1 থিষলনীকী 2:9 - Garo New Testament

⁹ জংআদারাং, চিংনি গাম্মাখো আরো নেং·আনি খাৎথাখো না·সংনি গিসিক দংবিবিআনখোন। না·সংচা ইসলনি নাম্মা খাৎথাখো আগানফ্রাকও চিংআ ওয়ালসাল গামজক, জেদাক্কে চিংআ না·সং দারাংনি সাক্কাও বোজা হং·না নাংজা।

1 থিষলনীকী 2:9 Iomraidhean Croise

লূকনি চকগিবা নাম্মা খাৎথা 18:7

ইন্দাকোদে জেরাং ইসলখো সালওয়াল রিক্কামা, ইসল বিনি উয়া বাচ্ছিয়ে রা·গিবা মান্দিরাংনা খাকখেৎ বিচালখো দাক্কে হন·জানুয়ামা? বিয়া উখো দাকনা হারিমনুয়ামা?

ওয়াত্তেতারাংনা 18:3

বিসং গিত্তা বিয়াবা তাম্বু থারিয়ানি কামখো দাকনুয়ামিং ইন্নে বিসংমুং দংফাএ কাম দাকনা হা·বাচেংজক।

ওয়াত্তেতারাংনা 20:24

ইন্দিবা আংচা আংনি জাংগিনি মামুং দাম দংজা। আংনি গি·সামাংমাং হা·সিকা ইয়ান, জেদাক্কে আংআ বন·খামওনা দিপ্পাৎ খাতনা মা·ন্না, ফি·এ ইন্নোদে গিত্তেল যীশু জে কামখো আংনা হন·জক উখো ব·ন্নেতনা মা·ন্না। উয়া কাম হং·জক ইসলনি খা·সাচাক্কানি নাম্মা খাৎথানি গিম্মিনো সাক্ষি হ·ন্না।

ওয়াত্তেতারাংনা 20:31

ইনি গিম্মিন না·সং সিমসাকে দংবো। গিসিক রা·রিকবো, বিলসি গিত্থাম দিপ্পাৎ সালওয়াল মিকচিমুং আংআ না·সং গিম্মিকখো সিমসাকেতামিং, মামুং সালোবা স্রক দাক্কে দংজা।

রোমানরাংনা 1:1

আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

1ম করিন্থীয়রাংনা 4:12

চিংআ জাকথাংথাংও গাম্মিংজক। মান্দিরাং চিংখো খা·চাজোকনো চিংআ বিসংনা নাম্মাখো হা·ম্মা; বিসং চিংখো দুক হন·জোকনো চিংআ উখো চাকচিকা;

1ম করিন্থীয়রাংনা 9:15

ইন্দিবা আংআ মামুংখোন জাকখালজা। জেদাক্কে না·সং আংনা ইন্দাকে দাকসোআ উনি গিম্মিনো আংআ ইখো চকজা। আংনি ইয়া রাসং দাক্কাখো সাবা গিম্মায়েতোদে উনা বাত্তে আংনি সিয়ান নামবাতা।

1ম করিন্থীয়রাংনা 9:18

ইন্দাকোদে আংনি বকসিস মুয়া দংআ? ইয়ান উয়া বকসিস হং·আ, জে সময়ও আংআ আগানফ্রাকা উনো উনি ফাল জে বকসিস দংআ উখো জাকখালগিজা থাংখাগ্রি উয়া কামখো আংআ দাকনা মা·ন্না।

1ম করিন্থীয়রাংনা 9:4

চিংনি চা·আ-রিংআনি বিল দংজামা?

2য় করিন্থীয়রাংনা 11:27

খ্রীষ্টনা দাকচাকে হ·ন্না রি·য়াংএ আংআ দুকনি গিসেপোবা নেং·দিকে কাম দাকজক। আংআ থুগিজা বাসিক ওয়াল সেং·এতজক, অকখ্রিয়ানা আরো চি রিংনা হা·সিকানা দুক মান·জক, চা·গিজা দংজক, সি·ন্নানা আরো বা·রা-চলারাং দংজানা দুক মান·জক।

2য় করিন্থীয়রাংনা 11:9

না·সংমুং দংমিত্তিংও আংনি চু·ওংজাওবা আংআ দারাংনিবা বোঝা হং·জা, মুয়ানা ম্যাসিডোনিয়াওনি রি·বাগিবা জংআদারাংআন আংনি চু·ওংগিজাখো চু·সকেতামিং। মামুংনান আংআ না·সংনি বোঝা হং·খুজা আরো হং·বা হং·জানুয়া।

2য় করিন্থীয়রাংনা 6:5

বাসিক রাং·সা চিংখো দকজক-সিকজক, বাসিক রাং·সা জেলো দনজক, বাসিক দক্কা-সু·আ চিংনি সাক্কা গিত্তা রি·য়াংজক, বাসিক নেং·বিএ কাম দাকজক, বাসিক থুগিজা ওয়ালখো সেং·এতজক আরো বাসিক রাং·সা চা·গিজা দংজক।

ফিলিপীয়রাংনা 4:16

থিষলনীকীচা আংনি দংমিত্তিংও না·সং দাকচাকারাংখো ওয়াত্তেতি আংনি নাংআনিখো চু·সকেতামিং।

1 থিষলনীকী 1:3

বিবিরা·আনি গিম্মিন না·সং জে কামখো দাক্কিংজক, খা·সানি গিম্মিন জেদাক্কে গাম্মিংজক আরো আনচিংনি গিত্তেল যীশু খ্রীষ্টনি সাক্কাও খা·দংআনি গিম্মিন জেদাক্কে চাকচিকিংজক, উখো চিংআ ফাংনান আনচিংনি ফাগিবা আরো ইসলনি মিকখাংও বি·আও গিসিক রা·আ।

1 থিষলনীকী 2:2

না·সং ইখোবা হা·আইয়া, ইনা স্খাং চিংআ ফিলিপী সংজিলমাচা গিচ্চিয়াখো মা·ন্নামিং আরো মান্দিরা·গিজাখোবা মা·ন্নামিং। ইন্দিবা ইন্দাকে চাংফেংআরাং দংওবা আনচিংনি ইসলচানি খেনমানগিজাখো মা·ন্নে বিনি নাম্মা খাৎথাখো চিংআ ফারাকেন না·সংনা আগানামিং।

1 থিষলনীকী 2:6

মান্দিচাখো আগানস্খাওদে না·সংচাখো বা গিপ্পিনচাখো চিংআ রাসংখো মা·ন্না হাম·জা। খ্রীষ্টনি ওয়াত্তেতা গিত্তা চিংনি মান·রিকানি বিলখো চিংআ না·সংনি সাক্কাও জাকখালনা মা·ন্নুয়ামিং,

1 থিষলনীকী 3:10

চিংআ ওয়ালসাল ইসলচা খা·থংওনি মল·মলিংআ জেদাক্কে চিংআ না·সংখো নিকনা মা·ন্না আরো না·সংনি বিবিরা·আও চু·ওংগিজাখো চু·সকেতনা মা·ন্না।

1 তীমথিয় 1:11

রাসংগ্মাং ইসলনি নাম্মা খাৎথা গিত্তা জে স্খিয়া, উয়া স্খিয়ান চং·মত স্খিয়া হং·আ। ইয়া নাম্মা খাৎথাখো আগানফ্রাকানি কামখো বিয়া আংনা হন·জক।

1 তীমথিয় 4:10

ইনি গিম্মিনান আনচিং জাংগিগাল্লে গাম্মিংআ আরো হা·সিকবিএ কাম দাক্কিংআ, মুয়ানা থাংগিবা ইসলনি সাক্কাও আনচিং খা·দংআ। বিয়ান গিম্মিক মান্দিরাংনি জক্কেৎগিবা হং·আ, মংসংদে বিসংনি জেরাং বিখো বিবিরা·আ।

1 তীমথিয় 5:5

জে রান্দি মিচিকনি দারাংবা দংজা বিয়া ইসলনি সাক্কাওন বিনি খা·দংআ গিম্মিকখো দন্নে ওয়ালসাল ইসলচা বি·এ আরো মল·মলে দংআ।

2 তীমথিয় 1:3

আংনি ফাগিৎচামরাং জেগিত্তা ইসলনা দাকচাকে হ·ন্নুয়ামিং উগিত্তা আংআবা নাম্মা গিসিকো ইসলনা দাকচাকে হ·ন্না; আরো নাং·না ওয়ালসাল বি·মিত্তিংও আংআ বিখো মিৎথেলা।