1 থিষলনীকী 4:14 - Garo New Testament

¹⁴ জে সময়ও চিংআ বিবিরা·আ যীশু সিয়ামিং আরো দা·আবা থাংচাফিলজক উনো চিংআ ইখোবা বিবিরা·আ, জেরাং যীশুমুং নাংরিমে সিজক ইসল বিসংখোবা যীশুমুং রিম্মাংফানুয়া।

1 থিষলনীকী 4:14 Iomraidhean Croise

মথিনি চকগিবা নাম্মা খাৎথা 24:31

সিংগা গামবিনুয়া আরো উনোন মান্দিনি দেফান্থি আন·থাংনি সা·গ্রেরাংখো ওয়াত্তেতনুয়া। উয়া সা·গ্রেরাং হা·গিলসাকনি খি·থিকোনা রি·য়াংএ হা·গিম্মিকচানিখো ইসলনি বাচ্ছিয়ে রা·গিবা মান্দিরাংখো চিম্মংনুয়া।

রোমানরাংনা 14:9

খ্রীষ্ট সিয়ামিং আরো দা·আবা থাংচামিং জেদাক্কে বিয়া থাংআনি আরো সিয়ানি ইয়া মিংগ্মিনিন গিত্তেল হং·না মা·ন্না।

রোমানরাংনা 8:11

যীশুখো সিয়াওনি থাংচাএতগিবা উয়া ইসলনি গিসিক না·সংনি খা·থংও দংওদে ইসল উয়া গিসিকচা সিয়ানি নিং·আও দংগিবা না·সংনি বে·এনখোবা থাংচাএতনুয়া।

1 থিষলনীকী 3:13

ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

1 থিষলনীকী 4:13

জংআদারাং, জেরাং সিজক বিসংনি মুয়া হং·নুয়া উখো না·সং হা·আইজাখানা ইখো চিংআ হাম·জা, জেদাক্কে জেরাংনি গিসিকো মামুং খা·দংআনি দংজা বিসং গিত্তা দাক্কে না·সং দুকও গা·আকজা।

1 থিষলনীকী 4:17

উনি জা·মানো আনচিং জেরাং থাংএ দংখুনুয়া, আনচিংখোবা সিলগাচা গিত্তেলমুং আপসান হং·না ইন্নে বিসংমুং গাদিলাও দাক্কে দি·দোএ রা·আংনুয়া। আরো ইন্দাকে ফাংনাজলনা আনচিং গিত্তেলমুং দংনুয়া।

2 থিষলনীকীয়রাংনা 2:1

জংআদারাং, আনচিংনি গিত্তেল যীশু খ্রীষ্ট রি·বানুয়া আরো আনচিংখো থম·দাকে বিনি আন·থাংচা রিম্মাংনুয়া। ইনি গিম্মিনো চিংআ না·সংখো মল·মলিংজক-

ফারাকগিবা খাৎথা 1:18

আংআন ফাংনাজলনা থাংগিবা। আংআ সিয়ামিং, আরো নিবো, দা·আও আংআ চাসংওনি চাসংওনা ফাংনাজলনা থাংএ দংআ। আংচা সিয়ানি আরো সিগিবা হা·দামনি চাবি দংআ।

ফারাকগিবা খাৎথা 14:13

জা·মানো আংআ সাকসাখো সালগিওনি আগানাখো খিন্নাজক, “ইয়া খাৎথাখো লিক্ষিবো-দা·আওনি জেরাং গিত্তেলমিং নাংরিমে সিনুয়া বিসং ফাত্তিয়াখো মান·গিবা হং·আ।” গিসিক রংথালগিবা ইয়া খাৎথাখো আগানিংআ, “হো·এ বিসং ফাত্তিয়াখো মান·গিবা হং·আ। বিসংনি কামওনি বিসং নেং·থাকাখো মান·নুয়া, মুয়ানা বিসংনি কামনি বিথি বিসংমিং দংনুয়া।”