1 থিষলনীকী 2:2 - Garo New Testament

² না·সং ইখোবা হা·আইয়া, ইনা স্খাং চিংআ ফিলিপী সংজিলমাচা গিচ্চিয়াখো মা·ন্নামিং আরো মান্দিরা·গিজাখোবা মা·ন্নামিং। ইন্দিবা ইন্দাকে চাংফেংআরাং দংওবা আনচিংনি ইসলচানি খেনমানগিজাখো মা·ন্নে বিনি নাম্মা খাৎথাখো চিংআ ফারাকেন না·সংনা আগানামিং।

1 থিষলনীকী 2:2 Iomraidhean Croise

ওয়াত্তেতারাংনা 14:3

পৌল আরো বার্ণবা উয়া সংজিলমাও বাং·গিজা সালনা দংজক আরো খেনমানগিজা গিত্তেলনি খাৎথাখো আগানফ্রাকনা হা·বাচেংজক। গিত্তেলনি খা·সাচাক্কানি গিম্মিন বিসংনি আগানফ্রাকগিবারাং বিবি হং·আ ইখো ফিন্নিকনা পৌল আরো বার্ণবাখো আইয়াও ইনমানগিবা কামরাংখো দাকনা বিল হন·জক।

ওয়াত্তেতারাংনা 14:5

উনোন যিহূদী হং·গিজাগিবারাং আরো যিহূদীরাং বিসংনি দাল·গিবারাংমুং আপসান হং·এ পৌল আরো বার্ণবাখো গিচ্চিয়েতনা আরো রং·থিচা গোথাতনা খু·চিংজক।

ওয়াত্তেতারাংনা 16:12

উয়োনি চিংআ ফিলিপী সংজিলমাও রি·য়াংজক। ইয়া ফিলিপীন ম্যাসিডোনিয়ানি উয়া জওলনি দাল·বাৎগিবা সংজিলমা। উনি মান্দিরাং রোম হা·খিংনি মান্দি হং·আমিং। চিংআ সালসা সালগ্মি উয়া সংজিলমাও দংজক।

ওয়াত্তেতারাংনা 16:19

মান·দাপজানাজক ইন্নে উয়া মিচিকনি নকগিবারাং পৌল আরো সীলখো রি·ম্মে সংজিলমানি দাল·গিবারাংচা সাল্লে রিম্মাংজক।

ওয়াত্তেতারাংনা 16:37

উনোন পৌল উয়া সিপাইরাংনা আগানজক, “চিংআ রোমান, চিংখো বিচাল দাকগিজান গিম্মিকনি মিকখাংও বেতচা দকজক আরো জেলো দনজক। দা·আও শাসন দাকগিবারাং চিংখো সিউল দাক্কে ওয়াতনা হা·ম্মিংআমা? উয়াদে হং·জানুয়া; বিসং আন·থাংথাং রি·বাএ চিংখো হা·ফালচা রা·আংখানা।”

ওয়াত্তেতারাংনা 17:1

পৌল আরো সীল আম্‌ফিপলি আরো আপল্লোনিয়া সংজিলমা গিত্তা থিষলনীকী সংজিলমাওনা রি·য়াংজক। উনো যিহূদীরাংনি থম·দাকরাম দামসা দংআমিং।

ওয়াত্তেতারাংনা 17:17

বিয়া থম·দাকরামও যিহূদীরাংমুং আরো ইসলখো অলাখিগিবা গ্রীকরাংমুং খাৎথা আগান্না হা·বাচেংজক। ইনাআগ্রে বাজালও রি·বাগিবারাংমিংবা বিয়া ফাংনাজ্রিং খাৎথা আগান্না হা·বাচেংজক।

ওয়াত্তেতারাংনা 19:8

উনি জা·মানো পৌল থম·দাকরামচা রি·য়াংজক আরো জাগিত্থাম দিপ্পাৎ খেনগিজা খাৎথা আগানজক। ইসলনি সংনকনি গিম্মিন বিয়া জিথোয়া খু·ফাচা মান্দিরাংখো বিবিরা·এতনা হাম·জক।

ওয়াত্তেতারাংনা 4:13

পিতর আরো যোহননি খেনমানগিজাখো নিক্কে আরো বিসংখো লেক্ষা-পরা দংগিজাগিবা মান্দি ইন্নে হা·আইনা মা·ন্নে উয়া দাল·গিবারাং আইয়াও ইনমানজক, আরো বিসং যীশুমুং দংআমিং ইখোবা হা·আইনা মান·জক।

ওয়াত্তেতারাংনা 4:20

চিংআ জেখো নিকজক আরো খিন্নাজক উখো আগানগিজাদে দংনা মান·জা।”

ওয়াত্তেতারাংনা 4:31

জে হা·দামও বিসং থম·দাকামিং, বি·আনি জা·মানো উয়া হা·দাম মজিমজক। আরো বিসং গিম্মিকান গিসিক রংথালগিবাও গাপ্পে খেনমানগিজা ইসলনি খাৎথাখো আগান্না হা·বাচেংজক।

ওয়াত্তেতারাংনা 5:41

যীশুনি বিমুংনা ওয়াত্তেতারাং চন্নিকাখো মা·ন্না খ্রাগিবা হং·আনি গিম্মিন বিসং হান·সেংবিএ দাল·বাৎগিবা খ্রিমাওনি রি·য়াংজক।

রোমানরাংনা 1:1

আংআ খ্রীষ্ট যীশুনি নকখল পৌল রোম সংজিলমানি বিবিরা·গিবারাংচা ইয়া চিঠিখো চক্কিংআ। ইসল আংখো বিনি ওয়াত্তেতা হং·না রিক্কামজক আরো বিনি হন·গিবা নাম্মা খাৎথাখো আগানফ্রাকনা বাচ্ছিয়ে রা·জক।

2য় করিন্থীয়রাংনা 3:12

চিংনি ইন্দাকে খা·দংআ দংআ ইন্নেন চিংআ ফি·ফ্রাকে খাৎথা আগানা।

কলসীয়রাংনা 2:1

আংআ না·সংখো হা·আইএতনা হা·ম্মা, না·সংনা আরো লায়দিকেয়া সংজিলমানি মন্ডলীনি মান্দিরাংনা, আরো আংখো জেরাং নিকখুজা বিসং গিম্মিকনা আংআ গাম্মিংজক।

1 থিষলনীকী 1:5

মুয়ানা চিংনি আগানফ্রাকগিবা নাম্মা খাৎথা খু·সুকচাসান না·সংচা রি·বাজা, ইন্দিবা বিলচা, গিসিক রংথালগিবাচা উয়া রি·বামিং। না·সংমুং দংমিত্তিংও না·সংনি নাম্মানা চিংআ বাদিকে দাক্কে রি·য়া-দোআ না·সং উখো হা·আইয়া।

2 তীমথিয় 1:12

ইনি গিম্মিনান আংআ ইন্দাকা দুকরাংখো চাক্কিংজক; ইন্দাকোবা আংআ খ্রাচা·জা, মুয়ানা আংআ হা·আইয়া আংআ সানি সাক্কাও ফাংচাকজক। আংআ খাকখেতান হা·আইয়া, আংআ বিচা জেখো দনজক খ্রীষ্টনি রি·বানি সালনা উখো রাক্ষিয়ানি বিল বিনি দংআ।

যিহূদা 1:3

খা·সাগিবা রিপ্পেংরাং, পাপওনি জে জক্কেতাখো আনচিং দিমদাকান মান·জক উয়া জক্কেতানি গিম্মিনো আংআ না·সংচা চকনা হা·সিকবিয়ামিং। ইন্দাকোবা খ্রীষ্টান থরমনি বিবিরা·আ, জেখো ইসল বিনি মান্দিরাংনা ফাংনাজলনা হন·জক, উনা চাক্কে জেদাক্কে না·সং জাংগিগাল্লে দাকগ্রিকা উনা খা·দংএতনা ইন্নে আংআ না·সংচা চকনা নাংআখো চানচিজক।