1 থিষলনীকী 2:5 - Garo New Testament

⁵ না·সং হা·আইয়া মামুং সালোবা চিংআ চি·আ খাৎথাখো আগানজা, আরো মাদ্দুয়াখো ফিনদাপে দন্নে দাক্কামব্রুএ মামুং খাৎথাখোন চিংআ আগানজা, ইসলান উনি সাক্ষি হং·আ।

1 থিষলনীকী 2:5 Iomraidhean Croise

মথিনি চকগিবা নাম্মা খাৎথা 22:16

বিসং হেরোদনি মিত্তাম মান্দিরাংমুং বিসংনি মিত্তাম জা·রিকগিবারাংখো যীশুচা ওয়াত্তেতজক। বিসং যীশুনা আগানজক, “স্খিগিবা, চিংআ হা·আইয়া না·আ সাকসা নামগিবা মান্দি। ইসলনি রামাখো না·আ বিবি দাক্কে স্খিয়ে হন·রংআ। মান্দিরাং মুয়াখো চানচিনুয়া বা চানচিজানুয়া উনা না·আ খেনজা, মুয়ানা না·আ দারাংনি মিকখাংখো নিএ মামুংখো দাকজা।

মথিনি চকগিবা নাম্মা খাৎথা 23:13

“বু·এ চা·গিবা শাস্ত্র স্খিগিবা আরো ফরীশীরাং, হং·সিখানা না·সংনা! মান্দিরাংনি মিকখাংও না·সং সালগিনি সংনকনি দ·গাখো চিপচাংএ দন্না। উয়ো আন·থাংথাংবা নাপজা আরো নাপনা হা·সিকগিবারাংখোবা নাপনা হন·জা।

ওয়াত্তেতারাংনা 20:33

দারাং মান্দিনি সোনা, রূপা বা বা·রা-চলারাংনা আংআ মাদ্দুজা।

রোমানরাংনা 1:9

ইসলনি দেফান্থিনি গিম্মিন নাম্মা খাৎথাখো আগানফ্রাকে আংনি গিম্মিক খা·থংচা আংআ ইসলনা দাকচাকে হ·ন্নিংজক। আংনি বি·আ রিক্ষিতান আংআ ফাংনান না·সংখো গিসিক রা·আ আরো বিয়ান উনি সাক্ষি হং·আ।

রোমানরাংনা 16:18

মুয়ানা ইয়া মান্দিরাং আনচিংনি গিত্তেল খ্রীষ্টনা দাকচাকে হন·গিজা বাত্তেসা আন·থাংথাংনি বিকমানাসা দাকচাকে হ·ন্নিংআ। চি·আ আরো রাসং দাকব্রুআনি খাৎথাখো আগানে বিসং সনথলগিবা মান্দিরাংখো থকাইংজক।

রোমানরাংনা 9:1

খ্রীষ্টমুং নাংরিমে আংআ আগানিংজক, খা·থংথাংও আংআ নাম্মেন দুক আরো সা·দিকাখো মান·বিংজক, আরো ইয়া খাৎথাদে বিবি, বু·আ হং·জা। আংনি গিসিকবা গিসিক রংথালগিবামুং আপসান হং·এ উয়া আপসানখোন সাক্ষি হন·ফাংজক।

2য় করিন্থীয়রাংনা 12:17

আংআ না·সংচা জেরাংখো ওয়াত্তেতামিং বিসংওনি সাকসাচাবা আংআ না·সংখো থগিয়েতজকমা?

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

2য় করিন্থীয়রাংনা 7:2

না·সংনি খা·থংও চিংনা হা·দাম থারিবো। চিংআদে দারাংমুং অন্যায়খো দাকজা, দারাংনি নামগিজাখো দাকজা আরো দারাংখোবা থকাই চা·জা।

গালাতীয়রাংনা 1:20

আংআ না·সংনা জেখো চক্কিংজক উনি মামুংআন বু·আ হং·জা, ইনি সাক্ষি ইসলান হং·আ।

1 থিষলনীকী 2:10

না·সং জেরাং বিবিরা·জক, না·সংমুং চিংনি বেওয়াল জে রংথালা আরো খাকখেৎ হং·আমিং উনি সাক্ষি না·সংবা হং·আ আরো ইসলবা হং·আ।

1 তীমথিয় 3:3

জেদাক্কে বিয়া চুফেকগিবা আরো খা·আওনাংরাকগিবা হং·জা আরো বাত্তেসা বিনি গিসিক রিন্নকখানা আরো বিয়া নিরিগিসিজাখানা বা থাংখা-পয়সারাংনা মাদ্দুজাখানা।

1 তীমথিয় 3:8

উয়ানদাক্কে দাকচাকে হন·গিবারাংবা জেদাক্কে মান্দিরা·আখো মা·ন্না খ্রাগিবা হং·আ আরো খু·সুক চলসানি মান্দি হং·আ। বিসং জেদাক্কে চুফেকগিবা হং·জা, আরো খ্রাগিজা দাক্কে লাভ দাকনা হা·সিকজা।

তীতনা 1:7

ইসলচাখো দাকনা নাংআখো মান·গিবা মান্দি গিত্তা উয়া দাল·গিবাখো ইন্দাকে হং·না নাংনুয়া জেদাক্কে দারাংবা বিখো জিনা মান·জা। জেদাক্কে বিয়া গিত্তক গ্রেং রাকগিবা, খা·আওনাংগিবা, চুফেকগিবা হং·জা। অন্যায় দাক্কে মান·দাপাও বিনি গিসিক দংজাখানা;

পিতর 5:2

না·সংনি গিসেপো ইসলনি জে মেষনি দল দংআ না·সং বিসংনি রাক্ষুয়াল হং·বো। নিরকখিনা নাংনুয়া ইন্নে বিসংখো নিরকনুয়া ইন্দাকে হং·জা, বাত্তেসা আন·থাংনি হা·সিকাওন উখো দাকবো, মুয়ানা ইসল না·সংচাখো ইখোন হা·ম্মা। মান·দাপনা খা·দংএ ইয়া কামখো দা·আ দাক্কাবো, ইন্দিবা হা·সিকমানচাএ দাকবো;

২ পিতর 2:18

বিসং সেল·গিজা আরো দাল·বিয়া খু·সুকখো আগানা আরো মান্দিনি পাপ-বেওয়ালনি নামগিজা হা·সিকাখো মিকরাকেতি বিসং ইন্দাকা মান্দিরাংখো ব্রাংআ রামাচা রা·আংআ জেরাং খ্রাগিজাও দংখামগিবা মান্দিরাংওনি হং·খাতে রি·বানি রামাও দংআমিং।

২ পিতর 2:3

মাদ্দুএ বু·আনি খাৎথাখো আগানে বিসং আন·থাংথাংনি মান·দাপানি গিম্মিন না·সংখো কাম দাক্কেতনুয়া। বিসংনি শাস্তি স্খাংওনিন বিসংনি সাক্কাও দংআ, আরো বিসংনি ব·ন্নাদে হারিমজাজক।

যিহূদা 1:11

হং·সিখানা উয়া মান্দিরাংনা! বিসং কয়িননি রামাচানা রি·য়াংজক, মান·দাপনা ইন্নে বিলিয়মনি ব্রাংআও আন·থাংথাংখো ফাকওয়াতজক আরো কোরহ গিত্তা বোবিল দাক্কে ব·ন্নাংজক।