1 থিষলনীকী 4:11 - Garo New Testament

¹¹ চিংআ না·সংনা জেখো গি·য়েৎজক উগিত্তা থম·থমা জাংগিখো মিৎথাংনা, কামথাংও বিমচিপে দংনা আরো জাকথাংচা গামনা গিসিক নাংবো,

1 থিষলনীকী 4:11 Iomraidhean Croise

মার্ক 13:34

উয়া সাল সকবানুয়া ইন্দাকগিবা মান্দি গিত্তা জে মান্দি আন·থাংনি নকখো দন্নে হা·সং গিপ্পিনচা রি·য়াংজক। নকখো ওয়াত্তে রি·য়াংনা স্খাং নকখলরাংচা বিয়া নকখো রাক্ষিনা দন্নাংজক। নকখল সাকফ্রাক ফ্রাকনা বিয়া কামরাংখো দন্নাংজক আরো দ·গাচিলো দংখামগিবাখো মিকরাকে দংখানা আগানাংজক।

ওয়াত্তেতারাংনা 18:3

বিসং গিত্তা বিয়াবা তাম্বু থারিয়ানি কামখো দাকনুয়ামিং ইন্নে বিসংমুং দংফাএ কাম দাকনা হা·বাচেংজক।

ওয়াত্তেতারাংনা 20:35

আংনি দাকগিবা গিম্মিকোন না·সংনা ফিন্নিকজক, ইন্দাকগিবা কামরাংচা বিলগ্রিরাংনা দাকচাকনা নাংআ আরো গিত্তেল যীশুনি ইয়া খাৎথাখো আনচিংনি গিসিক রা·না নাংআ, ‘মা·ন্নানা বাত্তে হ·ন্নাওন আরোবা বাং·এ ফাত্তিয়া দংআ।’ ”

রোমানরাংনা 12:11

ইসলনা ফাংনান না·সংনি হা·সিকবিয়া দংখানা। না·সংনি খা·থং খা·ফাকাও গাপখানা। না·সং গিত্তেলনি কামও বিমচিপে দংবো।

রোমানরাংনা 15:20

জেও খ্রীষ্টনি বিমুংখো মামুং সালোবা আগানখুজা উয়ো নাম্মা খাৎথাখো আগানফ্রাকান আংনি হা·সিকা, জেদাক্কে গিপ্পিননি রিক্কানি সাক্কাও আংনি রিকনা নাংজা।

1ম করিন্থীয়রাংনা 4:12

চিংআ জাকথাংথাংও গাম্মিংজক। মান্দিরাং চিংখো খা·চাজোকনো চিংআ বিসংনা নাম্মাখো হা·ম্মা; বিসং চিংখো দুক হন·জোকনো চিংআ উখো চাকচিকা;

2য় করিন্থীয়রাংনা 5:9

উনি গিম্মিন চিংআ বে·এননি নকও দং বা দা·আ দং, চিংনি মিকসংআ হং·জক গিত্তেলখো খুসি দাক্কা।

ইফিষীয়রাংনা 4:28

জেআন চা·উয়া বিয়া আরবা চা·উজাখানা, বাত্তেসা আন·থাংনি জাকচা খাকখেৎ দাক্কে কাম রিম·খানা জেদাক্কে দংগিজারাংনা র·ন্না গিত্তা বিনি মামুং দংআ।

1 তীমথিয় 2:2

ইন্দাকে রাজারাংনা আরো জেরাংনি জাক্কো বিল দংআ বিসং দিমদাকনা বি·না নাংনুয়া, জেদাক্কে ইসলখো অলাখিয়ে আরো খাকখেৎ দাক্কে রি·এ আনচিং খেম·খেমে আরো থম·থমে জাংগি মিৎথাংএতনা মা·ন্না।

1 তীমথিয় 5:13

ইনাআগ্রে বিসং নকরিখিতচা রোমে আলসিয়া হং·না স্খিয়া। বিসং আলসিয়াসান হং·জা, ইন্দিবা হং·গিজা-নাংগিজা খু·সুকখো আগান্না আরো গিপ্পিনখো রা·এ জাচাএ আগান্না স্খিয়া আরো জেখো বিসংনি আগানা খ্রাজা উয়া খাৎথাখো আগানা।

তীতনা 3:14

গিপ্পিনরাংনা দাকচাকানি কামও আন·থাংথাংখো বিমচিপাও দন্না আনচিংনি মান্দিরাংনি স্খিনা নাংনুয়া, জেদাক্কে বিসং গিপ্পিনরাংনি নাংআনিখো র·ন্না মা·ন্না। ইন্দাকে দাক্কোদে বিসংনি জাংগি বিথিগ্মাং হং·নুয়া।

পিতর 3:4

বাত্তেসা জেনি নিথুয়া ব·ন্নাংজানুয়া উয়া ন·ম্মা আরো থম·থম দাকগিবা গিসিক-বেওয়ালচা না·সংনি খা·থংখো সাজাইবো। ইসলনি মিক্রোনও উয়ান গামচাৎবিয়া।

পিতর 4:15

না·সংনি গিসেপো সাবা স·ওতে গালগিবা, চা·খক, খ্রাগিজাখো দাকগিবা হং·এ বা খ্রাগিজা দাক্কে গিপ্পিননি বিদিংও জাক র·ন্নে দুক চাকজাখানা।