাদেংএ সিলগাচানা মুয়ানা নিএ দংআ? না·সংওনি জেখো রা·দোআংজক উয়া যীশুখো জেদাক্কে না·সং সালগিচানা রি·য়াংআখো নিকজক উয়ানদাক্কেন বিয়া রি·বাফিলনুয়া।”

1ম করিন্থীয়রাংনা 15:18

ইন্দাকোদে খ্রীষ্টমুং নাংরিমে জেরাং সিজক বিসংদে নাসিজক।

1ম করিন্থীয়রাংনা 15:20

ইন্দিবা বিবিন খ্রীষ্টখো সিয়াওনিখো থাংচাএতজক। বিয়া স্খাংগিবা বিথি, আগানস্খাওদে সিয়াওনি জেরাংখো থাংচাএতনুয়া বিসংনি গিসেপো বিয়ান স্খাং থাংচাজক।

1ম করিন্থীয়রাংনা 15:23

ইন্দাকোবা উরাংও পালা দংআ-স্খাংগিবা বিথি গিত্তা খ্রীষ্ট, জা·মানো জেরাং খ্রীষ্টনি আন·থাংনি হং·আ। খ্রীষ্টনি রি·বানি সালো বিসংখো থাংচাএতনুয়া।

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

1 থিষলনীকী 3:11

আনচিংনি ফাআ আরো ইসল আন·থাং আরো আনচিংনি গিত্তেল যীশু জেদাক্কে না·সংচা রি·য়াংআনি রামাখো থারিয়ে হ·ন্না।

2 থিষলনীকীয়রাংনা 1:7

আরো না·সং জেরাং দুক মা·ন্নিংজক বিয়া চিংমুং না·সংখোবা দুকওনি জক্কেৎনুয়া। জেনসালো গিত্তেল যীশু বিনি বিল্লাকগিবা সা·গ্রেরাংখো রা·এ চিং·গিবা ওয়া·আলনি গিসেপো সালগিওনি ফারাকনুয়া উনোন ইরাং হং·নুয়া। জেরাং ইসলখো হা·আইজা আরো জেরাং গিত্তেল যীশুনি গিম্মিন নাম্মা খাৎথাখো মানিয়ে রি·জা বিসংনা উনো বিয়া শাস্তি হ·ন্নুয়া।

2 থিষলনীকীয়রাংনা 2:1

জংআদারাং, আনচিংনি গিত্তেল যীশু খ্রীষ্ট রি·বানুয়া আরো আনচিংখো থম·দাকে বিনি আন·থাংচা রিম্মাংনুয়া। ইনি গিম্মিনো চিংআ না·সংখো মল·মলিংজক-

২ পিতর 3:10

ইন্দিবা গিত্তেলনি সাল চা·খক গিত্তা সকবানুয়া। উনি সালো সালগিসাক ব·ন্নাংনুয়া আরো জাজং-সাল-আস্কি গিম্মিকান খাম্মে ব·ন্নাংনুয়া। হা·গিলসাক আরো উনি গিসেপো জেরাং দংআ উয়া গিম্মিকান খাম্মাংনুয়া।

যিহূদা 1:9

দাল·গিবা সা·গ্রে মীখায়েল জে সময়ও মোশিনি বে·এনখো রা·এ শয়তানমুং জিগ্রিকিংআমিং উনো মীখায়েল বিখো চন্নিকে খাৎথা আগানে বিখো দোস হ·ন্না ফা·জামিং। বাত্তেসা বিয়া আগানামিং, “গিত্তেল নাং·খো চাংফেংখানা।”

ফারাকগিবা খাৎথা 1:10

গিত্তেলনি সালও আংআ মংসংএ গিসিক রংথালগিবানি নিং·আও দংআমিং। ইন্দাকমিত্তিংও আংনি খি·সাংচা সিংগানি গা·ম্মা গিত্তা সাকসানি গাম·বিয়া খু·রাংখো খিন্নাজক।

ফারাকগিবা খাৎথা 1:7

নিবো, বিয়া গাদিলাও দাক্কে রি·বাংজক। গিম্মিক মিক্রোন বিখো নিকনুয়া; জেরাং বিখো সু·আমিং বিসংবা নিকনুয়া আরো হা·গিলসাকনি গিম্মিক জাত বিনা রাক্কে রাক্কে গ্রাপনুয়া। ইন্দাকেন হং·খানা, আমেন।

ফারাকগিবা খাৎথা 14:13

জা·মানো আংআ সাকসাখো সালগিওনি আগানাখো খিন্নাজক, “ইয়া খাৎথাখো লিক্ষিবো-দা·আওনি জেরাং গিত্তেলমিং নাংরিমে সিনুয়া বিসং ফাত্তিয়াখো মান·গিবা হং·আ।” গিসিক রংথালগিবা ইয়া খাৎথাখো আগানিংআ, “হো·এ বিসং ফাত্তিয়াখো মান·গিবা হং·আ। বিসংনি কামওনি বিসং নেং·থাকাখো মান·নুয়া, মুয়ানা বিসংনি কামনি বিথি বিসংমিং দংনুয়া।”

ফারাকগিবা খাৎথা 8:13

জা·মানো আংআ দো·রেং মাংসাখো সিলগাও নাম্মেন সাক্কাচা বিল্লাখো নিকজক, আরো উয়া দো·রেংখো রাক্কে আগানাখো খিন্নাজক, “গিপ্পিন সা·গ্রে সিংগাখো সিকনা হা·ম্মিংজক, বিসংনি সিংগা সিকজোকনো জেরাং ইয়া হা·গিলসাকনি হং·আ বিসংনি হং·সিয়া, হং·সিয়া, হং·সিয়া হং·নুয়া।”

ফারাকগিবা খাৎথা 8:2

জে সাকস্নি সা·গ্রে ইসলনি মিকখাংও চাদেংএ দংআ আংআ বিসংখো নিকনা মান·জক। বিসংনি জাক্কো গি·স্নি সিংগা হন·জক।