1 থিষলনীকী 3:1 - Garo New Testament

^1-2 জে সময়ও চিংআ আরবা চাকনা মান·জাজক উনো এথেন্স সংজিলমাও সাকসান দংনা থিক দাক্কে চিংনি জং তীমথিয়খো ওয়াত্তেতামিং। বিয়া খ্রীষ্টনি নাম্মা খাৎথাখো হা·আইয়েতানি কামনা ইসলনি কাম রিম·ফাগিবা হং·আ। চিংআ বিখো ওয়াত্তেতামিং জেদাক্কে বিয়া না·সংখো বিবিরা·আও খেম·খেম দন্না আরো খা·দংএতনা মা·ন্না,

1 থিষলনীকী 3:1 Iomraidhean Croise

ওয়াত্তেতারাংনা 17:15

পৌলখো রিম্মাংফাগিবা মান্দিরাং বিখো এথেন্স সংজিলমাওনা রিমবাজক। জা·মানো উয়া মান্দিরাং সীল আরো তীমথিয়খো ইন্দাকে গি·য়েৎনা বিরয়াচা ফি·ল্লাংজক, জেদাক্কে সীল আরো তীমথিয় থেংরি রি·য়াংএ পৌলমুং নাংরিমা।

ওয়াত্তেতারাংনা 17:16

পৌল এথেন্স সংজিলমাও সীল আরো তীমথিয়না সেংসোমিত্তিংও উয়া সংজিলমাও মিত্তে বিমাং দাক্কানিরাং গাপ্পাখো নিকজক। উনি গিম্মিন বিনি গিসিক জাজ্রেংজক।

2য় করিন্থীয়রাংনা 2:13

ইন্দাকোবা গিসিকথাংও আংআ থম·থমাখো মান·জা, মুয়ানা আংনি বিবিরা·গিবা জং তীত উয়ো দংজামিং। উনি গিম্মিন ত্রোয়ানি মান্দিরাংখো ওয়াত্তে আংআ ম্যাসিডোনিয়াচানা রি·য়াংআরিজক।

1 থিষলনীকী 2:17

জংআদারাং, গিসিকওনি হং·জাওবা বে·এনোনি চিংআ দিকদিকসানা না·সংখো ওয়াত্তে দংজক। ইনি গিম্মিন চিংআ নাম্মেন হা·সিকবিএ না·সংমুং দা·আবা গ্রংনা দাক্কামিং।

1 থিষলনীকী 3:5

উনি গিম্মিন জে সময়ও আংআ আরবা চাকনা মান·জাজক উনো বিবিরা·আও না·সং বাদাকা অবস্থাও দংআ উখো হা·আইনা ইন্নেন তীমথিয়খো ওয়াত্তেতামিং। শয়তান না·সংখো মাদ্দুয়েতজকখোন আরো চিংনি গাম্মা ইন্দাকারি হং·জকখোন ইন্নে আংআ খেন্নিংআমিং।