1 থিষলনীকী 4:1 - Garo New Testament

¹ জংআদারাং আরোবা আগান্না, ইসলখো খুসি দাকনা ইন্নে বাদিকে দাক্কে রি·না নাংআ উয়া স্খিয়াখোদে না·সং চিংচাখো মান·জক, আরো বিবিন না·সং উগিত্তান রি·ইংজক। ইন্দাকোবা গিত্তেল যীশুনি হং·এ চিংআ না·সংখো মল·মলিংজক আরো স্খিয়েতিংজক জেদাক্কে না·সং আরোবা বাং·এ উগিত্তান রি·য়া।

1 থিষলনীকী 4:1 Iomraidhean Croise

যোহননা 15:2

আংনি বিথি নাংগিজাগিবা ডালারাংখো বিয়া দে·ন্নে গাল্লা, আরো বিথি নাংগিবা ডালারাংখো বিয়া রংথালেতা জেদাক্কোদে উনো বাং·বাত্তে বিথি নাংনা মা·ন্না।

ওয়াত্তেতারাংনা 20:27

মুয়ানা ইসল মুয়াখো হা·ম্মা উখো না·সংনা হা·আইএতনা আংআ মামুং সালোবা ওয়ালফিল্লাংজাজক।

রোমানরাংনা 8:8

উনি গিম্মিন পাপ-বেওয়ালনি নিং·আও দংগিবারাং ইসলখো খুসি দাকনা মান·জা।

1ম করিন্থীয়রাংনা 11:23

আংআ না·সংনা জেখো স্খিয়া উখো আংআ গিত্তেলচাখো মা·ন্না। জেনি ওয়াল্লো গিত্তেল যীশুখো বোবিলরাংনি জাক্কো রি·ম্মে হ·ন্নামিং,

1ম করিন্থীয়রাংনা 15:1

জংআদারাং, জে নাম্মা খাৎথাখো আংআ না·সংচা আগানফ্রাকামিং, উয়া নাম্মা খাৎথাখো আংআ না·সংনা গিসিক রা·এতিংজক। না·সং উখো রা·চাকজক আরো উয়ো খেম·খেম দংজক।

1ম করিন্থীয়রাংনা 15:58

উনি গিম্মিনান, আংনি খা·সাগিবা জংআদারাং, বিল্লাকে চাদেংবো, মামুংআন জেদাক্কে না·সংখো মজিমেতনা মান·জা। ফাংনান গিত্তেলনি কামনা আন·থাংখো চু·গিম্মিক দাক্কে ফাকওয়াতবো, মুয়ানা না·সং হা·আইয়া, বিনি কামনা না·সংনি গাম্মা বিথিগ্রি হং·জা।

2য় করিন্থীয়রাংনা 10:1

খ্রীষ্টনি সনথল আরো খা·সাচাকগিবা খা·থংনি খাৎথাখো গিসিক রা·এ আংআ পৌল আন·থাংআন না·সংখো মল·মলিংজক। মান্দিরাং আগানা, আংআ না·সংমুং দংমিত্তিংও খেনসিক খেনসিক দাক্কে দংআ, ইন্দিবা দংজামিত্তিংওদে খেনমানগিজাগিবা হং·আ।

2য় করিন্থীয়রাংনা 13:11

জংআদারাং, দা·আওদে রি·য়াংনাজক। না·সং না·সংনি গিম্মিকখো থারিয়ে চু·সকানি রামাও রি·য়াংবো। আংনি খাৎথাও গিসিক হন·বো। না·সংনি গিসিক আপসান হং·খানা, আরো না·সং থম·থমাও দংবো। ইন্দাকোদে খা·সা আরো থম·থমানি ইসল না·সংমুং দংনুয়া।

2য় করিন্থীয়রাংনা 5:9

উনি গিম্মিন চিংআ বে·এননি নকও দং বা দা·আ দং, চিংনি মিকসংআ হং·জক গিত্তেলখো খুসি দাক্কা।

2য় করিন্থীয়রাংনা 6:1

ইসলমুং কাম রিম·ফাগিবা হং·এ চিংআ না·সংখো ইন্দাকে মল·মলিংজক, ইসলনি খা·সাচাক্কাখো মান·জক ইন্নে না·সং উখো দা·আ নাসি-নাদা দাক্কেতাবো।

গালাতীয়রাংনা 6:1

জংআদারাং, না·সংও সাবা রাং·গিত্তিক পাপও গা·আকোদে, না·সং জেরাং গিসিক রংথালগিবানি নিং·আও রি·ইংআ না·সং বিখো দি·চাএ রা·বাবো। ইন্দাকোবা নম·বিয়া গিসিকখো রা·এ না·সং ইয়া কামখো দাকবো আরো আন·থাংনি গিম্মিন সিমসাকে দংবো, জেদাক্কে না·সংবা পাপও গা·আকজা।

ইফিষীয়রাংনা 4:1

উনি গিম্মিন গিত্তেলনা বন্দি দংএ আংআ না·সংচা ইন্দাকে মল·মলিংজক, ইসল জেনি হা·সেল না·সংখো রিক্কামজক উনা খ্রাএ রি·বো।

ইফিষীয়রাংনা 4:20

ইন্দিবা না·সংদে খ্রীষ্টনি গিম্মিনো ইন্দাকা স্খিয়াখো মান·খুজা।

ইফিষীয়রাংনা 5:17

উনি গিম্মিন আগান্না, না·সং দা·আ বুদ্ধিগ্রি হং·আবো, বাত্তেসা গিত্তেলনি হা·সিকাখো হা·আইএ রা·বো।

ফিলিপীয়রাংনা 1:27

দাল·বাতা খাৎথা ইয়ান, ইন্দাকফিল্লে না·সং না·সংনি জাংগিখো থাংএতা জেআন খ্রীষ্টনি গিম্মিনো নাম্মা খাৎথানা খ্রাআ। ইন্দাকোদে আংআ আন·থাং রি·বাএ না·সংখো নিআ বা চে·ল্লাওনি না·সংনি খাৎথাখো খিন্নাআ, আংআ হা·আইনুয়া, না·সং গিসিকো আপসান হং·এ চাদেংএ খেম·খেমে দংআ আরো জে বিবিরা·আ নাম্মা খাৎথাচা রি·বাআ উনি গিম্মিন আপসান হং·এ কাম দাক্কিংজক।

ফিলিপীয়রাংনা 1:9

আংআ বি·না জেদাক্কে না·সংনি খা·সাআ হা·আইয়ামুং আরো বিচাল-বুদ্ধিমুং আপসান হং·এ বাড়িরিকরিকা।

কলসীয়রাংনা 1:10

ইনি গিম্মিন না·সং জেদাক্কে খাকখেৎ কামখো দাক্কে বিথি মা·ন্না আরো ইসলখো আরোবা নাম্মেদাক্কে হা·আইনা মা·ন্না; আরো ইন্দাকে গিম্মিকোন জেদাক্কে গিত্তেলখো খুসি দাকনা ইন্নে বিনি খ্রাগিবা হং·এ রি·না মা·ন্না।

কলসীয়রাংনা 2:6

জেদাক্কে না·সং খ্রীষ্ট যীশুখো গিত্তেল দাক্কে রা·চাকজক উয়ানদাক্কেন বিমুং নাংরিমে না·সংনি জাংগিখো মিৎথাংএতবো।

1 থিষলনীকী 3:12

গিত্তেল দাকখানা, চিংআ জেগিত্তা না·সংনা খা·সাআ উগিত্তা না·সংবা সাকসা সাকগিপ্পিনখো, আরোবা, গিম্মিকনা খা·সাআ জেদাক্কে বাং·বাতে গাপসুয়াকা।

1 থিষলনীকী 4:2

গিত্তেল যীশুচাখো বিলখো মা·ন্নে চিংআ না·সংনা মুয়াখো মুয়াখো গি·য়েৎজক উখো না·সং হা·আইয়া।

1 থিষলনীকী 5:12

জংআদারাং, চিংআ না·সংখো মল·মলা, জেরাং না·সংনি গিসেপো গাম্মিংআ, গিত্তেলনি হং·এ না·সংখো রি·দিলা আরো না·সংনা স্খিয়া বিসংখো মান্দিরা·বো।

2 থিষলনীকীয়রাংনা 1:3

জংআদারাং, না·সংনা সালাজ্রিংআন ইসলখো চিংনি মিৎথেলনা নাংআ। না·সংনি বিবিরা·আ নাম্মেন বাং·ইংজক আরো না·সং সাকসা সাকগিপ্পিননি সাক্কাও খা·সাআ গাপসুয়াকিংজক ইন্নেন চিংনি উয়া মিৎথেলাখো হ·ন্না খ্রাআ।

2 থিষলনীকীয়রাংনা 2:1

জংআদারাং, আনচিংনি গিত্তেল যীশু খ্রীষ্ট রি·বানুয়া আরো আনচিংখো থম·দাকে বিনি আন·থাংচা রিম্মাংনুয়া। ইনি গিম্মিনো চিংআ না·সংখো মল·মলিংজক-

2 থিষলনীকীয়রাংনা 3:1

বন·চতাও আগান্না জংআদারাং, চিংনা বি·চাকবো জেদাক্কে গিত্তেলনি খাৎথা না·সংনি গিসেপো থেংরিদাক্কে গিপ্পাংআমিং উয়ানদাক্কেন উয়া গিপ্পাংরিকরিকা আরো রাসং মান·রিকরিকা।

2 থিষলনীকীয়রাংনা 3:13

জংআদারাং, নামগিবা কামও দা·আ নেং·নিকাবো।

1 তীমথিয় 5:21

ইসল আরো খ্রীষ্ট যীশু আরো বাচ্ছিয়ে রা·গিবা সা·গ্রেরাংনি মিকখাংও আংআ নাং·না ইখো গি·য়েতিংআ- দারাংনা চাকগিজা ইরাংখো দাকবো আরো সাকসাখোসান নিএ মামুং কামখো দা·আ দাক্কাবো।

2 তীমথিয় 4:1

খ্রীষ্টনি রি·বাফিল্লা আরো বিনি সংনকনি গিম্মিন গিসিক রা·এ ইসলনি মিকখাংও আরো জেআন থাংগিবারাংখো আরো সিগিবারাংখো বিচাল দাকনুয়া উয়া খ্রীষ্ট যীশুনি মিকখাংও আংআ নাং·না ইখো গি·য়েতিংজক-

ইব্রীয়রাংনা 11:6

বিবিরা·আনি আগ্র্রে ইসলখো খুসি দাকনা মান·জা, মুয়ানা ইসলচা জেআন রি·য়াংআ, বিনি ইখো বিবিরা·না নাংনুয়া ইসল দংআ আরো জেরাং বিনি হা·সিকা গিত্তা রি·য়া বিসং বিনি জাকনিখো বিসংনি মা·ন্নানিখো মা·ন্না।

ইব্রীয়রাংনা 13:16

নাম্মা কামখো দাকনা আরো গিপ্পিননি দংগিজাও দাকচাকনা দা·আ গুয়ালা, মুয়ানা ইসল ইন্দাকা হন·নানিও খুসি হং·আ।

ইব্রীয়রাংনা 13:22

জংআদারাং, না·সংচা আংনি মংসংগিবা মল·মলা ইয়ান, আংনি ইয়া স্খিয়াখো না·সং মানিয়ে রা·বো। আংআদে না·সংচা বাং·এ লিক্ষিজাজক।

২ পিতর 3:18

না·সং আনচিংনি গিত্তেল আরো জক্কেৎগিবা যীশু খ্রীষ্টনি খা·সাচাক্কাও আরো বিনি বিদিংও হা·আইয়াচা দাল·রোরোআংবো। দা·আও আরো ফাংনাজলনা দিপ্পাৎ বিনিন রাসং হং·খানা। আমেন।

1 যোহন 3:22

উনি গিম্মিন আনচিং জেখো হাম·নুয়া উখো বিচানিখো মা·ন্নুয়া, মুয়ানা বিয়া জে গি·য়েতারাংখো হন·জক উরাংখো আনচিং মানিয়া আরো বিয়া জে কামও খুসি হং·আ আনচিং উখোন দাক্কা।