1 থিষলনীকী 2:16 - Garo New Testament

¹⁶ বিসং চিংখো চাংফেংআ জেদাক্কোদে গিপ্পিন জাতরাংখো পাপওনি জক্কেৎনা ইন্নে বিসংচা চিংআ মামুং খাৎথাখো আগান্না মান·জা। ইন্দাকেন উয়া যিহূদীরাং ফাংনান পাপনি সাক্কাও পাপখো গাৎদাপ্পিংজক, আরো ইসলনি খা·আওনাংআ চু·গিম্মিক দাক্কে বিসংনি সাক্কাও গা·আকজক।

1 থিষলনীকী 2:16 Iomraidhean Croise

মথিনি চকগিবা নাম্মা খাৎথা 12:45

জা·মানো উয়া গিসিক নামগিজাগিবা আন·থাংনা বাত্তে আরোবা নামবাৎগিজা গিপ্পিন গিসিক স্নিখো রি·ম্মে রা·বাআ আরো উয়ো নাপ্পে দংখামা। উনি গিম্মিন উয়া মান্দিনি স্খাংনা বাত্তে বন·চতগিবা অবস্থা নামজাবাত্তা।’’ ইয়া চাসংনি নামগিজা মান্দিরাংনি অবস্থাবা উগিত্তান হং·নুয়া।’’

মথিনি চকগিবা নাম্মা খাৎথা 23:32

ইন্দাকোদে না·সংনি ফাগিৎচামরাং জেখো দাকচেংজক উনি মিত্তামরাংখো না·সং ব·ন্নেতবো।

মথিনি চকগিবা নাম্মা খাৎথা 24:14

গিম্মিক জাতরাংনা সাক্ষি হ·ন্না ইন্নে সালগিনি সংনকনি নাম্মা খাৎথাখো হা·গিলসাক গিম্মিকও আগানফ্রাকনুয়া আরো উনি জা·মানোন বন·খামগিবা সাল সকবানুয়া।

মথিনি চকগিবা নাম্মা খাৎথা 24:6

না·সংনি নাচিলো দাকগ্রিকানি খু·রাং রি·বানুয়া আরো দাকগ্রিকানি খাৎথারাংখোবা না·সং খিন্নানা মা·ন্নুয়া। ইন্দিবা সিমসাকবো! ইয়ারাংনা দা·আ খেন্নাবো, মুয়ানা ইয়ারাং হং·নোন; ইন্দিবা উনোবা বন·খামানি হং·খুজা।

মথিনি চকগিবা নাম্মা খাৎথা 3:12

বিনি জাক্কোন রুয়ান দংআ আরো আন·থাংনি মি মাড়াইগিবা হা·দামখো বিয়া নাম্মেদাক্কেন রংথালেতনুয়া। বিয়া আন·থাংনি মিখো জামও চিম্মংনুয়া, ইন্দিবা বিবুখোদে খিম্মিতনা মান·গিজাগিবা ওয়া·আলো সো·এ গালনুয়া।’’

মার্ক 16:16

জে মান্দি বিবিরা·আ আরো রিপ্পলা বিয়ান পাপওনি জকনা মা·ন্নুয়া, ইন্দিবা জে মান্দি বিবিরা·জা ইসল বিখো গ্রোনাংগিবা ইন্নে শাস্তিখো হ·ন্নুয়া।

ওয়াত্তেতারাংনা 13:45

মান্দি জিলমাখো নিক্কে যিহূদীরাং মিকনেংবিজক আরো পৌলনি আগানগিবারাংখো জিজক।

ওয়াত্তেতারাংনা 13:50

ইন্দিবা যিহূদীরাং ইসলখো অলাখিগিবা মিচিকরাংখো আরো সংজিলমানি দাল·গিবা মান্দিরাংখো খা·আওনাংএতজক। ইন্দাকে বিসং পৌল আরো বার্ণবাখো গিচ্চিয়েতি উয়া জওলনিখো বিসংখো হং·খাত্তেতজক।

ওয়াত্তেতারাংনা 14:19

জা·মানো আন্তিয়খিয়া আরো ইকনিয়নি মিত্তাম যিহূদীরাং রি·বাএ পৌল আরো বার্ণবানি সাক্কাও মান্দিরাংখো খা·আওনাংএতজক। উনোন মান্দিরাং পৌলখো রং·থিচা গোথাতজক আরো বিয়া সিজক চানচিয়ে সংজিলমানি হা·ফালচা বিখো সালরুরুয়ে রা·আংজক।

ওয়াত্তেতারাংনা 14:2

ইন্দিবা বিবিরা·গিজাগিবা যিহূদীরাং গিপ্পিন জাতরাংখো খা·আওনাংএতে বিসংনি গিসিকখো বিবিরা·গিবা জংআদারাংনি সাক্কাও মিকনেংএতজক।

ওয়াত্তেতারাংনা 14:5

উনোন যিহূদী হং·গিজাগিবারাং আরো যিহূদীরাং বিসংনি দাল·গিবারাংমুং আপসান হং·এ পৌল আরো বার্ণবাখো গিচ্চিয়েতনা আরো রং·থিচা গোথাতনা খু·চিংজক।

ওয়াত্তেতারাংনা 17:13

থিষলনীকীনি যিহূদীরাং জেনসালো খিন্নানা মান·জক পৌল বিরয়াও ইসলনি খাৎথাখো আগানফ্রাকিংজক উনো বিসং উয়োনাবা রি·য়াংজক আরো মান্দিরাংখো খা·আওনাংএতে গোলমাল দাক্কেতজক।

ওয়াত্তেতারাংনা 19:9

ইন্দিবা বিসংওনি মিত্তামরাংনি খা·থং রাক্কানি গিম্মিন বিসং বিবিরা·না হাম·জাজক আরো গিম্মিকনি মিকখাংও যীশুনি রামানি গিম্মিন বাং·এ জিনা হা·বাচেংজক। উনোন পৌল বিসংখো ওয়াত্তে রি·য়াংজক। বিয়া জা·রিকগিবারাংখো রা·এ তুরান্ন মিংগিবা স্খিগিবা সাকসানি নকচা সালারিক্ষিত রি·য়াংএ খু·ফা-জিগ্রিকাচা খাৎথা আগান্না হা·বাচেংজক।

ওয়াত্তেতারাংনা 21:21

গিপ্পিন জাতরাংনি গিসেপো দংগিবা যিহূদীরাংখো না·আ মোশিনি বেওয়ালরাংখো ওয়াত্তে রি·না স্খিংআ ইন্নে বিসং হা·আইজক, না·আ বিসংনি দেদ্রাংখো বিগিল রাতনা আরো যিহূদীরাংনি বেওয়ালখো মানিনা বেং·আ। দা·আও চিংআ মুয়াখো দাকনুয়া?

ওয়াত্তেতারাংনা 23:12

সালগিপ্পিনো ফ্রিংও যিহূদীরাং খু·মংজক আরো পৌলখো স·ওতখুজানা দিপ্পাৎ মামুংখোন চা·জানুয়া ইন্নে খু·মিকচেতজক।

ওয়াত্তেতারাংনা 24:9

ইয়া খাৎথারাং বিবি হং·আ ইন্নে যিহূদীরাংবা আগানজক।

ওয়াত্তেতারাংনা 25:2

উনোন দাল·গিবা খামালরাং আরো যিহূদীরাংনি দাল·গিবারাং বিচা রি·য়াংএ পৌলখো নালিশ দাকজক।

ওয়াত্তেতারাংনা 25:7

পৌলনি উয়োনা রি·বানি জা·মানো যিরূশালেমচানি রি·বাগিবা যিহূদীরাং বিখো উইলউইলে চাদেংএ বিখো বাং·এ দোস হন·জক, ইন্দিবা উরাংখো ফিন্নিকনা মান·জাজক।

ওয়াত্তেতারাংনা 4:12

পাপওনি জক্কেতাখো দারাংওনিবা মান·জা, মুয়ানা হা·গিলসাক গিম্মিকো ইন্দাকগিবা সাকসাবা দংজা জেনি বিমুংচা আনচিং পাপওনি জক্কেতাখো মা·ন্নুয়া।”

ওয়াত্তেতারাংনা 9:23

ইনি বাং·এ সাল রি·য়াংআনি জা·মানো যিহূদীরাং বিখো স·ওতনা খু·মংগ্রিকনা হা·বাচেংজক,

গালাতীয়রাংনা 5:11

জংআদারাং, দা·আওবা আংআ ইন্দাকে আগানফ্রাকোদে, মান্দিরাং বিগিল রাতনা নাংআ ইন্দাকোদে দা·আওবা মুয়ানা আংখো গিচ্চিয়েতিংজক? ইন্দাকোদে চিসলনি সাক্কাও খ্রীষ্টনি সিয়ানি চাংফেংআ দংজাজক।

ইফিষীয়রাংনা 3:13

ইনি গিম্মিন আংআ মল·মলিংআ, না·সংনা আংআ দুকরাংখো চাক্কিংজক ইন্নে না·সং দা·আ খেনমানাবো, মুয়ানা না·সংনি রাসংনান উরাং হং·ইংজক।

ইফিষীয়রাংনা 3:8

ইসলনি গিম্মিক মান্দিনি গিসেপো আংনা বাত্তে চনবাতা সাকসাবা দংজা, ইন্দাকোবা খ্রীষ্টনি জে গামনি খাৎথাখো চু·গিম্মিক দাক্কে হা·আইনা মান·জা, গিপ্পিন জাতরাংচা উয়া গামনি নাম্মা খাৎথাখো হা·আইএতানি কামখো ইসল খা·সাচাক্কে আংনান রন·জক।

1 থিষলনীকী 1:10

আরো সালগিওনি বিনি দেফান্থিনি রি·বানি গিম্মিন সেংসোনা মা·ন্না। উয়া দেফান্থিন হং·জক যীশু, জেখো বিয়া সিয়াওনি থাংচাএতামিং। ইসলনি জে শাস্তি রি·বাংজক উয়া শাস্তিওনি ইয়া যীশুন আনচিংখো জক্কেৎনুয়া।

2 থিষলনীকীয়রাংনা 2:10

আরো ব·ন্নানি রামাও রি·গিবা মান্দিরাংখো থগিয়েতনা দাকমিকানি গিসেপো। ইয়া মান্দিরাং ব·ন্নাংনুয়া, মুয়ানা পাপওনি জকনা বিসং বিবিখো নামনিকজাজক আরো উখো বিবিবারা·জাজক।

1 তীমথিয় 2:4

বিয়া হা·ম্মা জেদাক্কে দিমদাকান পাপওনি জক্কাখো মা·ন্না আরো খ্রীষ্টনি গিম্মিনো বিবিখো নাম্মেদাক্কে হা·আইনা মা·ন্না।

ইব্রীয়রাংনা 6:8

ইন্দিবা জে হা·আ বুসুগ্রিম আরো বিদুরাংখো চাএতা উয়া হা·আ কামনা চলিজা আরো উয়ো শাপ গা·আকানি খেন্না দংআ। বন·চতাও মান্দিরাং উখো সো·এ গাল্লা।

ফারাকগিবা খাৎথা 22:11

নামজাস্রাংগিবা, ইনি জা·মানোবা বিয়া নামজাস্রাং দংখানা। খাকখেৎ মান্দি ইনি জা·মানোবা খাকখেৎ কামখো দাকখানা আরো জে মান্দি রংথালগিবা, বিয়া ইনি জা·মানোবা রংথালে দংখানা।”