1 থিষলনীকী 2:4 - Garo New Testament

⁴ বাত্তেসা খ্রাগিবা চানচিয়ে নাম্মা খাৎথাখো হা·আইয়েতানি কামখো ইসল চিংনা হন·জক ইন্নেন চিংআ উগিত্তা আগানিংজক। মান্দিখো খুসি দাকনা চিংআ ইয়া খাৎথাখো আগানজাংআ, ইন্দিবা জেআন চিংনি খা·থংখো থিকখেলে নিআ উয়া ইসলখো খুসি দাকনা ইন্নেন আগানিংজক।

1 থিষলনীকী 2:4 Iomraidhean Croise

লূকনি চকগিবা নাম্মা খাৎথা 12:42

গিত্তেল আগানচাকজক, “উয়া বিবিগিবা আরো হা·আইগিবা নকখল সা হং·আ, জেখো বিনি নকগিবা আন·থাংনি নকখলরাংনা নাংআ গিত্তা চা·নিখো সুয়ালে হন·খানা দন্নাংনুয়া?

লূকনি চকগিবা নাম্মা খাৎথা 16:11

ইয়া হা·গিলসাকনি গামজিননি গিম্মিন না·সংখো বিবিরা·না মান·জাওদে সা না·সংখো বিবিরা·এ চং·মত গামখো হ·ন্নুয়া?

যোহননা 21:17

জা·মানো বিয়া রাং·গিত্থামগিবাও শিমোন পিতরনা আগানজক, “যোহননি দেফান্থি শিমোন, বিবিন আংনা না·আ খা·সামা?” ইনি গিম্মিন পিতর দুক মান·জক, মুয়ানা যীশু বিখো রাং·গিত্থাম সিং·জক, “আংনা বিবিন না·আ খা·সামা?” ইনি গিম্মিন পিতর যীশুনা আগানজক, “গিত্তেল, না·আ দিমদাকখোন হা·আইয়া; না·আদে হা·আইয়ান নাং·না আংআ খা·সাবিয়া।” যীশু বিনা আগানজক, “আংনি মেষরাংখো নিরিকবো।

রোমানরাংনা 8:27

মান্দিনি খা·থংখো সান্দিয়ে নিগিবা গিসিক রংথালগিবানি খাৎথাখোবা হা·আইয়া, মুয়ানা গিসিক রংথালগিবা ইসলনি হা·সিকা গিত্তান ইসলনি মান্দিরাংনা মল·মলচাকা।

1ম করিন্থীয়রাংনা 7:25

মি·থ্রারাংনি গিম্মিনো গিত্তেলচানিখো আংআ মামুং গি·য়েতাখো মান·জা। ইন্দিদে ইসলনি খা·সাচাক্কাখো মা·ন্নে আংআ বিবিরা·না খ্রাগিবা হং·জক ইন্নে আংনি হা·সিকাখো আগানিংজক।

1ম করিন্থীয়রাংনা 9:17

আংআ আন·থাংনি হা·সিকাও আগানফ্রাকোদে আংনি বকসিস দংআন, আরো আন·থাংনি হা·সিকাও আগানফ্রাকজাওবা আংনি উখো দাকনা নাংনুয়া ইন্নেন আংআ উখো দাক্কা।

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

2য় করিন্থীয়রাংনা 5:11

গিত্তেলনা খেন্না ইন্নে চিংআ আন·থাংথাংনি গিম্মিন মান্দিনি গিসিকো বিবিরা·এতনা হা·ম্মা। চিংআ জেগিত্তা দাক্কা, উখো ইসল নাম্মে থাল্লেন হা·আইয়া আরো না·সংনি গিসিকোবা উয়া থাল্লা ইন্নে আংআ খা·দংআ।

2য় করিন্থীয়রাংনা 5:16

উনি গিম্মিন দা·আওনি দিপ্পাৎ চিংআ মান্দিখো বিনি হা·ফালচাখো নিএ বিচাল দাকজা। খ্রীষ্টখোদে চিংআ স্খাং উয়ানদাক্কেন বিচাল দাক্কামিং, ইন্দিবা দা·আওদে ইন্দাকে দাকজাজক।

গালাতীয়রাংনা 1:10

ইনি গিম্মিন আংআ সাচাখো মিৎথেলা মা·ন্না হা·ম্মা, মান্দিচাখো বা ইসলচাখো? বা মান্দিখো খুসি দাকনা হা·ম্মামা? দা·আওবা আংআ মান্দিখো খুসি দাকনা হা·ম্মোদে আংআ খ্রীষ্টনি নকখল হং·জা।

গালাতীয়রাংনা 2:7

জেবা হং·খানা, বিসং ইখো নিকজক, জেদাক্কে যিহূদীরাংচা নাম্মা খাৎথাখো আগানফ্রাকানি কামখো পিতরনা হ·ন্নামিং, উয়ানদাক্কে গিপ্পিন জাতরাংচা নাম্মা খাৎথাখো আগানফ্রাকানি কামখো ইসল আংনা হন·জক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

ইফিষীয়রাংনা 6:6

মান্দিখো খুসি দাক্কানি গিসিকখো রা·এ না·সংনি নকগিবারাংনি মিকখাংওসান বিসংখো দা·আ মানিয়াবো, উনা বাত্তে খ্রীষ্টনি নকখল হং·এ ইসলনি হা·সিকাখো মানিয়ে না·সং নকগিবারাংখো মানিবো।

কলসীয়রাংনা 3:22

না·সং জেরাং নকখল, না·সং গিম্মিক কামও না·সংনি ইয়া হা·গিলসাকনি নকগিবারাংনি নিং·আও বাম্মে দংবো। জে সময়ও বিসং না·সংখো নিআ উনোসান বিসংখো খুসি দাকনা বিসংনি নিং·আও বাম্মে দংনুয়া ইন্দাকেদে হং·জা, বাত্তেসা খাকখেৎ খা·থংও গিত্তেলখো অলাখিয়ে বিসংনি নিং·আও বাম্মে দংবো।

1 তীমথিয় 6:20

ও তীমথিয়, জেখো রাক্ষিনা নাং·না হন·জক উখো নাম্মেদাক্কে রাক্ষিবো। বু·আ হা·আইয়ানি খা·ফাকাগ্রি হং·গিজা-নাংগিজা খাৎথাওনি আরো স্খিয়াওনি চে·ল্লে দংবো।

2 তীমথিয় 1:14

ইসল নাং·না জেখো রাক্ষিনা হন·জক উখো রংথালা গিসিকচা রাক্ষিবো, জেআন আনচিংনি খা·থংও দংআ।

2 তীমথিয় 2:2

বাং·আ সাক্ষিরাংনি মিকখাংও আংনি খু·সুকও জে স্খিয়ানি খাৎথাখো না·আ খিন্নাজক উয়া স্খিয়াখো রি·ম্মে রা·রিকনা না·আ ইন্দাকা বিবিগিবা মান্দিরাংনা হন·বো জেরাংনি গিপ্পিনরাংখো স্খিয়েতানি বিল দংআ।

তীতনা 1:3

আনচিংনি জক্কেৎগিবা ইসলনি গি·য়েতা গিত্তা আংআ জেখো আগানফ্রাকা উচা ইসল বিনি খাৎথাখো থিক সময়ওন ফারাকজক।

ইব্রীয়রাংনা 4:13

থারিয়ানি মামুংআন ইসলচা থুম্মুয়ে দংজা। জেচা আনচিংনি হিসাব হ·ন্না নাংনুয়া বিনি মিক্রোনও গিম্মিকখোন নিকনা মা·ন্না আরো ফারাকা।

পিতর 4:11

সাবা আগানফ্রাকোদে ইন্দাকে আগানফ্রাকখানা জেদাক্কে বিয়া ইসলনি আন·থাংনি খু·সুকখো আগানিংআ। সাবা দাকচাকে হ·ন্নোদে ইসলনি হন·গিবা বিলচা বিয়া দাকচাকে হন·খানা, জেদাক্কে যীশু খ্রীষ্টও গিম্মিক গিত্তা ইসলান রাসংখো মা·ন্না। রাসং আরো বিল ফাংনাজলনা বিনিন হং·আ। আমেন।

ফারাকগিবা খাৎথা 2:23

বিনি বি·সারাংখোবা আংআ স·ওতে গালনুয়া। উনো দিমদাক মন্ডলীরাং হা·আইনা মা·ন্নুয়া, আংআন মান্দিনি খা·থং আরো গিসিকখো সান্দিয়ে নিআ। আংআ কামনি খ্রি না·সং সাকফ্রাকফ্রাকনা বিথিখো হ·ন্নুয়া।