1 থিষলনীকী 3:13 - Garo New Testament

¹³ ইন্দাকোদে বিয়া না·সংনি খা·থংখো খেম·খেমেতনুয়া, জেদাক্কে আনচিংনি গিত্তেল যীশু জেনসালো বিনি গিম্মিক মান্দিরাংখো রিমবাফানুয়া উনো আনচিংনি ফাআ আরো ইসলনি মিকখাংও না·সং খাকখেৎ আরো রংথালবো।

1 থিষলনীকী 3:13 Iomraidhean Croise

মথিনি চকগিবা নাম্মা খাৎথা 25:31

“জেনসালো মান্দিনি দেফান্থি গিম্মিক সা·গ্রেরাংখো রা·এ আন·থাংনি রাসংও রি·বানুয়া উনসালো রাজা হং·এ আন·থাংনি রাসংনি সিংহাসনও আসংনুয়া।

মার্ক 8:38

ইয়া চাসংনি বিবিরা·গিজাগিবা আরো পাপী মান্দিরাংনি গিসেপো সাবা আংনি গিম্মিন আরো আংনি খাৎথারাংনি গিম্মিন খ্রাচা·আওদে ইন্দিদে মান্দিনি দেফান্থিবা জেনসালো রংথালগিবা সা·গ্রেরাংমুং বিনি ফানি রাসংও রি·বানুয়া, উনো বিয়াবা উয়া মান্দিনা খ্রাচা·নুয়া।’’

লূকনি চকগিবা নাম্মা খাৎথা 1:6

বিসং সাকগ্মিআন ইসলনি মিক্রোনও থরমিমিং। গিত্তেলনি গিম্মিক গি·য়েতা আরো নিয়ামরাংখো বিসং খাকখেৎ দাক্কে মানিনুয়ামিং।

রোমানরাংনা 14:4

গিপ্পিননি নকখলখো বিচাল দাকনা না·আ সা? বিয়া চাদেংএ দংআমা গা·আকাংআ উখো বিনি নকগিবান হা·আইনুয়া। ইন্দিবা বিয়া চাদেংএন দংনুয়া, মুয়ানা গিত্তেলান বিখো চাদেংএতি দন্না মা·ন্না।

রোমানরাংনা 16:25

যীশু খ্রীষ্টনি গিম্মিন জে নাম্মা খাৎথাখো আংআ আগানফ্রাকা না·সংখো উয়া নাম্মা খাৎথাও খেম·খেম দন্নানি বিল ইসলনি দংআ। বাং·আ চাসংনা দিপ্পাৎ ইসল বিনি সিউল দনগিবা মিকসংআনিখো দারাংনাবা আগানখুজা,

1ম করিন্থীয়রাংনা 15:23

ইন্দাকোবা উরাংও পালা দংআ-স্খাংগিবা বিথি গিত্তা খ্রীষ্ট, জা·মানো জেরাং খ্রীষ্টনি আন·থাংনি হং·আ। খ্রীষ্টনি রি·বানি সালো বিসংখো থাংচাএতনুয়া।

গালাতীয়রাংনা 1:4

আনচিংনি ইসল আরো ফাগিবানি হা·সিকা গিত্তা খ্রীষ্ট আনচিংনি পাপনি গিম্মিন জাংগিথাংখো হন·চাকামিং, জেদাক্কে বিয়া দা·আওনি ইয়া নামগিজা হা·গিলসাকনি জাকনিখো আনচিংখো জক্কেৎনা মা·ন্না।

ফিলিপীয়রাংনা 1:10

ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

কলসীয়রাংনা 1:22

ইন্দিবা খ্রীষ্টনি সিয়াও বিনি বে·এনচা ইসল আন·থাংমুং দা·আও না·সংখো নাংরিমেতজক, জেদাক্কে বিয়া না·সংখো রংথালে, খাকখেৎ দাক্কে আরো দোসগ্রি দাক্কে আন·থাংনি মিকখাংও চাদেংএতনা মা·ন্না।

1 থিষলনীকী 2:19

আনচিংনি গিত্তেল যীশু জেনসালো রি·বানুয়া উনো বিনি মিকখাংও না·সংআন চিংনি খা·দংআনি, হান·সেংআনি আরো রাসংনি মালা হং·জানুয়ামা?

1 থিষলনীকী 3:11

আনচিংনি ফাআ আরো ইসল আন·থাং আরো আনচিংনি গিত্তেল যীশু জেদাক্কে না·সংচা রি·য়াংআনি রামাখো থারিয়ে হ·ন্না।

1 থিষলনীকী 4:15

গিত্তেলনি স্খিয়া গিত্তান চিংআ না·সংনা আগানিংআ, চিংআ জেরাং থাংএ দংআ আরো গিত্তেলনি রি·বাফিল্লানা দিপ্পাৎ থাংএ দংনুয়া, মামুং দাক্কেবা চিংআ উয়া সিগিবারাংনা স্খাংদে রি·য়াংজানুয়া।

1 থিষলনীকী 4:17

উনি জা·মানো আনচিং জেরাং থাংএ দংখুনুয়া, আনচিংখোবা সিলগাচা গিত্তেলমুং আপসান হং·না ইন্নে বিসংমুং গাদিলাও দাক্কে দি·দোএ রা·আংনুয়া। আরো ইন্দাকে ফাংনাজলনা আনচিং গিত্তেলমুং দংনুয়া।

1 থিষলনীকী 5:23

থম·থমেৎগিবা ইসল আন·থাংআন না·সংখো চু·গিম্মিক দাক্কে রংথালেতখানা, আরো আনচিংনি গিত্তেল যীশু খ্রীষ্টনি রি·বাফিল্লানি সালো না·সংনি বে·এনখো-গিসিকখো দোসগ্রি দাক্কে দনবো।

2 থিষলনীকীয়রাংনা 1:7

আরো না·সং জেরাং দুক মা·ন্নিংজক বিয়া চিংমুং না·সংখোবা দুকওনি জক্কেৎনুয়া। জেনসালো গিত্তেল যীশু বিনি বিল্লাকগিবা সা·গ্রেরাংখো রা·এ চিং·গিবা ওয়া·আলনি গিসেপো সালগিওনি ফারাকনুয়া উনোন ইরাং হং·নুয়া। জেরাং ইসলখো হা·আইজা আরো জেরাং গিত্তেল যীশুনি গিম্মিন নাম্মা খাৎথাখো মানিয়ে রি·জা বিসংনা উনো বিয়া শাস্তি হ·ন্নুয়া।

2 থিষলনীকীয়রাংনা 2:1

জংআদারাং, আনচিংনি গিত্তেল যীশু খ্রীষ্ট রি·বানুয়া আরো আনচিংখো থম·দাকে বিনি আন·থাংচা রিম্মাংনুয়া। ইনি গিম্মিনো চিংআ না·সংখো মল·মলিংজক-

যাকোব 5:8

না·সংবা উগিত্তান চাকচিকে সেংসোবো আরো খা·থংথাংখো থম·থমে রা·রিকবো, মুয়ানা গিত্তেল থেংরিন রি·বাংজক।

পিতর 5:10

জেআন গিম্মিক গিত্তা খা·সাচাক্কানি ইসল বিয়া বিনি ফাংনাজলনি রাসংখো মান·ফানা না·সংখো রিক্কামজক, মুয়ানা খ্রীষ্টমুং না·সং নাংরিমজক। না·সং বাং·গিজা সালনা দুকখো চাক্কানি জা·মানো ইসল আন·থাংআন না·সংখো চু·সকেতনুয়া আরো খেম·খেম দন্নুয়া, বিলখো র·ন্নুয়া আরো রাকগিবা ফাংচাকানি সাক্কাও না·সংখো চাদেংএতনুয়া।

যিহূদা 1:14

আদমনি চাসং স্নিগিবা মি·আসা হনোক ইয়া মান্দিরাংনি বিদিংও স্খাংআন আগানামিং, “নিবো, গিত্তেল বিনি হাজাল হাজাল রংথালগিবা সা·গ্রেরাংখো রা·এ দিমদাকখো বিচাল দাকনা রি·বাংজক, আরো খা·ফাকাগ্রি মান্দিরাং খা·ফাকগিজা দাক্কে জে নামগিজা কামরাংখো দাকজক আরো উয়া খা·ফাকাগ্রি পাপীরাং গিত্তেলনি সাক্কাও জে রাক্কা খাৎথারাংখো আগানজক উনি গিম্মিন বিয়া বিসংখো দোস হ·ন্না রি·বাংজক।”

যিহূদা 1:24

সাকসামাংমাং ইসল জেআন আনচিংনি জক্কেৎগিবা বিয়া না·সংখো জা·গিদত্তা চা·আওনিখো রাক্ষিয়ে খাকখেৎ অবস্থাও আন·থাংনি রাসংনি মিকখাংও হান·সেংআমুং রা·বানা মা·ন্না। চেংওনি জেগিত্তা দংআমিং উগিত্তা দা·আওবা আরো ফাংনাজলনা আনচিংনি গিত্তেল যীশু খ্রীষ্টও ইসলনি রাসং, বিল আরো বিল্লাকা দংখানা। আমেন।