1 থিষলনীকী 3:3 - Garo New Testament

³ জেদাক্কে ইয়া দুকরাংও না·সং সাকসাবা ওয়ালফিলে রি·য়াংজা। না·সং আন·থাংআন হা·আইয়া, দুকরাং চিংনা থিক দাক্কান দংআ।

1 থিষলনীকী 3:3 Iomraidhean Croise

লূকনি চকগিবা নাম্মা খাৎথা 21:12

“ইয়া গিম্মিক হা·সেলরাং হং·না স্খাং মান্দিরাং না·সংখো রিম·নুয়া আরো না·সংখো দুক হ·ন্নুয়া। বিচাল দাকনা ইন্নে মান্দিরাং না·সংখো থম·দাকরামচা রা·আংনুয়া আরো জেলো দন্নুয়া। আংনি গিম্মিন রাজারাংনি আরো শাসন দাকগিবারাংনি মিকখাংচানা না·সংখো রিম্মাংনুয়া,

যোহননা 16:2

মান্দিরাং থম·দাকরামওনিখো না·সংখো রং·খাত্তেতনুয়া; আরোবা সাল রি·বাংজক, জেনসালো না·সংখো স·ওতগিবারাং চানচিনুয়া, বিসং ইসলনান দাকচাকে হ·ন্নিংআ।

যোহননা 16:33

আংআ না·সংনা ইরাংখো আগানজক জেদাক্কে না·সং আংমুং দংখামানি গিম্মিন গিসিকো থম·থমাখো মা·ন্না। ইয়া হা·গিলসাকো না·সং দুক আরো সিনজেতাখো মান·বিএ দংআ, ইন্দিবা খা·দংবো; আংআন হা·গিলসাকখো হামজক।”

ওয়াত্তেতারাংনা 2:25

দায়ূদ বিনি গিম্মিন আগানজক, ‘আংনি মিক্রোন ফাংনান গিত্তেলচানা দংআ; বিয়া আংনি জাক্রাচা দংআনি হা·সেল আংআ থম·থমে দংনুয়া।

ওয়াত্তেতারাংনা 21:11

বিয়া চিংচা রি·বাএ পৌলনি খাংখারি খাগিবাখো এংজক আরো উচা আন·থাংনি জাক-জা·চকখো খাএ আগানজক, “গিসিক রংথালগিবা আগানা, ‘যিরূশালেমনি যিহূদীরাং ইয়া খাংখারি খাগিবানি নকগিবাখো ইন্দাকে খানুয়া আরো গিপ্পিন জাতরাংনি জাক্কো হ·ন্নুয়া।’ ”

ওয়াত্তেতারাংনা 21:13

উনোন পৌল আগানজক, “না·সং গ্রাপে আংনি গিসিকো মুয়ানা দুক হ·ন্নিংআ? গিত্তেল যীশুনি গিম্মিন আংআ যিরূশালেমো বন্দি দংনাসান হং·জা, সিনাবা থারিয়ে দংআ।”

ওয়াত্তেতারাংনা 9:16

আংনি গিম্মিন বিখো বাসিক দুক মা·ন্না নাংনুয়া উখো আংআ বিনা ফিন্নিকনুয়া।”

রোমানরাংনা 5:3

ইয়াসান হং·জা, দুকরাংও দংএবা আনচিং খুসি হং·ইংআ, মুয়ানা চাকচিকা দুকনি বিথি হং·আ ইন্নে আনচিং হা·আইয়া,

1ম করিন্থীয়রাংনা 15:58

উনি গিম্মিনান, আংনি খা·সাগিবা জংআদারাং, বিল্লাকে চাদেংবো, মামুংআন জেদাক্কে না·সংখো মজিমেতনা মান·জা। ফাংনান গিত্তেলনি কামনা আন·থাংখো চু·গিম্মিক দাক্কে ফাকওয়াতবো, মুয়ানা না·সং হা·আইয়া, বিনি কামনা না·সংনি গাম্মা বিথিগ্রি হং·জা।

1ম করিন্থীয়রাংনা 4:9

স·ওতে গালনুয়া ইন্নে জেরাংখো মান্দি জিলমানি বন·খামাচাবাক্কা দন্না, আংনি চানচিয়া গিত্তাদে ইসল চিংখো, আগানস্খাওদে ওয়াত্তেতারাংখো উয়ানদাক্কেন গিম্মিকনি জা·মানচা দনজক। চিংআ হা·গিলসাক গিম্মিকচা, আগানস্খাওদে সা·গ্রে আরো মান্দিরাংচা খা·দিংস্থেকানি মান্দি গিত্তা হং·জক।

ইফিষীয়রাংনা 3:13

ইনি গিম্মিন আংআ মল·মলিংআ, না·সংনা আংআ দুকরাংখো চাক্কিংজক ইন্নে না·সং দা·আ খেনমানাবো, মুয়ানা না·সংনি রাসংনান উরাং হং·ইংজক।

ফিলিপীয়রাংনা 1:28

জেরাং না·সংনি বোবিল দাক্কে দংআ বিসংনি মামুংনা না·সং দা·আ খেন্নাবো। ইয়োন নিকনা মা·ন্নুয়া, বিসং ব·ন্নাংইংজক আরো না·সং জক্কাখো মা·ন্না রি·য়াংইংজক; আরো ইয়া জক্কা ইসলচানিন রি·বাআ।

কলসীয়রাংনা 1:23

ইনি হা·সেল খ্রীষ্টনি গিম্মিন নাম্মা খাৎথাওনি না·সং জে খা·দংআখো মান·জক উয়োনি চে·ল্লাচা রি·য়াংগিজা বিবিরা·আও না·সং খেম·খেম দংনা নাংনুয়া। উয়া নাম্মা খাৎথাখো হা·গিলসাক গিম্মিকো আগানফ্রাকজক আরো না·সং উখো খিন্নাজক। আংআ পৌল ইয়া নাম্মা খাৎথাখো আগানফ্রাকগিবা হং·জক।

1 থিষলনীকী 5:9

শাস্তি মা·ন্নাদে হং·জা বাত্তেসা আনচিংনি গিত্তেল যীশু খ্রীষ্টও জকনা ইন্নেন ইসল আনচিংখো থিক দাক্কে দনজক।

2 থিষলনীকীয়রাংনা 1:4

আরো ইনি গিম্মিনান ইসলনি মন্ডলীরাংনি মিকখাংও না·সংখো রা·এ চিংআ রাসং দাক্কিংজক, মুয়ানা জে গিচ্চিয়ারাংখো আরো দুকরাংখো না·সং চাক্কিংজক উনি গিসেপোবা না·সংনি চাকচিকা আরো বিবিরা·আ দংখুংআ।

2 তীমথিয় 1:8

উনি গিম্মিন আনচিংনি গিত্তেলনি গিম্মিনো সাক্ষি হ·ন্না দা·আ খ্রাচা·আবো, আরো বিনি গিম্মিন বন্দি হং·গিবা আংআ, আংখো রা·এবা দা·আ খ্রাচা·আবো। উনা বাত্তে ইসল নাং·না জে বিলখো হন·জক উগিত্তা বিনি নাম্মা খাৎথাখো আগানফ্রাকনা আংমুং দুক চাকবো।

পিতর 2:21

ইনি গিম্মিনান ইসল না·সংখো রিক্কামজক, মুয়ানা খ্রীষ্ট না·সংনা দুক চাক্কে না·সংচা দাক্কে ফিন্নিকাখো দন্নাংজক, জেদাক্কে না·সংবা বিগিত্তান রি·য়া,

ফারাকগিবা খাৎথা 2:10

না·আ জে দুকরাংখো চাকনা রি·য়াংইংজক উনা মামুং দাক্কেবা দা·আ খেন্নাবো। খিন্নাবো, শয়তান না·সংওনিখো মিত্তামখো রুরাএ নিনা জেলো দন্নুয়া, আরো সালচিখুংনা দিপ্পাৎ না·সং দুক চাকনুয়া। না·আ সিয়াওনা দিপ্পাৎ বিবিগিবা হং·এ দংবো, ইন্দাকোদে হাম্মানি মালা গিত্তা আংআ নাং·না জাংগিখো হ·ন্নুয়া।

ফারাকগিবা খাৎথা 2:13

না·আ বাও সংদংইংআ উখো আংআ হা·আইয়া; উয়ো শয়তাননি সিংহাসন দংআ। ইন্দাকোবা না·আ আংনি গিম্মিনো বিবিগিবা হং·এ দংআ আরো আংনি সাক্কাও নাং·নি বিবিরা·আখো জিচাকজা। আরোবা, জেও শয়তান দংআ উয়ো জে সময়ও আংনি বিবিগিবা সাক্ষি আন্তিপাস্‌খো না·সংনি মিকখাংও স·ওতামিং উনোবা না·আ নাং·নি বিবিরা·খো জিচাকজাজক।