1 থিষলনীকী 2:15 - Garo New Testament

¹⁵ উয়া যিহূদীরাংআন গিত্তেল যীশুখো আরো আগানসোগিবারাংখো স·ওতে গাল্লামিং, আরো চিংখোবা বিসং গিচ্চিয়েতজক। বিসং ইসলখো খুসি দাকজা, আরো গিম্মিক মান্দিনি সাক্কাও বিসং বোবিল দাক্কা।

1 থিষলনীকী 2:15 Iomraidhean Croise

মথিনি চকগিবা নাম্মা খাৎথা 23:37

“যিরূশালেম! ও যিরূশালেম! না·আ আগানসোগিবারাংখো স·ওতা আরো নাং·চা ওয়াত্তেতগিবারাংখো রং·থিচা গোথাত্তা। দো·ও বিমা জেদাক্কে আন·থাংনি বি·সারাংখো গ্রাংনি নিং·আও থ·ম্মা উয়ানদাক্কেন আংআ নাং·নি মান্দিরাংখো আংচানা বাসিক চিম্মংনা হা·সিকা, ইন্দিবা বিসং গং·জাজক।

মথিনি চকগিবা নাম্মা খাৎথা 27:25

দিমদাক মান্দিরাং আগানচাকজক, “চিংআ আরো চিংনি বি·সারাং বিনি হান·চিনা গ্রো নাংনুয়া।”

মথিনি চকগিবা নাম্মা খাৎথা 5:12

না·সং হান·সেংবো আরো খুসি হং·বো, মুয়ানা সালগিও না·সংনি মা·ন্নানিরাং বাং·এ দংআ। না·সংনা স্খাং দংগিবা আগানসোগিবারাংখোবা মান্দিরাং ইন্দাকেন হা·রিকনুয়ামিং।

লূকনি চকগিবা নাম্মা খাৎথা 24:20

আনচিংনি খামাল দাল·গিবারাং আরো থরমনি দাল·গিবারাং বিখো রোমানরাংনি জাক্কো রি·ম্মে হ·ন্নামিং জেদাক্কে বিসং বিচাল দাক্কে বিনা সিয়ানি শাস্তিখো হ·ন্না। জা·মানো উয়া যিহূদীরাংনি দাল·গিবারাং বিখো চিসলো দাৎখাপামিং।

ওয়াত্তেতারাংনা 12:3

উখো নিক্কে যিহূদীরাংনি খুসি হং·আখো নিক্কে বিয়া পিতরখোবা রিম·না রি·য়াংজক। ইরাং ওয়ানথিগ্রি রুটিখো মানিয়ানি সালো হং·আমিং।

ওয়াত্তেতারাংনা 2:23

ইসল, জেআন স্খাংআন গিম্মিকখো হা·আইয়া, বিয়া স্খাংআন থারিয়ে দন্নামিং, যীশুখো না·সংনি জাক্কো হ·ন্নুয়া। আরো না·সংবা নামগিজা মান্দিরাংচা বিখো চিসলো দাৎখাপে স·ওতে গাল্লামিং।

ওয়াত্তেতারাংনা 3:15

জাংগি জক্কেৎগিবাখোন না·সং স·ওতে গাল্লামিং, ইন্দিবা ইসল সিয়াওনি বিখো থাংচাএতজক; আরো চিংআ বিনি সাক্ষি হং·আ।

ওয়াত্তেতারাংনা 4:10

ইন্দাকোদে না·সং আরো ইস্রায়েলনি দিমদাক মান্দিরাং ইয়া খাৎথাখো হা·আইএ রা·রিকবো, নাসরতনি উয়া যীশু খ্রীষ্ট, জেখো না·সং চিসলো দাৎখাপামিং আরো জেখো ইসল সিয়াওনি থাংচাএতজক, বিনি বিলচান ইয়া মান্দি নামস্রাংএ না·সংনি মিকখাংও চাদেংএ দংআ।

ওয়াত্তেতারাংনা 5:30

জেখো না·সং চিসলো দাৎখাপে স·ওতামিং আনচিংনি ফাগিৎচামরাংনি ইসল উয়া যীশুখোন সিয়াওনি থাংচাফিল্লেতজক।

ওয়াত্তেতারাংনা 7:52

ইন্দাকগিবা আগানসোগিবা সাকসামাংবা দংআমা, জেমুং না·সংনি ফাগিৎচামরাং নামগিজা বেওয়ালখো দাকজা? জেরাং উয়া খাকখেৎগিবা মান্দি খ্রীষ্টনি রি·বানি খাৎথাখো স্খাংওন আগানসোআমিং বিসংখোবা বিসং স·ওতে গালজক। আরো দা·আও না·সং যীশুখোন বোবিলরাংনি জাক্কো হ·ন্নে বিখো স·ওত্তেতজক।

1ম করিন্থীয়রাংনা 10:5

ইন্দাকোবা ইসল উয়া মান্দিরাংওনি ফাকমা মান্দিরাংখো নামনিকজামিং। উনি গিম্মিন বিসংনি মাংগিসিরাং হা·গিসি জওলো গা·আকে দংজক।

2য় করিন্থীয়রাংনা 11:26

আংআ হা·সং বাং·এ রোমজক। চি দা·ল্লানি গিম্মিন, রা·সেকে রা·গিবারাংনি গিম্মিন, আন·থাংনি জাতস্খা মান্দিরাংনি গিম্মিন আরো গিপ্পিন জাতরাংনি গিম্মিন আংআ হং·সিয়াও গা·আকজক। ইনাআগ্রে সংজিলমাও, হা·গিসি জওলো, সাগালও আরো বু·এ চা·গিবা জংআদারাংনি গিসেপোবা আংআ হং·সিয়াও গা·আকজক।